想問問有冇jm喺廣華做過IVF?
如果唔成功嘅可以試多幾多次㗎？
我17年喺仁安做過一次IVF但唔成功，之後因為budget問題諗住放棄，到上年有朋友建議試吓去排政府，我年尾先去家計會拎封轉介信去廣華排。原本約咗今年11月頭第一次見醫生，但8月中收到電話可以提早兩個禮拜，即10月中見醫生，仲話會直接開始IVF（如果我冇聽錯姑娘嘅說話），所以要我同老公帶埋結婚證書去。
我已經高齡，仲要amh好低（得0.3x），上次IVF日日打三支針都只係抽到4粒卵，成功受精嘅得兩粒，但兩粒都去唔到day5，所以今次都冇咩信心一次就bingo⋯⋯
雖然我唔係向廣華做ivf，有4粒卵都好好都唔算差
我上次都係得3粒，都有一粒成功左呀，依家阿B一歲喇……
最好每晚浸腳，成個人保暖都有幫助㗎，加油！
多謝你，我都希望今次可以成功
而家我日日食Q10同維他命B雜，keep住睇中醫都睇咗一年有多，嚟緊會做返多啲運動，希望真係有幫助啦～
我AMH都好低, 每次都係得2-3粒卵, 一齊加油~
想問下大家知唔知公立係咪可以直接ivf?
如果只做過iui一次
相信好少會直接IVF，我朋友都有排廣華，但醫生要佢食幾個cycle嘅排卵藥試吓先，唔得先再試其他。
我自己個case可能特別啲，我三年前喺仁安試過一次IVF失敗，加上高齡
，醫生睇過我之前仁安啲資料就俾我做IVF，其實⋯⋯應該係我情況比較差先會咁，正常唔會
你個陣有冇叫仁安寫信證明你需要直接做IVF?
請問你係仁安或廣華有冇先做輸卵管,腹腔鏡手術?
你睇仁安邊位醫生?
我係2018年9月睇仁安嘅周醫生，記憶上佢都唔錯，不過私家真心貴，所以個時諗住試一次唔得就算，冇諗過排政府。
係過咗一年有多，應該2019年10月，同fd傾開偈，佢話我哋交咁多稅又咩福利都冇，點解唔排政府試吓，所以我就去咗家計會搵醫生講返我情況（試過一次IVF 唔得），然後同佢講我想佢幫我寫轉介信去排廣華，跟住醫生就寫晒我啲情況喺封轉介信度，我就拎住去排廣華，可能加埋我排個時都36歲，排1年就可以見醫生（2020年10月），醫生睇完我之前仁安啲報告就話可以直接做IVF，但IVF條隊要排到2021年5月
⋯⋯
我喺仁安有照過輸卵管，去到廣華都有比醫生睇返報告，腹腔鏡就冇做呀，可能因為我2019年尾做過個有關子宮嘅微創？anyway廣華嘅醫生冇叫我做
岩岩去見左廣華醫生，佢要我做夠3次iui先比做ivf仲要排到2022/3月做iui
會唔會因為你仲後生？
我已經38，如果要試iui唔得先再試ivf嘅話應該皮已收
我都34了
又可能唔係真係要你做曬三次先肯俾你做IVF嘅，我朋友之前都係要佢做IUI，試咗一次唔得之後就俾佢排IVF條隊喇
可能個個醫生唔同，因為我係私家已經做左2次iui,個醫生話你未做夠3次所以要做多次先。我已經出聲話想直接ivf，因為男女都有啲問題，之後個醫生都係話要做夠3次先
但係想問吓，amh 0.3x都可以排政府咩？唔係話太低唔收症？
呢個我唔清楚吖，反正佢肯收，我就照排囉
咁可能係因為我之前做過一次 IVF都失敗，所以佢肯俾我直接IVF…?
可能係
想問廣華大概要排幾耐?
無記錯我係登記後大約一年多啲就見醫生，見完就排IVF條隊，呢個就等咗半年，之後見醫生就開針喇
我都係係廣華 之前自己係私家做過一次iui
係出面都做曬所有檢查 拎曬報告番去廣華醫生睇
一個月後就番去做iui 做左2次 醫生就叫我我排期見ivf 醫生
見完醫生 半年內會有得做ivf