Hello，僅供參考。
Berkana, Thurisaz, Mannaz
感覺已經on progress好緊，不過過程係循序漸進。
同埋想問係咪免疫系統或者防衛系統（skin）方面既問題？不過感覺你其實反應好快，一有苗頭就即刻action去醫，所以效果都卓越同埋中point。
Runes顯示，亦的確advise你可以去搵多d唔同既人去consult，問多d唔同人既意見同支援。
補樹語牌：椰子樹，南洋杉，衫樹
首先係建議你要放鬆，以一種輕鬆d既心情去面對，同埋如果有機會，真係適合好好放假休息一下，嘆一下。
跟住亦advise你，唔知目前既病，會唔會令你心理壓力，覺得自己唔可以俾人知，或者顯示出虛弱既一面。睇到建議係，可以放心表現出你既擔心恐懼，因為每個人都會有虛弱既時候，適時放鬆翻自己既“心防”有助於你去獲得更多既支援。
再嚟係心理上，衫樹係生長好快既樹，有係筆直向天，其實有種好swift既感覺，感覺個病會來得快去得也快，唔洗過份憂慮。
Hello，移民問太遠，同埋都係果句，想移民，你有意識意志做嘢，自然ok，完全自由意識決定結果，無需要命運推波助瀾。so問備孕。
僅供參考。
備孕情況：惡魔
感覺……因為惡魔牌係魔羯牌，感覺有種barren既感覺。同埋有種“功利心”，好似“哩舖不成功便成仁”既任務feel。哩樣嘢為雙方帶嚟壓力，從而難以受孕。
你既心理準備狀態：權7
感覺你有種打仗feel，同埋權7係火星獅子，想知道可能受孕成功於否或者快定慢，會唔會本身為你既個人“面子”或者“個人自信”上面帶嚟壓力。或者類似，人哋個個都boot一聲就中咗，點解我咁耐，做咁多preparation都未有。感覺你好戰意高昂，但係反而會帶嚟上述惡魔牌既壓力。
老公心理準備：錢9
感覺其實佢心態好d……佢無果種“mission oriented”既目標心，有種閑亭信步既feel，佢其實會用心耐心咁去享受哩一段“備孕中”既人生旅途，會“目標重要，但過程也重要”。佢哩種心態，當未成功既時候，都唔會咁大心理落差，反而更有助於bounce back and continue。其實會更適合“孕育新生命”。
advise to you：魔法師
……玩多d花樣
真係一開出既就哩個feel
玩多d“花樣”，從而令你哋雙方心情輕鬆d，同埋無咁mission feel
我終於覆到你哩個post啦 多謝你既支持。不過估唔到你會睇埋其他人既post?我以為都淨係會睇自己。
Hello，僅供參考。
situation if Master：劍5
感覺你報master或者會有一種“失望”既感覺。以為好似你追求既嘢，係哩個course度俾唔到你，同埋大圍d人同你既理念不一，意見相異，會有種委屈勉強自己既feel。
if 其他或aboard：劍6
感覺你會覺得自在自由好多，“我終於唔洗理你哋哩班友啦，我終於可以暢快哋express我自己啦”，同埋你個perspective 同horizon會廣闊咗好多，overal嚟講會有一種個人見識大大提升既feel。
