我對某啲海鮮有食物敏感，但係煮熟左又會食得。
例如蝦，煮熟左嘅蝦食左冇問題，但係一食生蝦就會成個口腔喉嚨都好痕，食道落到胃會拿住痛。貝殼類嘅海鮮都係咁嘅情況，只要有少少煮唔熟就會有過敏反應。
有一次同普通科醫生講呢個問題，醫生話唔會咁樣喎，話對果樣食物敏感嘅話，無論係生定熟都會敏感，所以令到我都好疑惑
有冇人都有食物敏感，可唔可以分享下你哋嘅情況係點樣嘅？
我係豆漿，豆腐花，無論係熱或凍食，食完喉嚨會痕痕痛痛，但整餸嘅豆腐又冇嘢，好奇怪 
我細個食蛋食蝦，皮膚就爛…
之後無事?
係爛到要搽藥膏先好返
係咪生或熟都一樣會敏感呀？
我食蛋冇事，熟嘅蝦都冇事，但係生蝦就過敏
通常隔幾個鐘後就會無事
我好憎西芹芫荽，食親都反胃。算唔算敏感啊…
我食蝦都會敏感，但唔係一般紅腫、痕嗰種。
我係會胃抽筋，超痛，滴曬冷汗嗰種，一痛就痛成晚
而且我對鮮蝦先會敏感，冰咗好耐嗰啲雪藏蝦唔會，食賴尿蝦都無問題
同人講我情況，好多人話無聽過我呢種
同你一樣，鮮蝦（熟），胃痛，最多一隻，食兩隻就痛
好似唔消化頂住咁
仲要以前冇，係最近先胃痛
懷疑過係咪年紀大咗
船熟海蝦好似冇事，最近食咗2隻大蝦
生赤蝦、甜蝦，都冇事
咁你情況同我好似呀，我食生蝦係會由食道到胃都會拿住痛，耳仔喉嚨會勁痕，但係煮熟左食又會冇問題。
咁你食唔食海膽嫁？海膽會唔會敏感？我係超鍾意食海膽，食完有時會有少少痕，有時又會勁痕，成日想食但係又要忍受啲過敏反應，真係又愛又恨
我係好細個就開始，細個老豆鐘意買鮮蝦白灼，唔知點解食親都痛，明明平時食蝦餃雲吞之類又無事喎
大個咗先意識到係鮮蝦出事，最後食嗰隻鮮蝦係岩岩結婚俾面奶奶食咗隻⋯⋯又痛一晚⋯⋯
（我已經結咗婚1X年
）好恨再食不過始終都唔敢，太痛嘞，個胃好似扯大纜咁抽搐，好痛
我係抽筋嗰種痛，扯得好行，不過就完全唔會紅腫或者痕，其他海鮮我無呢個問題㗎～唯獨係鮮蝦雪藏嘅就食得（蝦餃燒賣雲吞）
賴尿蝦、龍蝦、小龍蝦乜都得
就係鮮蝦唔得
我接近廿年無食過鮮蝦嘞無論生熟，鮮蝦製嘅我都無再食過
反應太強烈，好痛而且會痛好耐，驚咗
一樣
有冇食過壽司嗰啲蝦？
無嘞，好耐無食蝦有時唔知嗰啲食物用鮮蝦定雪蝦，都一律唔敢食
就咁聽落我覺得你唔係食物敏感，而係因為生嘅海鮮有好多菌、寄生蟲等等，令你唔舒服。
但係所有魚類嘅魚生，我又唔會敏感喎，同埋生蠔都冇事。係生蝦最嚴重，其次係帶子扇貝，海膽就最輕微。
其實我有做過過敏測試，都係話對甲殼類敏感比較嚴重，但係最奇怪係當所有嘢煮熟晒又會冇事
正常的，有啲bb/大人食生野或唔新鮮既野會敏感，新鮮既就唔會
因為唔新鮮既海鮮protein會分解出某種酵素酶，會trigger免疫系統反應
1個讚
有冇可能係酵素敏感
我有個朋友又係食 新鮮木瓜菠蘿喉嚨就會痕同埋皮膚紅腫， 但係如果 係食燒過嘅菠蘿 同木瓜又唔會有事