Thanks. 咁即係並非對我不滿，只係佢地好忙?
係呀冇錯,所以其實係好事呢｡因為你哋係功成身退
1個讚
Hello, 僅供參考｡
幫你調整左問題｡
懷孕方面嘅情況：Empress
其實感覺你好容易受孕,因為Empress 代表豐沃土地,亦有母親嘅意思,所以睇你身體狀況或者基因方面都容易有BB｡
有咩妨礙你懷孕：權仗10
第一樣睇到嘅感覺係牢籠。同埋有一種,以後你再冇精力去做想做既野嘅感覺｡所以我反而覺得其實係你自己心理未準備好｡而哩一樣潛意識中嘅想法,其實反而會阻止你身體受孕。
建議：錢幣五
感覺係建議你,花少少時間諗清楚,點解自己嘅內心會有一種,失去自由嘅諗法｡同埋錢幣五都代表一種困境,而哩一種困境係，你睇唔倒環境中其實可以提供俾你既幫助｡所以更加多感覺係你自己嘅恐懼｡所以可以花時間俾自己諗清楚釐清一下
Hello, 僅供參考｡
你地目前關係：錢幣10
錢幣10代表物質環境嘅纍積。感覺你哋呢段關係其實已經好耐。長時間嘅合作同夥伴關係為你哋時間纍積左好多好重要好龐大資源，會綁住你冇辦法自由選擇去留。
啲共同嘅資源當然可以包括小朋友，但我睇到更加多幾係一種穩定嘅環境，可能你地亦都纍積在一定嘅財富房產，各方面既野太多物質既野，扎實左令到你動彈不得｡
你點睇宜家哩段關係：愚人
愚人其實係講緊充滿機會，但同時亦都代表充滿挑戰。前方喺一個玄奘，你唔知應唔應該跳落去。係會粉身碎骨？定有另外一個新天地你完全唔知｡
所以其實對你黎講嘅反而覺得係一個挑戰，去與留都係一個未知嘅選擇｡與此同時，因為我黎副牌個排面係一隻烏龜BB啱出世，所以我亦睇到你內心個一份脆弱，係有一種不成功便成仁嘅危機感同恐懼感｡
對方點樣睇宜家哩段關係：權杖一
其實我覺得係一個好嘅徵兆，因為權杖一代表一個新嘅開始。而呢一種新嘅開始，更加多係擺係你地兩個人嘅互動關係之中｡
可能你哋過去出現婚姻問題，係因為你地雙方嘅活動行事方式，生活習慣等等有衝突，或者有啲問題，所以造成懲感情上嘅磨損｡
但係權杖一會見到一個全新嘅開始，感覺意味住對方都係想重新嚟過，將所有過去唔適合既野丟哂佢，重新用一種新嘅方法去相處｡
你自己對於關係有咩期許：月亮
月亮其實喺塔羅牌好大部份係代表恐懼,一種未知的恐懼。而且因為月亮代表情感，所以變相其實你其他野咩都唔驚，最驚就係自己嘅內心會再次受傷害｡
但係月亮如果用占星學去睇，又會有回憶依戀安全感嘅感覺,所以其實會見到你會對呢段關係，哩個人，有一種依戀，曾經嘅回憶帶俾你好多好舒服嘅感受，如影隨形，亦都令你好難割捨｡
對方對呢段關係有咩期許：寶劍八，權杖2
首先見到感覺對方其實內心都好苦惱。寶劍八喺代表一種被圍困嘅感覺，所以成件事我感覺係佢自己其實都好苦惱，應該點樣去突破目前嘅環情況。
亦都有可能係因為佢已經感受到你嘅不信任同埋果一份恐懼，令到佢反而有啲戰戰兢兢｡然後哩一種無助，唔知點算既感覺，佢亦都冇辦法去同其他人講，因為畢竟做錯既係佢｡
跟住我補開一張權杖二，有個感覺佢其實想同你合作，再次去重新組建家庭。但係因為權杖2，亦會有一個選擇嘅意思。
變相亦都見到，可能佢會擔心你唔再願意去咁做,所以共同合作嘅另外一個選擇，就會變成分開。而哩一個位我覺得，其實佢會有咁嘅打算，但係個選擇權同埋決定權應該喺你度｡
有咩建議比你：高塔，寶劍九
首先見到高塔，好多時係建議將所有野毀滅。
但係喺呢度我見到需要毀滅嘅，唔喺段婚姻關係，而係你內心嘅果份觀念｡
高塔代表毀滅，而你需要毀滅既係，哩一種內心的恐懼同埋不信任，同埋你固有既定左，認為佢一定會再出軌嘅想法｡
跟住我補一張開到寶劍九，算係一個double confirmation。你而家內心嘅恐懼，大部份喺一種個人內心，暫時未有實質嘅可以證明既恐懼。純粹係你自己驚定先，所以會呼應到成件事，就係你要放低左，哩一個唔信任嘅觀念，跟住就有機會可以同對方重新合作｡
清晒po啦
如果唔嫌棄我回覆飄忽，可以繼續留po啦。
再次多謝各位BD友支持同信任
4個讚
好利害！要注意休息吖
1個讚
好叻呀，多謝晒你。
黎緊9月轉新工，想知道自己能夠勝任同工作順利嗎？因為轉去一個未試過嘅工作環境，心情有啲忐忑咁。
麻煩晒你
岩岩完左份長工
想搵兼職
請問幾時會有新工
OMG 我睇到起雞皮 
我D疑心係真係無斷過。。。
亦都爭扎緊生唔生第2個小朋友(烏龜BB呢個位嚇左嚇, 唔知係唔係即係黎緊會有B咁解)
