有冇媽媽經歷過？呀仔由本身食220ml一餐，到一餐70至80，再到而家只肯埋身，仲要有時只肯啜幾啖
點算，濕片都開始小
幫推
我覺得，如果濕片唔夠又或者過輕跌出生長線， 不如去健康院或兒科醫生睇下有咩建議。
1個讚
雖然已經係n年前， 我仔當時都係咁， 我地睇醫生 健康院都去過都係無咩意見俾到， 最後我地只好俾d糊仔， 果蓉佢食， 叫做捱到去6個月， 就轉第二隻奶粉， 叫做改善少少
我女當年都厭奶，連醫生都睇埋，醫生(趙x城)話有可能係我哋成日覺得佢飲得少，所以梗要佢飲多啲，久而久之，BB對飲奶產生厭惡，當時我哋有比佢鬧，因為係事實，根本冇藥食，最多比支開胃水。之後我哋放鬆心情，佢飲就飲，唔飲就算，捱到5個月左右，即比佢試糊仔。
我B由2個月大起開始厭奶,直到8、9個月先好D。佢見到奶樽會推、大喊,我好少奶,所以一定要補奶粉。厭奶果陣,我餐餐都餵成個幾鐘…佢飮下停下,扭下計又氹下,我好有耐性咁餵,先飲得多。佢唔鐘意食野,唔食佢都唔會餓咁,所以我一定要餵至少8、9成奶/D奶到期先收手。都有問過醫生,話佢性格係咁,冇得醫 
最後佢係我各種方法下餵奶,加固前都係個中碼B~出世時佢係就跌出生長線 
抱住佢餵、趁佢眼瞓、安撫巾/公仔貼佢面珠餵、放床墊高佢頭餵、用匙餵,各式各樣姿勢、方法都試,只要佢肯飮就得。
少食多餐你都可以試下,飲得一半同佢玩下之後再飲~
其實四個月大可以開始試食糊仔, 俾佢試下?
厭奶有時係因為BB五感開始發展, 太八掛所以冇心食
埋身時環境可以靜D, 熄燈, 或者揾餵奶巾冚住佢
呀囝半夢半醒既時候肯食多啲，所以凌晨嗰兩餐都餵到奶粉，見佢濕片有5至6塊我就稍為放心啲啦，多謝各位媽媽分享
