最大問題其實係
如果你真係好難懷孕
愈拖愈老
你老公會唔會因為咁而唔要你?
所以你地2個感情要更加堅固先……
1個讚
其實最唔想生果個, 倒頭來係最鍾意自己小朋友既!
3個讚
我同你一樣，唔鍾意小朋友，覺得好煩。當個個望住啲BB話好得意好得意，我完全冇feel。我剩係鍾意小動物。
我同老公一早協議唔生，如果要我生，就麻煩唔好同我結婚。老爺奶奶係開通型，覺得我地自己決定就得（我同佢都有細佬/妹，有D生有D唔生）。直至現在為止，我老公都同我態度一致。
我諗我係一個冇乜耐性、好怕困身、唔想孭好大責任嘅人。在我而言，冇野俾小朋友更需要耐性、更困身、更大責任。再加上我真係對小朋友冇feel，我缺乏呢種偉大犧牲嘅決心，我亦預視唔到生咗出嚟就會自然母愛泛濫嘅自己。50/50，what if我生咗之後證實自己真係好唔鍾意，咁點？我點捱到個BB大學畢業？我冇膽去搏。
我已屆超高齡，所以已經再冇人問我生唔生（前幾年都仲有）。呢個係我嘅情況，當然人人不同。我自己可能係比較自我，唔想做嘅冇人迫到我。我唔係唔會妥協，但係生仔這個topic，我係寸步不讓的。咁當然，因為老公係同一陣線，D三姑六婆我又唔會理佢地講乜 （大佬，你講一句就易，生完唔通我塞返入肚？），所以我冇你咁大壓力
7個讚
人活著不是為了別人
4個讚
其實我好討厭人哋嘅小朋友
但勁愛自己小朋友
所以我覺得同唔係自己生嘅小朋友相處係反而會驚咗生
2個讚
無錯，其實生唔生都係一個選擇，只需要向自己交代。
生左之後要對另一個人負責，所以必須諗清楚先好決定。
3個讚
有時唔同年齡階段諗嘅嘢會唔同，有又改變唔出奇
1個讚
生完邊個湊?奶粉尿片邊個買，幼稚園小學中學入邊間?讀唔晒書邊個養?唔覺以有病點算?
你寫一百條問題比佢，叫佢比個 proposal你，寫得出就生，寫都寫唔出叫佢唔好諗
3個讚
如果你唔想生，真係唔好生。
我有朋友兩公婆都唔鍾意小朋友，點知有咗，佢哋又覺得人人都生，又好似小朋友個家庭完整好多就生。生咗已經請工人，陪月同長輩幫手，但係佢哋兩個都覺得有咗小朋友好煩，生活方式完全唔同咗。兩個好後悔有小朋友，之後成日嗌交。今年離婚，個小朋友都未知最後跟邊個好。
4個讚
講得太好！所以先有心理準備係咪有必死嘅決心去負責小朋友嘅一生（冇錯，要諗到佢死都未到自己死；生咗出嚟弱智再加過度活躍都承受得起），如果唔係，只要有一絲猶豫，我就覺得唔好生。我奶奶成日講生咗條路就會直架啦，老公會成熟 d，大家會努力啲搵錢，會有多 d 愛心。我有咗之後，愛心有減冇增。只不過我又冇殘忍到落咗佢。樓主哩個情況真係孕照避，但中咗就順其自然（至少我係咁）。
4個讚
我覺得係我哋思想自由 d 姐～好多人係有壓力下，或睇到好多bb 相之後被同化咗。我欣賞你果句勝任唔代表鐘意。我份份工都係勝任但唔鐘意，做到心理唔平衡就quit，但照顧自己果個b就一世都冇得quit。
我都驚會後悔，加上奶奶都真係著緊催，所以有時都會同人八下自己有意思要bb，但當同老公講好咗領養，又無啦啦有咗，其實都幾失望 
見步行步步 （我成日唔想俾 bb 知我唔鐘意佢，但我又忍唔住講到出口 好啦，唔講啦）
5個讚
黎緊10月就26 準備9月生
同你一樣好怕生完咁就完
1個讚
非常同意, 生唔生唔係人地, 唔係老公, 最最最重要係"你"願唔願意照顧佢地一世, 老公唔鐘意可以離婚可以同佢從此無關係, 仔女同你血脈相連呢個事實係永遠都唔會改變
2個讚
我遇過，每日同佢洗腦，社會幾亂，搵學校幾煩，bb幾嘈⋯⋯十年後的今日，佢見到bb都皺眉。
2個讚
講得好！
1個讚
上面好多人都九唔搭八… 唔想就唔想，關咩經濟條件事？女人唔想生唔係罪
生仔犧牲實在太大，你老公明知你唔中意架喎，為左自己中年危機咁樣guilt trap你？唔啱囉我覺得
利申我自己中意小朋友但每個人有絕對自由決定唔生
6個讚
ED嘢冇得勉強
E 個年代，香港不宜生仔
我三十歳之後，生了兩個
本身老公勁喜歡，我勁麻麻
現在每天也後悔，不過老公好開心，他也用心照顧，我條氣gur d！
日日辛苦冇自由湊仔，毫不享受，但我會盡責任，日日放工仆回家，晚晚陪玩陪讀陪睡覺！
但好少打從心裏快樂，晚晚一路湊仔一路睇錶！
姊妹，勉強無幸福！
2個讚
唔生唔係罪，我自己都係咁諗。但同時被唔生嘅“罪疚感"嚇親，我諗係因為呢一刻我任職“妻子”呢個職位，社會嘅設定就係妻子負責生兒育女。
有提出領養，但佢唔同意，佢話唔一樣，唔係“自已嘅”。呢點我唔明，佢亦唔明我點解肯領養唔肯生。
睇過下d女人書 “lean in”之類，女人對女人係最殘酷的，佢唔生，佢唔喂人奶，佢唔全職湊仔etc. 我把口講得出我唔生，但內心有疑惑，我係咪唔應該響呢d有死期嘅事上隨心而行。
2個讚
婚後都差不多，好似收工就返另一份工咁。萬一生左，我係咪可以繼續以返另一份工嘅態度繼續落去呢？
想請教下點樣能夠響自己麻麻嘅情況下生左?仲要兩個@@ 生左第一個後唔會縮沙嗎？
我見好多媽媽講完一輪養兒育女嘅苦處後都會補一句，“見到佢地就乜都值得”。其實呢句我從來都唔明，好似真係無人覺得唔值得。你有冇呢種乜都值得嘅感覺呢？
1個讚
覺得值得，可能是因為小朋友會全心全意愛你，好多時比老公更愛你。
生bb,一定要兩公婆共同去面對，去負責，不是有一方負責搵錢便是完了責任。
我生兩胎，兩胎先生都不算在身邊，我自已好喜歡小朋友，但生第一胎後有產後抑鬱，第二胎後要睇精神科。要有個會照樣小朋友的隊友是十分重要的。
1個讚