免費offer塔羅占卜

興趣嗜好
213

Hello，我自己都試過，所以都明白你既感受。
你問應該A定B，其實個問題係你自己自由意志選擇，唔應該由其他人or牌去話比你知。
我幫你抽左工作方面既分析先。僅供參考。

目前你既狀態in regards of promotion application: 杯后
感覺你可能其實唔係實際上太清楚promote左之後要做d咩野，具體狀況會點，你對於promotion既願景係base on自己既幻想居多。同埋始終感覺你目前雖然話睇開左，但係始終個心仲係有d牽挂住BB哩件事，所以感覺都會影響到你既情緒，從而你既工作狀態。

promotion結果：權4
感覺都應該可以輕鬆過到，同埋同事們應該都會覺得你衆望所歸。

how to do better for successful promotion：戀人
感覺係提醒你要lighten up 番自己個mood。因爲戀人牌係風牌，所以overal其實係一種好輕鬆既狀態，可能同同事交際既時候，始終不免會提到小朋友既事，從而有種相對沉重少少既狀態，戀人牌提醒你要尤其交際上要比返人一種輕鬆既感覺。同埋都係雙子牌，感覺都係提醒你要pick up番current既所有資訊同埋news，公司裏面發生咩事，行業發生咩事，要將自己完美融入番個工作環境。

what is the influence to your life if apply for promotion：高塔+聖杯公主
高塔一般都將强大既毀滅重生力量。感覺第一樣係，你既生活會因爲出現重大既變化。配合返聖杯公主係水->土牌，同你之前聖杯皇后純水牌，感覺你真係目前崗位真係輕鬆愉快，情感上好舒服，換句話講係比較"散漫"既工作環境同狀態，但係promote左就會變得"土"d，which is 成個狀態講究工作效率多d，落手做既野多d，睇業績睇成成果多于人際關係，好多野無得再打感情牌，全部都會講實際好多，同埋相對真係會枯燥d。但係高塔出現，我會覺得可能你之前都係目前既生活狀態stuck up僵化左一段時間，promotion對你黎講會係一個breakthrought黎，爲你有d漫無目的既生活提供一個明顯衝鋒方向。第二聖杯公主，感覺都有效療愈返你BB哩件事，因爲有d solid野做下，你比較擴散"不受控制"既情感可以有得settle down，沉澱返，從而對你下一次懷孕有利。

1個讚
214

Hello，幫你抽完發覺唔知你男定女 :joy: 不過個解讀都apply到既。
1-2年太太太太遠啦，同埋forecast=望天打卦，無咩意義。僅供參考。

目前你感情方面既狀態：Empress
感覺其實你自己資源好足，meaning你應該經濟獨立穩定，對自己都好好，成日買好野比自己，食燕窩花膠，又成日做下facial，keep fit，（男人既話就會健身飛靚髮果d……我唔係好識），生活品味，衣著打扮果d都有keep得好好，overal成個人都係高貴典雅，氣質路綫。但係有種感覺係……“我好正，你地仲唔快d黎？” :joy: overal個狀態感覺係做左係度，等待人地黎欣賞自己。

導致一直單身既root cause：熱情
獅子牌，感覺其實你自己好為自己驕傲，的確由empress睇你有哩份本錢，但係因爲哩份自豪，反而令你自己無辦法"低頭"去表現出親切既一面，有d似上左某個"Elegant女神/男神"既神位，就無辦法落返黎同大家"與民同樂"甘。然後你果份想拍拖既熱情，就好似乾燒伊麵甘，炒到慶合合，不過就比個蓋cup實左甘，然後又無人幫人打開個煲蓋……thus 惡性循環。同埋感覺你未太有意識地，點去疏導哩份想拍拖既熱情，亦未有太多實際既analytical thinking去解構目前既困境。

specified advice for above root cause：聖杯王子
有種開蓋放返d蒸汽出黎既feel。其實你自己本身應該都係熱情底既人黎，只係被"面子""尊嚴"方面既野cup住左自己。哩度建議你，可以習慣返暢所欲言甘去表達返自己，溝通上，情感上都係。開心就開心，黑面就黑面，唔好因爲話"黑人面太難睇啦，唔得。"而block左自己既自然流露。要學習自然表達返自己所思所想。然後其他人都會感受到你既果份energetic既力量 ie魅力。

overal advice：錢9
都係advice你keep on cultivate返自己。不過加多少少係，要refine返自己與人交際上既野，可以靈活返少少。例如唔好過於criticise人地or一段關係，要適當地軟化返d。

216

希望可以揀中我啦
稱呼：W小姐
大概情況：現家公司制度，人事都令我好唔開心，但勝在穩定
想問咩：應唔應該轉工？轉行？定穩定留守？

217

Hello,我老公都想問呀:joy:
稱呼：漏水爸爸
大致情況：有唔同生意同合作既爸爸
想問：黎緊生意會唔會有阻滯？點先可以好d?

