【點解要出故事英文練習】 by may june july
係因為睇唔過眼。
識好多做過出版，教材設計嘅朋友都話，
做呢行，蝕硬; 你私補多幾個鐘好過，
知你有心，唔好嘥心機，good luck。
但係我地都係決定做，因為我地目標唔係賺錢。
我地搞呢壇嘢係因為睇唔過眼。
睇唔過眼學校揀嘅教科書悶到爆，啲內容唔貼近學生生活，整啲教材用語言學專業名詞解 grammar 俾一年級學生聽;
睇唔過眼啲學校校本整嘅教材，都係一樣，不過仲要少啲公仔;
睇唔過眼市面啲練習，封面可以講到明係 “drilling” (操練)，夠膽死寫出嚟做 selling point，完全唔顧小朋友興趣同感受，仲可以大搖大擺拎出嚟賣;
睇唔過眼啲小朋友咁辛苦做晒啲工廠式題目，攞晒滿分，但係因為做嗰啲題目可以完全唔理意思，最後都係唔識用英文;
睇唔過眼小朋友因為覺得學英文悶，無咗興趣，大個失去接觸英語世界嘅機會;
睇唔過眼無人去改變呢一切。
既然未有人做，咁就由我地開始改變，用我地喺師訓學咗嘅嘢，整份好玩得嚟真係學到嘢嘅練習。
個練習用故事串連，小朋友要追劇情，自自然會做下一頁;
填完充先知個故事點開始, 重組句子係尋寶圖嘅 instruction, reading 係故事裡面法寶嘅單張。有劇情推動自自然就會肯去做。有原因用英文，自自然就會想學想用，唔洗做500條唔知點解嘅填充。
我地呢個練習，依家第一份免費，適合小二至小四學生，like 同 share 呢個 post, 幫我地喺留言度 tag 一個朋友, 話聲俾我地知, 就會俾條 download link 你。
你想出練習補習賺錢，甚至只係八卦，都可以睇下，因為我地真係唔介意人地抄我地條橋。最好有大量同類產品競爭對手。
因為我地想市面上所有教材練習都唔再死操，會顧小朋友感受。
我地想越多人知呢個 idea 越好。你無小朋友，都可以話俾身邊你識嘅家長，老師知。我地想俾人知, 原來學英文有咁嘅 option。
希望小朋友至少喺童年嘅時候過得開心，學到嘢，未來做啲有意義嘅事。
/
Learning should be fun
支持我地嘅理念, 請 like 我地:
Not Your Usual Education 神奇教育
IG: @nyu_education
/
原 post: Redirecting...
