戲院開返後 去咗睇屍殺半島，喊到我收唔到聲咁滯
雖然劇情誇張 真係麻麻地好睇…但我就不停諗如果我個仔比喪屍咬 咁我點算
想像唔到冇咗個仔會點…比c6話我痴線
有時睇到某d廣告、文章 總之係關於小朋友嘅 都會好易喊
係咪個個媽媽都係咁架…
3個讚
係呀呢樣真，我都係生左之後變得好眼淺。同小朋友有關果d事我好易就流眼淚
1個讚
我都係，所以前日見到警察暴推大肚婆我好激動，個晚好夜先訓到
1個讚
過去一年睇新聞都喊過無數次！
1個讚
做左人老豆一樣，睇螢火蟲之墓爆喊，嚇親賤內。
這套電影係打大佬，喊係好正常
冇乜嘢我出去抹眼淚先
3個讚
嘩 呢單真係人神共憤
係呀! 反修例運動開始時 我就係啱啱知道自己有咗bb, 嗰半年周不時睇新聞都眼濕濕, 搞到c6都成日唔比我睇新聞
係呀 我今日同呀仔唱歌佢笑得好開心 笑到卡卡聲
我就感動到想喊喇已經… 
好似好痴線咁
1個讚
我未睇過添
你地咁講 我都唔敢搵嚟睇喎
完全明呀 個仔嘅一舉一動 每個表情 都可以搞到自己好似痴咗線咁
都唔知係因為生完之後係咁 定係做呀媽既都會咁
我小學果時睇漫畫都喊到我癲，因為我有個亞哥。之後都唔敢再睇。
我記得我仲有買佢個罐裝糖比我亞哥食。
我個仔一歲生日果晚我一路望住佢瞓覺一路係咁喊。唔想佢大得咁快。
你好需要用喊黎舒發感情果時先睇啦，無乜事唔好睇，提都唔好提。
咦 係咪同再見螢火蟲係同一樣嘢?? 如果係 我細個時有睇過喎!
聽到你咁講 我都有d眼濕濕 我個仔而家7個月姐…我都覺得佢大得好快…
1個讚
係呀，同一樣野
咁佢一歲果日你應該喊爆
1個讚
原來係咁 唔知有另一個名…
咁唔怪得啦 呢套嘢應該任何年齡任何身份睇都會爆喊 (我都有個呀哥)
1個讚