再一次唔該晒你:smiling_face_with_three_hearts:

218

稱呼:FC
大概情況:生完bb20日，日日都喊，琴日見完姑娘話我有抑鬱，諗野負面，要轉介醫生食藥
想問：我要點樣先走到出嚟，睇醫生食藥有無用？
謝謝解答

219

稱呼：may
大概情況：依家份工收入穩定，人工唔錯，但完全無成功感，日日都覺得自己浪費緊時間。搞緊啲 side project，希望可以帶嚟收入，早日脫離份正職，但個 project 好似無咩起息。

想問咩：可以做啲咩會開心啲? 令個 project 有起息啲?

220

Hello​:smiling_face_with_three_hearts:希望你揀中我:laughing:
1/ 想問下阿女覺得我係一個點嘅人
2/ 我會生幾多個小朋友

221

多謝你指點迷津呀！
其實好多野你都講岩左呀。有時真係會諗起bb嘅事，尤其係自己一個人果陣。

依家個位係比較無咁忙，我係呢個部門之前都係係啲中央部門，頂唔順先轉走。其實唔想又走返轉頭，因為壓力真係好大，好影響情緒。升職後又擔心自己能力不足做唔黎。

我會繼續諗一諗我應該點揀條路點行。多謝你呀！中秋節快樂:slight_smile:

1個讚
222

多謝樓主的幫忙 ，我個人嚟講我覺得你算的係準確 。擺5低面子確係我最大的問題，我會多加注意並，儘力去改善。

1個讚
223

好多謝你為我解牌:blush:

我最初有做過做啲訂製產品不就唔係自己diy， 係接咗單後，向廠轉達返客人的要求再落單。
而我嘅服務態度主要都係以一個親切嘅態度去對待客人，在正職同網店方面都係。
意思係你叫我再擴大網店個規模？:see_no_evil:

再次多謝樓主您用心為大家解牌:heart::heart::heart:

1個讚
224

本人M，一家3口正掙扎是否移民英國

～一家留香港或移民英國生活較好?
～如去英國我地搵工搵校順利嗎？生活會適應到嗎？
～香港民主現況何時有轉機？

感謝你

225

hello，唔好意思，其實你哩條問題有好多variation，要你clarify返先

  1. 考試前辭職/考試後辭職 2個variation
  2. 考試pass/唔pass 2個variation
  3. 辭職後揾到工/揾唔到工 2個variation
  4. if 考試pass：find a job / not find a job
  5. if 考試fail: find a job / not find a job……

本身已經太多variation係度，出黎既結果係222 跟住pass/fail後面又 222*2……

需要你簡化返先，一步步問。同埋要set好d situation。

226

Hello，僅供參考。

感情結束原因：劍6
感覺其實你地哩段關係係和平結束，有種大家都已經因爲哩段關係而得到成長，哩段關係係你地各自既人生旅程裏面，已經serve the purpose，所以你地雙方應該係慢慢感情變淡消散。

對方如何看待這段感情：戰車
其實我感覺對方係好感激哩段關係，哩段關係曾經帶為佢帶黎滋養同力量，你應該同佢既關係好似家人甘，令佢有力量可以去創造自己想要既未來。其實感覺佢係感激哩段關係。

你如何看到：權3
感覺你有種感覺，哩段關係可以比到好明確既未來比你（曾經）。所以你其實好積極去經營哩段關係。你覺得哩樣就係你想要既野。

今次關係有咩做得不足：平衡
呼應權3係太陽白羊牌，平衡係天秤牌，其實個重點感覺係，係關係之中你有d太自我，或者話太straight-forward，覺得阿就係甘啦，我甘認爲你都應該甘認爲，所以有種細路仔甘既單純而不顧他人既感覺，所以平衡牌係提醒你，今次關係中，你要學習返點樣用他人既角度看待事物，點樣設身處地，點樣學習同人partnership。而唔係……無理由啊！明明我覺得係甘點解你唔發現？！

