一直都唔鐘意小朋友，雖然我成日口講話要生 bb, 又極有小朋友緣 
但 d 小朋友行埋嚟，我又要扮晒好鐘意佢哋，虛偽到我都憎咗自己。
老公結婚前口講要我幫佢生個足球隊，其實佢都一樣係憎小朋友嘅人。
我哋有共識如果有一日真係想要小朋友，會領養，但都去做咗個孕前基因測驗 in case 有咗。點知話口未完就有咗。我喊咗 23.5 週，到照結構時見到 bb 食手指，做瑜珈，返到屋企後，bb 又對我講嘅嘢好有反應，我喺好未下到決心嘅情況下 miss out 咗可以落嘅日子。果 24 週入面，老公俾咗好大支持我，每次我喊，想放棄，佢都陪我逐步走落去。依家我 32 週啦，老公行街都依然見到小朋友，特登撞跌人。奶奶每次俾我睇佢朋友啲孫嘅相，我都只回應我真係好唔鐘意小朋友。自己朋友 send 相/video 俾我睇我都唔會睇晒。我同老公都唔知會唔會害咗我哋嘅 bb 成世，但我嘅理念就係我會盡量當佢係未來大人物嚟睇，唔好得罪佢，廢事佢有權有勢時整死我。
9個讚
睇你咁講
其實你都好著緊個小朋友(雖然未出世)
相比起大多數求求其其生出黎嘅父母
我覺得可以做到你仔女係好幸運
你肯定會係個好媽媽
老公比你更想生好難得喎
唔洗諗到生仔係天大嘅事咁
其實好似結婚咁
好自然就會發生架啦
鍾唔鍾意要生左出黎先知嘅
你個case最好，你唔鍾意你老公都肯定鍾意
2個讚
一半先天一半後天
後天個part係長輩迫出黎
我個時好豬 坐月去左99度坐
搞到我產後抑鬱傾向 成日失驚無神就喊
對住囝又會發哂脾氣 嚇到我老公傻
我係個種我吾好受你都吾會好過既人
我老公明白如果矩要有安寜日子
一定要搞掂個囝 只會啊囝吾喊吾煩住我
我就變返正常人 所以矩唯有出手照顧
唉～ 響香港唔鍾意細路，日子好難捱。唔知點解女性好似天生就有“中意生仔”呢個屬性，但我地個set up漏左。你搵到個屬性相近嘅伴侶已經好好，起碼唔會有對錯嘅對立。我都唔好意思講咩加油因為我都唔知可以點加，anyway, you are not alone 
1個讚
咁我自己同輩都個個係哩2年生晒bb,自己唔生又怕將來後悔，加上老公一直想有小朋友，同埋我都明白小朋友一旦大個左我就可以自由，加上佢會成為我地2公婆將來老左既共同話題，咁咪生囉
咁的確就算你唔中意人地個bb,都唔會討厭自己個bb既，雖然我個女勁難湊頭2個月餐餐嘔奶嘔到我試過半夜成晚抱住佢唔敢放落床，湊到你精神恍惚，但有時抱住佢話或見到佢同你互動，都係會有喜悅
其實我好中意小朋友
但我最近有左，係咁喊
唔係開心個隻，因為我得24歲
唔甘心自己就咁就一世
加上自己之前成日睇到d有左既人話生仔點樣痛法，就好驚
男友雖然幾好，但未來好多野都話唔埋
同媽媽傾完最後決定要左佢
我會比較想知你除左唔中意b所以唔生仲有咩原因？如果touchwood你老公死左，你會唔會後悔無同佢生？你生既bb其實係你同你老公既迷你版，即使你死左，你老公起碼仲有一樣同你connact既野。
你又可以理性d諗bb既存在 長遠來講係好處多定壞處多？
3個讚
你肯定會係個好媽媽 
呢句說話聽過好多次。處事認真，有能力做呀媽，係咪就代表適合呢？即使唔喜歡細路，係咪能力上補足到就確保家庭和睦，細路會身心健康呢？呀媽有窮嘅，富嘅，大頭蝦嘅，superwoman 咁嘅，但似乎都離不開“想生”，同“中意細路”呢兩個先決條件。我自覺無。
婚前先生覺得我係未成熟，諗太多，等多幾年“自然”就會想生。幾年過去了，對細路嘅厭惡有增無減，佢急了。
1個讚
唉，我都覺得係要真係表現出“我完全handle唔到”，“我乜都唔識”呢個狀態，先可以訓練出一個神隊友。我已經放棄了，返工、照顧自己、屋企、先生已經筋疲力竭。
恭喜恭喜，祝BB身體健康。
理性分析，我明白早生係比遲生好。但我又未理性到可以overcome到對小朋友嘅抗拒，未說服到自己生。好多朋友同我描述過個種喜悅，我聽唔明，感受唔到。先生覺得有細路好美好，好開心，佢真係覺得有個小朋友會好開心，點解會咁
如果兩夫妻唔生，就一定要搵到共同目標，否則好難行落去。
唉，其實咁先好，反正點都唔會準備得夠，拿拿聲搞掂唔好俾機會自己猶豫煩惱。你到我呢個年紀，小朋友已經返小學喇!
你厭惡都係對住人地個細路
自己果個唔同架
唔生出黎唔會知
唔中意應該係最大原因，因為我估大部分人想生都係始於中意小朋友吧！
我都諗過佢死左呢個問題，唔會，呢一刻要考慮生都只係因為佢中意，我又身為佢伴侶有呢個責任。佢死左就連唯一會中意bb嘅人都無埋，所以佢死左仲有個細路就仆街。
有左Bb嘅存在，我就唔使面對催我生仔嘅壓力、後悔嘅可能性、亦比較合乎社會對一位中年女性嘅期望形象。
呢D CASE味順其自然囉~~
1個讚
開始懷疑你係假膠 
1個讚
我本身超鍾意bb， 生完之後要對bb既照顧同付出，真係唔講得笑，倦到爆燈，餵奶換片氹瞓覺！如果唔係好鍾意小朋友，真係要諗清楚。我係見到bb一瞓醒見到我就笑，肥肥白白嘅滿足樣，我先捱得住，幾眼瞓都起身換片餵奶
3個讚
響一個親子論壇開post 講唔中意細路，係幾膠o既
咁就好，搵到值得自已無限付出O既事都係一種幸福
考慮下雪卵啦，有十年俾你考慮
1個讚
我老公明明唔鍾意小朋友 (結婚前講左唔生), 宜家個女4歲, 佢地好似前世情人咁。深信母愛是與生俱來, 先擺脫(朋友話, 上網睇…) 有關照顧小孩子的辛酸先, 從新認真再考慮一次, 因為, 你呢個決定, 一定會影響你既一生, 包括你既婚姻。
2個讚
你開足夠條件先肯生囉，話要比最好既小朋友
1 要4房, 包括套房及工人房既市區單位
2 生完要有陪月+工人幫手
３小朋友上中學前你都唔洗番工
其他自己繼續加上去
條件未到， 唔係你唔想生。。。
2個讚