稱呼：Amelia
想問：有一個女，我媽表示佢「面相」係會駁咀頂頸，「批」佢會同我日日鬧交
所以好奇一問，會唔會可以知道同阿女關係會點？
多謝你既提問。哩度都係3條問題，人數衆多，抽一題先。
抽2意義不大，想做就做，無咩"會唔會"，3既話好長遠，1近身d同埋你即時有得reflect，同埋我都係阿媽，所以私心黎講更有興趣幫手親子問題XD 僅供參考。
母女關係：Empress
感覺非常之好。你可以游刃有餘甘去照顧，養育，包容女女。女女有煩惱其實都可以向你傾訴，打個譬如，就係你專門收阿女既苦水，負面情緒憂慮，然後幫佢process走，再refill返energy佢，充滿能量甘重新出發既感覺。而且你唔會自己dry out，你自己energy非常足夠去幫阿女做process同energy refill。
你點睇阿女：聖杯王子
感覺可能你覺得阿女有d……男仔頭？不過感覺係你眼中，女女都係好free soul，情緒可以暢快表達既同時，亦都不失理性，generally黎講係理性同情感well-balanced。同埋情感阿表達方面唔會有咩blockage，好流暢。
阿女睇你：錢8
感覺都同Empress好似，你就好似大地一樣，好穩定平和，可以提供一個一個regularly & well supplied既foundation比佢，去發揮自己甘。同埋你照顧佢照顧得巨細無遺，同埋有無限既溫暖。By the way好奇問，你會唔會成日帶阿女去食好野，或者自己整好野比阿女食。阿女係咪都好鍾意食野，或者有d豬仔甘有d圓潤 
（我個細路都係爆鍾意食野，不過我都係比頹飯佢食，感覺你可能會精雕細琢一d）
有咩omit左：劍3
可能有時雙方會出口傷人？同埋感覺阿女既思維好敏捷，同埋free好多。阿女感覺偏向風元素多d，你就好重土元素，感覺可能阿女有時有d奇思妙想，或者freerider style會令你唔適應或者感到不安，所以可能哩個位會有d衝突。可能小朋友童言無忌，不過作爲大人其實要言語上刺傷小朋友其實好容易，所以要注意返，唔好情感上頭言語傷害。
建議：The Child
建議你可以抱持返一個小朋友既心態去同阿女相處。嘗試令自己心態觀念上"開放"返d，用返小朋友貪玩好奇，咩都主動試下既心態去面對同阿女既矛盾。我睇牌面組合，甚至係建議你有時可以follow阿女既想法行，阿女既奇思妙想，反而有機會為你打開好多唔同既大門，體驗到好多未知既樂趣。
僅供參考。
問題比較簡單，用runes做forecast，不過都係果句，自己唔鍾意做forecast，未來郁d都會變，等於對唔到答案。今次抽runes，真係目前順住無咩大改變下既forecast。個人建議當娛樂睇啦。
9月：Kenuz
哩排可能比較用目標性去揾工，不過只係你有意識揾邊d工作，但係無顯示揾到。
10：Naudiz
可能你會開始問自己，究竟自己想要乜野，thus削減左好多唔係真正fulfill你内心需要既工作
延遲意味，感覺未揾到
11：Laguz
開始更加專注自己既感受同情緒，或者開始有特定心頭好工作
不過都係無明顯顯示揾到工
12：Pethro
有揭曉既意思，4個月裏面，感覺12月最有機會揾到。而且有種柳暗花明又一村既感覺。上天比surprise你既feel。
好準呀，成日研究整好野食果個係我老公
我地都會帶佢食好野，佢平時食飯食得麻麻，好食同靚既野佢先食，好鬼識食同埋我個女真係圓碌碌肥肥地，有肉肉大髀，佢依家兩歲，出街好多人話佢得意
出口傷人
我對佢都幾惡，成日大聲鬧佢，同the child既建議加埋睇好makes sense,可能我跟左我媽果套驚佢整親、啲野污糟唔好店，etc. 我要放開啲比佢explore唔好咁多限制，thanks 你inspire左我
1個讚
多謝你，我會俾心機繼續搵
er……clarify下先。係阿仔自己唔sure自己係咪可以投入讀完哩4年，同埋有無機會轉U或者主修，定係媽媽你自己擔心阿仔會唔會半途而廢
唔好意思，因爲從行文中感覺，可能媽媽本身擔心居多，需要搞清楚返。如果阿仔自己本身知道想要咩，但係媽媽自己擔心，就完全唔同講法，要抽既野就會完全唔一樣啦。
希望樓主快D抽到我，幫我解開困惑！因大仔過幾日就離港，好忑忐！
稱呼：小冰
大概情況：前幾個月，肚入面ＢＢ做了小天使，真係好傷心好痛苦，成日諗係咪自己做錯？係咪自己唔小心？但自己比較正面，明白生活總要過，就要過得開開心心。宜家調理緊身體，希望寶寶快Ｄ返黎我身邊。同時，宜家我呢個年齡應該係事業上衝刺，咁岩又見到有空缺，有Ｄ心思思想報。但宜家呢個部門無論人事同工作都好好，做得開心，係人工上可以再爭取多Ｄ。
