大家好，本人新注册，因為有健康問題，又唔知點去處理，所以想問問大家意見！
事源兩星期前，開始出現心口痛，有時仲從前胸痛到後背，而且嗰種痛仲會轉移過去左邊背部同左手臂，連下巴喉嚨都痛，兼有左邊身麻痺，頭暈出冷汗症狀，試過兩次公司做緊嘢，頭暈胸痛噁心，必須立即停低手上工作，過一陣先好轉。喺網上睇似係心臟病！
最麻煩係想去做一個專for心臟嘅檢查，往往係價錢好貴，又冇一啲係只測心電圖，而其他身體檢查，又唔想做其他多餘檢查！
所以想煩請大家推介下有冇檢查係專for心臟，簡單啲嘅檢查就ok了，價錢大概1千鬆啲！
公司無保險?
照呢d唔係你想照就去架，要醫生寫紙refer去照
建議你去睇醫生等佢睇下咩事先
仲有下次你痛直接call車去醫院，醫生會安排你照架啦
自己估估下唔得架
其實去診所睇過，俾咗封轉介信我去公立排期，但因為要等好耐，所以考慮緊。
暫時唔想屋企人知，唔想公司知，淨係想自己知道結果後先再作打算。所以……真係諗嚟諗去~
你claim公司保險應該公司唔會知架喎？因為份單應該直接寄去保險公司claim department？
你係咪去普通科?如果去尊科佢會寫信比你出去照
不過你唔claim公司保險就好貴
如果你成日係咁就應該去急症室，有d scan 應該可以即刻做，但有d 好似mri 都係要排，佢會建議你係咪要快啲做，如果係會叫你去私家醫院照快d。
其實公司知都無咩？真係唔舒服呀嘛
有d公司遞claim form 可能要經hr
公立點都要去排期。
萬一check左要長期食藥，肯定藥費無私家咁金。
睇普通病嘅私家醫生會有做身體檢查項目收費，睇吓邊項係做心臟檢查，係會上化驗所做跑步測試去分析心臟。