if. 放棄and 搵工：權4
感覺你都會好暢快同快意，感覺你自己本身可能有好多嘢想落實去做，但係都因為感覺“我未讀完書”，所以都未有真正去落實，反而如果你哩舖放棄讀落去，有種你終於可以追求自己內心想做既嘢既慾望，同埋感覺身邊人都會支持你，同埋為你而感到興奮高興。
advise if you want to keep going master 權9
感覺會辛苦，同埋你會因為前面講，你既信念可能同其他人唔同而感受到壓力，你會需要自己獨自去支撐哩份理念，所以會辛苦d。
幫你抽關於移民。僅供參考。
點解你會因為長輩反對而唔開心：杯1
因為你感受到，可以同理心地，感受到長輩既果份情感既迴響。有d你既心，會輕易地被長輩既情緒影響，甚至波動到。meaning 長輩一黑面，一反面，你就可以自己情緒波動激動，理智客觀冷靜唔到。所以根本唔太可能可以“大家坐低有說話慢慢講”
why 長輩反對你哋走：錢后
“留係度好食好住，你哋做乜要走”第一句跳出既既感覺。同埋可能對於長輩嚟講，你哋一直係佢哋既照顧or養育下長大，係佢哋領土不可分割既一部分，做乜要毒辣出去…… 有種咁既feel
advise to you：死神
真係advise你要勇於sharp cut。因為上述兩張牌加埋，都感覺到你對於長輩果種“共生”“盤繞”既關係好深好緊，好似榕樹咁錯綜複雜。死神出現有種感覺係，你要敢於讓哩種過份纏繞共生哩關係死去，先有機會自由。同埋哩個過程，其實都係長輩自己既一份蛻變成長。令雙方都自由既一步。
跟張樹語卡：木棉
木棉＝英雄樹
英雄係咩？勇於反抗，勇於對抗你認為應該對抗既事物，而唔會瞻前顧後，或者後悔自己做既決定。而且對於結果無畏無悔。
僅供參考。
轉收費隊已經解決，多謝信任支持。
多謝樓主！其實係我自己未消化到現況，亦希望有指引，帶我繼續前行⋯⋯， 因依家一個東行，一個西走
轉收費隊，已經解決，多謝信任支持
謝謝樓主詳細解答，好準呀
樓主…首先由衷多謝您抽空免費幫我占卜…最仲要嘅係…您好準啊!!!
最近兩三個月真係有免疫系統引起嘅皮膚問題，我一發現就搵專科醫生，之後gut feeling覺得呢個醫生唔掂，就搵第二個醫生拎2nd opinion，兩位診斷結果唔一樣，所以好快又搵第三個醫生，診斷係同第二個醫生一樣，終於可以放鬆一下。
呢個皮膚問題令我食唔安訓唔落，情緒出現咗問題，好彩呢幾日身體狀況有好轉，又搵咗朋友去傾，壓力減低咗好多，同埋知道要有耐性等身體慢慢復完。您嘅解讀同我現家嘅情況完全吻合，真係好準!
再一次，多謝您肯無私抽空免費幫我占卜。 另外，樓主，雖然您好有心，亦都見到好多人想搵您幫手，但希望您記得要俾自己好好休息，唔好俾自己太大壓力，祝君安好!
我睇到呆左呀MOON MAMA.
我個心態真係準到唔識形容. 我成日都會諗回解人地咁容易我就一直努力都冇…
我老公就只輕鬆話有就有冇就冇. 但我自己覺得佢唔夠努力.
好多謝你百忙中抽到幫我解答.
我決定下一條再問一定要比錢問!!