聽完你既占卜, 我會試下信番佢多D, 放開少少自己既執著, 好suprise佢對段關係係postive, 好似有番d希望,
多謝你花時間既解答, 好多謝你, 令我對段關係有番d信心 
1個讚
Hello. 僅供參考｡
工作勝任方面：愚人
感覺會係一個全新嘅領域。
因為愚人係代表全新嘅開始。你過去所學到嘅野已經成為過去，可能你所帶住嘅一啲舊有經驗或者maybe多多少少會幫到你，不過更多更多機會係，你需要去重新發掘一條新嘅道路，需要進入一個完全新嘅領域，你會好似變翻一個職場新手咁，更加需要抱住初學者心態去學野｡
同事相處方面：寶劍二
感覺同事之間，會有好多嘅思想衝突。並唔係話，呢啲思想衝突係負面互相攻擊或者流言蜚語。而係思想概念上面會有好大既分野｡呢樣野可能會導致到同事之間，會有爭執出現，但係寶劍二既另一方面，亦都係俾機會你，去睇到事情正反面，同不同角度。所以如果從工作同個人得著黎講，我覺得會係一個好好既學習機會,不過你亦都要有心理準備可能都會有啲意見上（but not意氣用事/情感上）既爭執｡
老闆上司相處方面：聖杯七
我開出嚟第一個感覺，想問你係唔係面試果陣畫個餅畫太大因為聖杯七代表幻象, 同埋一啲不切實際嘅期望｡所以我會有個感覺係,上司可能對於你會有個高嘅期望。而聖杯七下一張牌喺聖杯八，講嘅就係點樣將呢一啲不切實際嘅期望粉碎，然後落實翻現實層面。所以我個人感覺，你亦都需要去注意返，點樣去慢慢降低番上司嘅期望，平安落地。
宇宙俾你既建議：權杖五
權杖五係敢於奮鬥，敢於爭鬥嘅意思。
因為權杖五從權杖四而來，意思係你希望有一個新嘅突破，而權杖五正正係一個同人地互相鬥爭，互相學習成長嘅機會。
所以你可以鼓起勇氣去把握，然後之後嘅權杖六，就已經係代表勝利。所以其實感覺係建議你，可以放膽去爭取表現同享受競爭。因為最後都會帶俾你成就同個人成長｡
多謝你嘅寶貴意見
講得好準呀，因為新工作嘅field對我黎講係全新嘅野。對方可能覺得我有經驗，相對俾好大期望啩（突然覺得好大壓力㖭）。我都預期自己要係好似新手咁去面對新嘅工作環境。所以我都一直覺得好忐忑。
好彩最後你嘅意見都係正面，當係突破自己，做一個全新嘅自己。
thank you
(雖然，心底都諗過唔ok就再轉
）
1個讚
hello,
想問工作上既問題,
我失業左差不多半年, 黎緊會簽份新工既約,
請問份工對我好唔好, 能否長久?
我係個到做會唔會順利? 工作上有無咩要注意/阻滯?
另外, 係未搵到呢份工前我一直想轉行,
畢業後一直係呢行工作, 已經差不多7年
究竟我既"老本行"係咪適合我? 因自己唔太睇好呢行係HK 既將來, 有諗過創業同再讀書斬掉重練轉行的, 諗到既係nursing, 又適唔適合我呢?
唔好意思, 好多問題, 對自己既事業好迷茫, 有好多諗法, 但可能好多都係停留係諗既層面…
感謝!
因為你嘅問題比較簡單，所以直接幫你做三個月預測。
第一個月：權杖皇后
感覺其實你都好清楚自己想搵咩工，同埋喺邊度有機會搵到。權杖皇后代表一個底蘊非常充沛，具有行動力既牌，所以感覺第一個月你會比較積極去搵。
第二個月：聖杯六
代表一個被關懷感覺。所以變相我會覺得你係第二個月都比較有機會搵到。
因為你會感受到他人帶俾你既善意，有可能係你朋友或者人地介紹比你嘅工作都唔出奇。
第三個月：寶劍四
寶劍四係一個思想可以休息嘅意思，變相我覺得去到第三個月，其實你有機會已經穩定哂，所以係第三個月，你應該已經搵到一份兼職。所以你唔需要再考慮搵工嘅問題。
僅供參考。
稱呼：Maybe
大概情況：同奶奶同住，生活習慣同湊小朋友方式唔同。而且要睇奶奶面色，又會踩我底線，我已經忍左耐，但老公係孝子
想問咩：黎緊想搬出去，老公點睇呢件事？
唔該晒樓主
你都講得好中 多謝你！
1個讚
多謝你詳細既feedback。希望你儘快擺脫内心既恐懼啦 
加油
多謝你既feedback 係啊，overal個energy感覺都ok，有d牌一開出黎個感覺已經好grim，不過你哩次開係真係正面，同埋係真係會 一段精彩的歷險旅程feel
1個讚
精彩「歷險」旅程
我係咪應該要擔心呢
1個讚
無歷險，就無“財富”。
參考Lord of the Ring Frodo就會明白
Hello樓主
稱呼： wunwun
問題： 點先可以令自己身體強壯啲？
大概情況：已經飲食均衡+做運動 但都好易見頭暈或者頭痛
謝謝