移民路上很難行…
身邊個個去英國，好少人講去澳洲，有意/搞緊/去左移民澳洲既人不如一齊交流下~
4個讚
btw, 最新消息既 Hong Kong Visa 其實都有得諗，讀兩年master再申請485visa，留偏遠地區3年就可以申請PR。（PR pathway 要年尾公布，但暫時睇澳洲政府所講應該只需要 pass all relevant character, security and health checks)
我英國/澳洲都考慮中呀
但要預錢去讀書同生活
同埋我都想讀返同我工作相關嘅master
唔知會唔會好難入…
我本身都想去澳洲，但越study 發覺越難，感覺好渺茫，担心中
我之前都有考慮英國，雖然去英國比較容易，但天氣冇澳洲咁好，我驚去到會好容易抑鬱…
同埋，我有小朋友，澳洲陽光與海灘好似開心d，澳洲d public school又不至於英國d state school講到咁差
讀master真係要小心d揀，最好揀d易搵工，聽過有d人揀個master係自己已經起香港讀過，又或者程度低過本身學歷，當局可能都唔批個學簽
介唔介意講下你background，大家一齊諗諗辦法~
（我唔係Agent，只係都study 緊移民澳洲ge方法）
係呀 天氣同環境我都好同意 不過英國去其他歐洲地方都方便嘅
我都有小朋友 但仲好細個 未諗到咁遠 哈哈
你有冇諗係邊度讀？
我諗緊好似揀啲regional嘅大學好啲 一來生活費應該平啲 二來到時畢業可以多個option揀stay係regional就可以快啲有PR
我暫時打算試左技術移民先，唔得先諗去讀書
我都係去regional，生活平淡d，洗費都唔洗咁高
可以留意一下如果拎學簽/485，唔係每個省小朋友讀小/中學免費，要睇一睇
遲啲有英國澳洲兩地自由居住工作計劃，如果有BNO嘅不妨去咗英國先
我地考慮緊澳洲個專才計劃 (唔知係咪咁叫)
話申請人年薪過一定數目，會搵到差唔多人工嘅工作就得，唔限年齡 (之前限45歲)
有國際性獵頭公司自己開咗個部門搞移民顧問，搵咗老公傾過…
其實我地鍾意澳洲多過英國，2005 年去過澳洲一轉，當年真係搵過資料研究過架，只係後嚟無咗件事
黃世澤都有提過呢個方案，不過唔知成唔成事呢？
真係唔知會唔會成事，但就算有都要起英國住滿6年入籍先，到時就未必想再去第二個地方，所以我覺得既然中意澳洲就去左先
你講果個計劃好似要求好高架波，你先生好勁呀！
但佢講明唔洗大餅，所以我地唔知走唔走到…
我好想走！
有獵頭公司搵唔洗洗大餅掛？！哈哈
唉～我成日諗去到洗少啲搵少啲就算⋯⋯
介唔介意講下點解咁想走？
我討厭暴力，對是非不分好厭惡，唔想見到
大仔有亞氏保加傾向，之前佔中拉嗰d唔少係自閉症群譜嘅，我唔想幾年後自己個仔上街被無理對代
我亦唔想教小朋友乜都唔可以討論
hk教育亦辛苦…
係呀 我就唔想移民兩次囉
技術移民我上年已經睇過
我自己果科就好難 我諗要IELTS全8以上先大啲機會
所以不如索性去澳洲一路讀書一路諗方法再加分/直接等5年 起碼包底5/7年一定得
你講得岩, 但唔知澳洲對SEN ge支援好唔好,不過應該點都好過香港…
希望年底會宣布個visa 既條文…不過到時實有好多淡友出泥話因住澳洲政府厄人，去到讀到一半又改政策…移民真係好大壓力…
咁本身呢個條款係有改動嘅可能性，最穩陣都係本着個心態隨時要行技術移民計分咁一路讀書同步儲分，PY ielts 果d必須品都做定先，唔好靠晒呢個條款會唔會好啲
唔係嚇你不過澳洲政府過去實在做過太多突然改移民條款嘅事情，近呢幾年係越改越急通知期好短，而澳洲本身對香港人又冇道德責任