好多謝你呀MOON MAMA 
稱呼：菜菜子
大概情況：分咗手半年 已經冇聯絡三個月 一直放唔低
想問咩：佢點睇呢段關係？想知關係破裂嘅原因。
謝謝你呀。
多謝你既回覆同 “幫我對答案”
同埋多謝你既信任 皮膚病真係好折磨人同考驗意志，加油
係阿……我有時自己做leisure嘢，唔抽牌既時候，就會開始有罪惡感……自己都係度學習緊點樣monitor自己 香港人真係慣咗咩都要chur同快快手手做完。
大家加油。
多謝你既大力支持同信任 祝願你早生貴子 （句祝福好老土but you know what I mean）
好多謝你…其實到依家都好掙扎,因為讀完個master經濟上會好好多,但當然亦都要付出時間同心機
至於其他進修option就係未知數,完全估計唔到會點
但有你呢個結果,我會更加積極搵吓其他出路,而唔係著眼於本地課程
稱呼：Althea
想問咩：請問黎緊份工聘請我既機會大嗎? 唔該晒 
Hello, 哩度見到3條問題，正職，網店，關係。
正職forecast無太大意思，關係你擺2nd question，甘幫你問網店。
僅供參考。
general: 權杖公主
感覺檔生意係由你自己興趣出發去做既野，可能本身興趣做開，跟住感覺可以happy share就開檔生意仔。有一下感覺係……diy首飾？
your strength to utilize: Empress
感覺你客服方面比到人好親切既感覺。感覺到有種……好似阿媽真心好像幫位客人服務，提供最適合既野一樣。有無提供客制custumization服務？感覺係長處可以多多把握。
your weakness to overcome: 寶劍公主
感覺你有好多創意想apply落去，包括行政上，服務模式上，產品上，marketing上，不過唔敢真係落實落去，有種感覺係 我都係跟返普遍類似既網店做法就算啦 甘，作爲weakness其實你可以試下反向做，meaning，試下你果d新idea。
advice to attract more business: 錢2
好明顯係改變牌。可以實際層面上做d變化，勇於去將你既改變落實。同埋係木星摩羯，感覺一方面係，放大你既領域，可能講你網店既scale，可能你為保守起見真係好細規模仔，入貨入得少，材料買得少，變相好多野既變化都少。另一方面係將木星既理想以摩羯既務實形式實現，而唔係只係有願景。
投資有風險，資金需謹慎。
Hello，僅供參考。
雙方目前關係：錢10
感覺雙方都係比較中年(?)d既人，可能都同你一樣組織過家庭。
你地目前既相處，感覺好多都係討論下，啊最近阿仔點啊，煮咩比阿仔食，細路去邊度讀書好啊？哩d服務家庭，照顧小朋友既議題，同埋有個直覺，你地係咪做會計之類既工作？感覺你地都會討論工作内容。
你點睇對方：月亮
感覺你會覺得，對方好似可以好輕易就睇穿你甘，一眼一句説話就知道你既過去，知道你係點既人，知道你有咩恐懼，而因爲反正對方都已經知道，你反而可以卸下你平時既面具，用好真實既自我同對方相處。
對方點睇你：錢6
感覺你係一個好照顧他人既人，而且情緒穩定堅實，有種令人安心既力量。
你對於關係既期望：權4
感覺你都真係想更進一步，而且因爲權4係金星白羊，meaning你其實好想主動去爭取，更進一步係，你有種，我過去已經太lay back，我已經唔想再甘被動，我想主動積極去爭取自己想要既野既feel。
對方對關係期望：權后
對方想見到你充滿喜悅同對於人生既熱情，想你好開心甘散發光芒。
不過哩度净睇到對方想你開心，但係無話想關係更進一步。
所以我再補抽：用咩形式？ 權1
感覺係想innitiate 一d野，不過究竟係由你去innitiate定對方黎innitiate呢？哩度未睇到。
不過overal就係，對方想見到你快樂，所以期望透過innitiate一d野去做到。
不過我自己直覺都有一個感覺係，個權1好大機會係你自己忍唔住去innitiate，因爲你有張金星白羊牌。有種焦躁感。
advise to you：杯6
第一樣比你既建議係，安心享受目前既過程先，享受目前既快樂先。
因爲其實目前有一種互動既感覺，雙方都帶住種返璞歸真既情感交流。
慢慢甘去享受過程，享受哩個"比較緩慢"既節奏。有機會對方會逐步innitiate offer比你。
僅供參考。
唔該你呀!
你講得好準，我同佢都唔後生
，我地唔係做會
計，但係大家都係實際型嘅人。
我會聽取你嘅建議，慢慢享受下過程先。其實唔敢諗太多。
名：Flora
Q1：丈夫會否改變主意，肯移民
Q2：已入紙申請的移民，未來一年會否獲批
Q3：能否順利有小孩
謝謝！