請問有冇爸媽有深水埗40校網在學經驗分享？任何一間、好或唔好, 都想知道一下 
(p.s. 仔仔有SEN, 如有相關選校經驗都想知道~ 謝謝~~) 
深水埗40校網
深水埗官立小學
福榮街官立小學
李鄭屋官立小學
白田天主教小學
聖公會聖紀文小學
深水埔街坊福利會小學
大坑東宣道小學
深信學校
香港四邑商工總會新會商會學校
瑪利諾神父教會學校(小學部)
聖方濟愛德小學
天主教善導小學
旅港開平商會學校
寶血會嘉靈學校
荔枝角天主教小學
聖公會基福小學
聖公會基愛小學
聖公會聖安德烈小學
聖公會聖多馬小學
五邑工商總會學校
長沙灣協和小學
識 SEN 仔 （ADHD、讀寫）入瑪神，學校係有支援，包括少啲抄寫功課、默書範圍少啲。佢入讀瑪神因為舊生+有妹跟尾。瑪神冇教深，但唔容易入。
如果你 SEN 又唔想讀得咁辛苦，咁長協、旅港、聖紀文、愛德、善導、荔天都未必適合，因為呢幾間都係升中大熱，又多人肯谷讀書，SEN 小朋友除非係有資優（就係資優但有讀寫 or ADHD or 其他問題），否則都可能讀得辛苦啲。白田呢排係谷左啲，想脫離寶校行列，乙一都應該入到但可能都會多功課。
三間官立唔太建議讀。
基愛、4+5 邑應該係比較適合啲嘅選擇。
如果係深水埗，會唔會考慮試考嶺小？嶺小都有唔少 SEN 就讀，應該老師會多啲經驗處理同幫助 SEN 學生。
屋企有人讀聖多馬
點講呢, 應該係HAPPY SCHOOL, 功課唔多, 改功課都手鬆 
我識果個二年級但得K2程度 
但都考全級中間 (令我覺得難以置信), 另一個只會考試前一日溫下, 但考級頭 (又係難以置信), 老師話屬BAND1A成績, 剛升中, BAND1校
但真係坦白講, 同出面嘅BAND1生有好大段距離…
多謝你詳細既分析 
太谷既我都唔想, 怕個仔到時讀到人都癲 (或者我癲先~) … 白田佢有校友分, 加上新校舍, 我係有諗住自行分配時揀~
基愛我知校長好, 又有愛心, 但都怕佢太happy, 到升中都好難跟仲辛苦~
嶺小我見係直資所以無考慮 
雖然我對呢區唔熟
但係我細個係讀嶺小 果陣二十年前 佢哋已經對sen 有認知
聽講依家都發展得唔錯。升中派位都幾好
我小朋友因為太遠所以冇報 如果我住果區都會幫佢報呢間
Sen 盡量簡d少功課 師生比例好 唔太谷的學校
識朋友小朋友sen 直升協和都冇讀 因為知道讀得好辛苦
希望幫到你小朋友
魚與熊掌，對於 SEN 小朋友，只能揀開心或者升中，唔到你貪心，尤其係官津同深水埗區。
聖多馬係相對地冇咁谷，而升中的確係冇咁亮麗，但都唔係乙一穩陣。有白田就揀左先，到時候再叩門。
嶺小雖然係直資，但學費都算係平，面試都相對其他學校容易。功課量適中，唔太大班，學校有經驗，對小朋友同你都好啲。升中又唔會差過二線。
有個叫學校大全嘅網 可以睇到家長評價
屋企兩隻讀旅小，有咩野想問？
課程吾淺但又吾覺谷，但人地睇我地d課程就好深
因為好多學校都係「基本課程」，所以一望就覺得你深。旅小應該係對資優小朋友支援更好？
其他科我唔清楚，英文科我知得多啲，唔同學校雖然係六年，但可以差好遠（官津都可以差好遠，莫論注重英文嘅直私），A 學校嘅六年級，未必識做曬 B 學校四年級卷。
吾知基本課程係咩。
未聽過學校會特別搵資優生出來支援。但成績差有加輔班。
我諗旅小同其他小學最吾同是 5,6年級有些科目會由正副校長親自教。其他學校，特別正校長，好少會教書
想問下係咪左校？學校多唔多洗腦課程？
仔仔語言慢半年，但其他野學得好快記憶力強，目前K3但已經學緊小一既野，數學就學緊小二，比較好動，常問下如果我咁排可唔可以比D意見我
1白天2基福3基愛4深官5李官
吾覺學校有政治立場。
兩隻野so far 幾年黎都冇係學校聽/唱過國歌。
好似一年有一次交流團，但冇提倡參加，基本上出校刋先知
您好, 想八卦一下點解會將白天放1, 另外如果仔仔學習大致ok, 係咪唔需要揀李官喺頭5? 李官好多南亞, 雖然學到多d日常英文… 但校風真係差d…
因為比起李官我更加驚入到深信深街四邑五邑呢幾間，當然如果入到頭三，唔駛去到李官就更好啦
同埋我聽人講李官會將學生分類上堂，所以都少左D擔心
其實你講完小朋友d優缺點，咁有冇諗過想佢地點發展？同有冇研究過呢區d小學？
基本課程意思即係冇教深，只係跟坊間最「基本」程度嘅課程教。用英文為例，即係到五六年級，只學到基本 present 同 past passive、have already，作文四格圖 80-100 字。呢樣官校同寶校比較常見。
只係聽其他旅小家長講過學校對資優生嘅幫助會好過對其他 SEN 小朋友幫助，你係用家更清楚。的確好少正校長會落場教，甚至好多學生連校長都唔多見到、唔認得。
基福未必乙二畀到你，但深官乙四應該都零問題（乙一白田都應該係直入）。
基福早幾年換左校長差左，舊年又換校長，經過呢次疫情，對學校既處理網上學習方法失望，每科1個星期拍條片放上網自學就算 ，明白大家都係要時間去處理呢d 突發情況，但幾個月下來都沒進步，學生自求多福 
我又冇拎其他學校課程比較過。旅小d題目比較重視思考同表達能力要高，要消化吾可以死背。
我個兩隻由細出去讀英文，佢地覺得學校d英文淺。
我反而覺得成績差d的小朋友, 可入加輔班小班咁教，支援吾錯。
5，6年級，校長親自教，如成績吾好，校長會親自一個個咁打比家長講有咩問題。
大個個一開始成績吾好，老師都冇比壓力，反而睇出佢畫畫叻，主動話我知吾好浪費左個天份。
d老師都吾係淨睇成績
同埋學校要求學生比較樸素，連掛個大小小的毛毛公仔鎖匙扣係書包都吾比，呢點我覺得幾好。