鑽左成個幾星期都未鑽完, 平時拆嘢幾日乜都拆晒啦, 咁多日仲向度鑽緊, 朝早9點幾開始鑽, 尋日鑽到5:55先停, 果幾百呎屋洗唔洗拆咁耐呀
最慘阿女8個月大, 完全瞓唔到晏覺, 攰到郁唔到都瞓唔著, 而家又冇得帶佢出街避下, 真係慘
我隔離又係，5月底鑽到而家，仲係鑽石屎咁嘈
我要陪住小朋友訓晏覺(佢俾D聲嚇到震震下咁訓)，大果個試過塞耳仔上zoom補課開最大聲都聽唔到
就快開學好擔心
明白。真係好煩，但忍兩個幾月就會停
我係隔離長期有個疑似ADHD小朋友由朝喪跳到晚，跳到我個地板都地震
但依家疫情佢都冇得出街放電，我都唔好意思投訴佢…
一樣 
好慘呀，我新年個段時間都好似樓主咁，唔知邊到鑽，鑽左大半個星期，又到唔知邊邊方向鑽。。。。
之後唔知咩工序不停聽到揼野聲時大時細，細之令人好厭悶，揼左成個月先正常。。。。
BTW我隔離屋黎緊會裝修，之前話農曆新年後，之後話7月，依家都未開始
我好怕佢裝修，正如我入伙前人地都應該覺得好難頂
但無辦法
應該係鋪磚
點都會秋天一定裝修…捱下忍下啦… 
佢樓下應該好慘…
利申
身受其害中 
佢會通知你咁好嘅
+1
我隔離又係裝修 我個7個月大仔仔又係瞓唔到晏覺 已經不嬲都瞓好少 唉
簡直日日都粗口，揼足成個月，唔知以為佢屋企過萬尺。
工人姐姐們會吹水佢哋之間無秘密
連隔離屋老公/老婆都各自出軌都講
可能得一個師傅，所以要慢慢做
做紙皮石應該會揼好耐
可能到時我都中執間屋，搬出去2個月
頭兩個月裝修最難頂，嘈+大麈
我樓上有四個細路、嘈到12點係最低消費、朝早十點開始跳到半夜、個阿媽講明管唔掂咁多個、又話已經舖左兩層軟墊、揾過保安無數次、講完轉頭再嚟過。
我已經忍受足足三個月有多了，真有衝動去how門問佢究竟鑽到幾時
可能個阿媽都頂叉唔順佢自己個四條化骨龍。。。 
我試過去過朋友屋企佢有三個小朋友，兩個女己經夠晒嘈，真係嘈到頭都痛。
你樓上個四件真係你同佢都可能要捱多十年。
3個月我諗我真係頂唔住, 應該會帶埋個女返娘家住一排