請問大家對南區各小學的評價。
淨知道南區四寶多南區人爭，
其他學校評價如何？
有沒有鶴山小學的評價？
幫推
有冇考慮跨區？我女剛剛南區小學升中，我認真後悔當年唔跨區讀
我囡當年都係南區小學，個時鶴山已經好似就執咁，所以真係無咩人會揀
因為南區小學學術麻麻？
又唔係，只係南區比較少好嘅中學，到小六升中冇乜選擇
南區官津只有一間 Band 1 英中，亦係女子書院，薄扶林呂明才係 Band 2 英中。女子書院已經有直屬，得 13 個位畀南區，跨區位可以揀嘅中學，夾埋先得 2X 個位。咁即係話，如果自行/直資上唔到岸，衰啲講句，等派位係等死一樣。呢個情況西貢區嘅學校亦係一樣，即係就算你係 Band 1，等派位嘅話，你連一半機會入 Band 1 英中都冇，仔就更加慘。
如果係讀中西區咁，Band 1 女可以搏三間女校，多選擇啲，灣仔同東區就自然更多。
呂明才應該係英中，通識分中英班，但1初中係用中文。初中得三科係中文：通識、中文同中史
我嗰件係中西區小學，B1尾，三大女中唔會揀（聖嘉x仲要藍），跨區返南區中學
係 wor，眼殘改返先。不過都錯唔曬，兩間呂明才 
，一間英中，一間中中。
不過中西區 Band 1 尾返南區好罕有…除非係聖心。否則鴨真、培德嗰啲…唔係咁好。
因為冇乜可以揀。三大女中，一間出個葉劉都算，班女學生放學大部份披頭散髮，有啲仲鬆頸喉鈕！都唔知放學定放工！摩星嶺仲癲，轉咗校長啲資深老師大逃亡，今年第一份網上功課要學生對全個cam唱國歌（唔係校歌）！見唔到樣，睇唔晒全個樣一要重錄！邊敢讀呀？
其實聖呂都受中西區學生歡迎嘅，但難入囉，得15個位俾中西區咋。
我囡當年真係唔想佢返學太遠，所以在南區讀小學，升中自行選灣仔區津中，好彩入到，今年又好彩已經入咗港大了。所以，如果真係讀到書，南區讀小學，升中考返出面都OK的
1個讚