Advice to the next relationship：Empress
第一樣建議你cultivate返自己。第二樣Empress係一個成熟大方得體，長袖善舞既女性，建議返你要學習返點樣去與人相處，點樣以一個成熟女性既態度去進入關係，而唔係好似變返一個小朋友(白羊)甘，要對方好似家人甘去包容你。因爲感情關係，其實係一種Partnership而唔係單方面照顧。

227

Hello，僅供參考。

用兩套runes做forecast。
Flower + Waves + Crossroad + Moon + Harvest + Man
Daguz + Naudiz + Isa + Raido + Algiz + Laguz

感覺會請你，機會大既，感覺順利。不過反而d runes出左好多其他msg。
感覺waves, crossroad, naudiz都有種感覺係，其實你唔太清楚自己想要咩野。點解你揀選哩份工，哩份工除左錢，仲可唔可以滿足到你其他野，你係咪真係想做哩個工作既野，定係只係感覺“我應該做”

跟著後面感覺係警告+advice。你揀選哩份工要仔細考慮清楚，因爲真係會種瓜得瓜，例如你想要錢，就真係比一堆錢你，但係你放棄左既野就真係會無，例如份工好忙，你會無做私人時間，就真係會無私人時間，但係如果你真心唔介意，當然就無問題，但係就怕你其實都想要私人時間，想舒服工，甘你到時就會好痛苦，所以一開始runes會話，你要搞清楚自己想要咩先。唔係到時"求仁得仁"就會痛苦。同埋亦有advice你，你要冷靜落黎考慮清楚先，可能你哩刻有d係emotional impulse。

228

幫你forecast Q1，時間我暫時set半個月。
僅供參考。用2套runes

Mannaz, Laguz, Jera
感覺佢可能會態度軟化，有d係你長時間慢慢浸佢浸出黎既結果，會開始以家庭整體利益&家庭感情爲主去做考慮。不過未見到明顯既sharp change住。

Moon, Flower, Waves, Harvest, Star, Eye, Woman
感覺因爲始終係長久既改變，同埋會影響到你地2人既關係同家庭和諧，所以佢應該都係深思熟慮當中。不過因爲有waves，代表其實佢都接受住好多外面紛亂既信息會影響到佢既決策。

不過見到有advice, 都係建議你要繼續懷抱住移民既美好願景，去慢慢培養佢哩份想法，慢慢cultivate佢。之後佢應該會慢慢睇清楚形勢。同埋你記得要用Emotional approach同埋軟性方法去游説佢，which is 講下他日移民既美好，你地一家以後可以點點點，幾幸福愉快etc 而唔係，宜家無走就大鑊啦！宜家港元點點點，國際形勢點點點，小朋友出世又點點點，哩d analytical thinking 要avoid。

229

hi, 我想問我應唔應該裸辭搵工？定搵到工先辭職？
(宜家諗住考完試先再算)
同埋係宜家間公司度有冇機會升職？
hope this has simplified the questions
thx for ur help

230

Hello，無得話比你知你應唔應該點做，只能你自己決定。
幫你做分析，比你自己參考再自己決定。僅供參考。

目前工作狀態：吊人
感覺你宜家其實有d望天打卦既feel，無特別去爭取無特別去表現，純粹有d煮到黎就食。你自己本身其實都無乜寄望。

晉升概況：劍6 （補抽高塔）
劍6比我個feel係你有機會升，但係要戒除好多陋習先可能，可能有d老舊既習慣，或者一d不合時宜既做法，想法等等你要自己clear左，自己表現upup先有機會升。我自己唔sure，補抽出高塔，進一步證明，你要徹底改變自己，打破一d舊有習慣先有機會升。

出去揾工狀態&競爭力：劍9
感覺其實你自己都無乜自信，可能你自己都有種感覺自己handle唔到同埋好大壓力比自己。同埋係火星雙子牌，感覺你自己咩都想試下，但係全部都好淺嘗，反而導致競爭力差少少，&你自己都無信心。

advice to you in regards of consideration about career：杯7
建議你要抛開幻想先。首先感覺係，你都唔太知道自己想要咩野，想要錢？名譽地位？"充實"既人生？證明自己？輕輕鬆鬆一份收入就夠？感覺你自己未清楚自己内心想要咩野，所以令你stuck between，都係需要你自己考慮清楚返，自己想從工作事業上追求咩野，而唔係姨媽姑姐話比你知你需要咩野。

