想知行規係咪，醫生都會就住病人住房嘅級數去調整收費? 例如開刀收住大房病人三萬嘅，會收住私家房嘅六萬? 巡房又係咁巡，但個費用又會唔同。個procedure 其實係一樣㗎喎。
又好似醫院都會就同一樣服務收貴私家房病人咁，例如普通房無痛分娩支epidural 同私家房支epidural 咪又一樣，但私家房就要貴啲。
要收貴點解唔係淨係個房錢唔同呢? 其實服務都要收貴個justification 係咩呢? (雖然其實都唔需要咩justification… 捨得俾又想住私家房嘅都唔會因為呢啲收費而卻步)
係呀，私家醫院嗰個收費表好似都有寫明。
你當佢收貴啲服務會好啲囉，巡多次房/第一個巡你房先/逗留時間耐啲/答問題詳盡啲/上心啲/開刀把刀畫落去都會靚啲。
呢個世界係咁㗎啦。
謝謝你嘅解答
聽落係“能安慰自己的人比較容易快樂” 
可能站在醫生角度，都會覺得做私家房病人客就好似分多咗bonus咁，好和味。
我其實好好奇係咪香港先係咁 
香港真係一個好金錢掛帥嘅地方
係、錢行先但叫做有得揀、
有錢可以住頭等房、冇咩錢可以住大房或入政府
醫生點諗我就唔知，
但係我知某一啲私家醫院，唔同房型既服務係有分別，
例如幾耐換一次床單啦，入院禮物包有多啲野啦，備餐優先處理啦，手術/檢查快啲book 到啦，病房護士人手多啲啦… 等等，唔同class 係有分別咖
係病人角度會覺得都係咁巡房，但係醫生角度，住私家房病人及其家屬要求較高，要用多d時間處理及解釋，所以收貴d，私家醫院當然金錢掛帥。你可以去政府，我識有私家醫生有病都係入政府醫院。
咁收貴咗咁多，一定要俾返少少分別嘅！聽聞頭等姑娘都靚啲!
咁我就又要beg to differ喇。首先唔可以一竹篙打晒一船人。聽聞部分最難頂嘅病人係中產又有啲學識嗰啲。可能覺得自己智力高啦，鍾意用網上資料challenge 醫生。反而學識低嘅人會比較尊重醫生，因為自己唔識吖嘛。所以最有錢嗰啲未必最難serve㗎，可能好易話為。
有保險會收貴啲? 咁又係喎，就算friend底見你有保險都唔駛收平啲，冇先收返friend價。但如果唔係friend呢? 都會因為有保險而收多?
好多客都話點解住院今年保費又高咗，其實問題唔係保險公司度，係醫院同醫生度，先講私家醫院，基本上每季都有可能調整收費，現時法國照腸鏡，埋單接近3萬，而醫生方面，因為知你本身有保險，而佢地好清楚保險可以索償幾多，會計到盡，保險公司因應私院收費，都會定期檢視保障，因應情況而調高，咁保費亦都調高，賠償額大咗，醫生又再收多D，醫院再加價，一個惡性循環。
無保險同有保險，收費可以差成30%，所以醫生第一句一定問你有無保險先報價
我自己親身經歷，我細女有次要去切眼瘡，醫生問有無保險，我話有，佢話5000一粒，有3粒，收兩粒錢，一粒免費，（真係多謝哂，係做完手術先信幾多粒），咁照一般手續，填claim form啦（有公司同個人），點知打嚟話醫生只會填一份，唔會填兩份，話我無講有兩份，如果兩份會收費D，我即時同佢講，你只係問我有無保險，無問我幾多份，最後當然填哂兩份啦，我順口問句，如果兩份收幾多，佢話一粒7000，收足三粒
係呀你講起我我就記得有次睇耳鼻喉個醫生有問。佢話如果有，就收我入院做某個程序(言之下意冇就即日走，我又可以慳返啲錢)，我都覺得乜香港個制度咁㗎。好似婦產科醫生同兒科醫生都有問，不過嗰時我都唔為意係收費有關，以為係佢要了解個程序。
你個醫生又會咁誠實嘅!
你有需要照腸鏡嗎？
我朋友照過一次，有間服務都幾好，收費都合理，你有需要可pm