想問咩：我宜家應該先專注調理好身體等到有ＢＢ再諗升職，定還是去宜家就去申請先呢？
先多謝樓主慷慨為大家解答問題。謝謝！
係阿仔自己諗法，佢同我講的，謝謝 
好無問題，咁我adjust一下問題，抽完通知你
1個讚
《個人有感小通告》
首先好多謝大家熱烈既支持，同好多朋友仔耐心既等候同鼓勵，個po一開有好多po參與，實在受寵若驚。
不過個po開耐咗，同埋開始回覆得慢之後，一d問題開始浮現。本人之前都曾經試過幫人免費開牌，不過最後都不能避免地開始出現上述既問題。
- 我情況好急，麻煩你快d抽我
- 我仲有好多問題要問，幾時幫我問埋
- 咁之後follow up點，繼續幫我抽埋follow up問題
出po哩一刻可能有d情緒，希望唔好介意，因為本身係出於
- 自己手痕想抽
- 自己覺得塔羅係好有效既工具，同大家開心share
但係做親免費，一開始可能大家都會覺得好generous ，但係耐咗就會開始有種“老馮”feel。明白大家都好心急，見到人哋已經解答咗，好想快d輪到自己，所以不免會焦躁。
但係希望大家明白，哩個係一個免費offer，而抽一次牌唔係真係合埋眼抽就算，事前我自己都需要花時間靜心，抽完又要花精神去解，再長篇大論咁去寫番個po。好多時湊完小朋友，我自己私人時間得翻夜晚3個鐘頭，基本上做埋d濕星嘢，抽埋牌就已經無晒，第二日又要返工。各位留一句言話想抽牌，或者dm我只需要5分鐘，但係我抽牌花費時間絕對平均30分鐘起跳。
哩個po純粹係想做興趣po，大家合則來，不合則去。希望大家唔好催，或者留言或dm，我情況好緊急，麻煩快d幫我抽。的確感覺到大家都唔好意思催我，我都知道自己好慢，但係咁無疑都係一種情緒勒索。如果我今晚唔想抽，想自己睇下書，唔快d幫助有需要既人，咁我係咪衰人。
之前自己試過做免費抽牌，最終都落入哩種loophole 裏面，最後我自己太大“情緒壓力”而選擇唔再做免費，因為覺得付出少於得到既樂趣同成就感。
如果各位真係好急，或者想抽多於一題，咁我可以offer收費俾你，收費排另一條隊，俾幾次錢抽幾多次，用錢解決，你可以快d得到答案之餘，我亦無咁大壓迫感，非常capitalism既行為，咁樣大家都舒服。
new age同spiritual 既嘢的確係好大愛左膠，曾經有人大概咁既approach 話我埋怨上述既嘢－－我俾緊機會你練習wor，你哋學塔羅靈性哩d嘢，唔係應該無償幫人既咩，點解講錢？
學靈性，好多時第一課，就係要為自己set boundary，學識拒絕人。哩點亦係我一直努力學習緊既地方，過去免費幫人抽，就係因為唔識拒絕，同埋被情緒勒索既時候選擇逼自己，反而令自己好快dry out咗，同埋變相開始好討厭去幫人，最後反而自己好痛苦。
希望大家明白我既意思。亦無針對任何一個人既意思。成件事係我自己，開始聞到有d變質，有d走翻舊路既味道，我唔想哩件事最後又“落荒而逃”式收場，所以特地出翻一個po嚟，既提醒大家亦係提醒翻我自己。
希望大家理解。如果覺得以上說話唔岩聽，或者自己覺得被冒犯，我深感抱歉，亦道不同不相為謀，希望大家一場緣份亦好聚好散。多謝大家理解同支持。
14個讚
頭盔區：我知道自己好9慢同無效率。會盡快speed up抽，同盡力提高efficiency ，希望各位耐心等候萬分感謝。
同埋如果我真係抽牌次序上打亂咗，或者真心好似omit咗你，則不屬於上述情況，還請要提醒我，睇po果陣個畫面一直彈嚟彈去，真心有機會跳咗po。
4個讚
支持你呀樓主,慢慢做,忠於自己就得架啦
2個讚
先多謝你早前的回覆。
明白你抽牌和解讀每個個案需很多心力和時間。實屬勞累。
發現在靜候過程中，我同時都對問題作出梳理。更了解自己目前情況，需要什麼。當見到你回覆時，問題更易迎刃而解。
希望大家的問題都可以解決。
同時，亦希望大家多存積極樂觀心態，事情便會向較好方向發展。
1個讚
我覺得樓主自己都有正職. 如果真係好急想問其實比錢都應該.
始於樓主都要花時間同心機去做. 所以真係要體諒呢
PS:先感謝樓主. 我也在耐心等待. 加油呀
2個讚
急嘅應該俾錢，好公平
1個讚
樓主辛苦晒
1個讚
感謝各位既支持同理解
3個讚
樓主，麻煩你了，感謝
1個讚
樓主，我排俾錢果條隊，請pm點樣俾錢，謝謝！
我最近同男朋友分開了，感覺對方有了另一個，而對方吾肯認，開頭大家尚在拖拖拉拉階段，但呢幾日無聯絡了，而對方態度亦好冷淡，請問呢段關係發展會如何？謝謝解答。
1個讚