1個讚
231

Hello，Q1太遠，Q2哩d，假設我宜家話會，結果你剪左張BNO，有咩意思，哩d野全部係你自己自由意志決定 :joy:

抽Q3做分析，僅供參考。
提醒番，目前既分析型抽牌，係基於你目前既情況順住行做既一年後forecast，假設你within哩段時間内有重大生活變化（例如中左六合彩頭獎）甘就完全唔同講法。所以亦都係點解好多時占卜不能占太遠，因爲時間太長，太多自然變數或者自由意志做成既變化，一出現鼻屎甘細既變數，都有機會帶黎蝴蝶效應，然後令届時既結果大變，到時如果事主仍然用哩個不合時宜既解讀結果去看待已改變既未來就好容易mislead左。提醒返。

以目前情況去美國，general情況：The Child
感覺你地會全新開心，完全新環境，充滿住可能性同樂觀既心態，同埋你地都會感覺好自由，天地任我行feel

去英國：戰車
相對樓上The Child，戰車巨蟹牌，説明你地會係英國更加揾到一份家鄉一樣既歸屬感。相對黎講，因爲你有家鄉既感覺，所以你感覺自己fully-fueled，可以係一個安守領域既情況下去衝鋒陷陣。所以其實英美分別，主要睇你想開拓新天地，定係維持舊有既感覺。

經濟上，美：權5
競爭會大d，可能你需要慢慢建立返屬於自己既領土。多口問句，係咪自己有盤生意？直覺有個feel係，可能要重新係美國與其他人競爭，從而打響名聲既意思。開頭會辛苦d，不過最後會建立到。

經濟，英：權8
感覺應該會好順利。有種far distance辦公既感覺。有d手指一指，就會做到，就會賺到錢既感覺。再次令我感覺係咪本身有生意係英國做開？

適應，美：杯8
都係感覺刻苦d，要放棄好多unnecessary既野，同埋好多cling to your past既野都要放棄。日常生活可能好多野都要落手落脚去重新建立返一切。

適應，英：錢9
有種貴氣逼人feel，都係有種感覺，呼應到你地係英國可能有根基，所以基本上過去會輕鬆d，有個美麗花園，自己每日他他條條修剪下d枝枝葉葉，就過得好舒服既感覺。

Advice to you when cosidering about UK or USA or not immigrate: 聖杯公主
感覺係叫你順應内心既渴望。一開出黎，我有種感覺係，其實你地本身對去美國比較有憧憬，好似可以實現一d内心既渴望一樣，不過哩個人係個人感覺姐。張牌都係建議你，順應返自己情感上既感覺，而唔係理智上既reasoning（例如：會唔會揾唔到工啊？會唔會比人歧視啊？會唔會好辛苦啊？）

不過提醒返，塔羅因爲係spirituality野，我個人感覺係，塔羅既advice應該看待成，以你人生&靈魂 overal最佳體驗為上既advice。最佳體驗唔等於名成利就，萬人仰慕，無苦無痛，no，哩d係社會話比你知你應該追求既野，但係唔等於會令你感覺人生充滿意義，充滿價值既野！有時可能一段刻骨銘心但痛徹心扉既感情，比一段社會大衆都話perfect既感情，為你既人生帶來更大既震撼同成長。所以，個人覺得，所有divination既advice都係爲你帶來最佳既“VR真人版模擬市民”玩樂體驗。需要注意返。

1個讚
232

《關於抽牌建議》
幫大家抽抽下，發覺需要clarify返——
塔羅因爲係spirituality野，我個人感覺係，塔羅乃至所有dinviation既advice，都應該看待成，以你人生&靈魂 overal最佳體驗為上既advice。

而最佳體驗唔等於名成利就，萬人仰慕，無苦無痛，完全100%順利既人生，no。
哩d係社會話比你知你應該追求既野，但係唔等於會令你感覺人生充滿意義，充滿價值既野，唔等於令你覺得"我既一生無悔啦！"

有時可能一段刻骨銘心但痛徹心扉既感情，比一段社會大衆都話perfect既感情，為你既人生帶來更大既震撼同成長，令你更切實甘感受到自己"活著""體驗"生而爲人既感覺。

所以，個人不代表任何其他人立場地clarify返，所有divination既advice都係爲你帶來最佳既“VR真人版模擬市民”玩樂體驗，而非"如何在我短暫的人生之中名成利就，成爲他人眼中的最大贏家"。大家take advice既時候，需要注意返。

2個讚
233

樓主，可能跳過左我個post呀，有空請請。感謝