我結緍前已計劃好要生小朋友，所以冇乜經驗可以分享，其實我唔特別鐘意細路仔，不過我可以講生左係唔會後悔，仲有少少後悔遲左生。
如果另一半好想要小朋友，你地真係要好好傾下。
1個讚
作為一個已經有兩個仔，結婚前「好想有小朋友」的爸爸，想講兩句。
喺三年內，我同太太經歷兩次，每次幾個月，晚晚瞓個幾鐘就要醒一醒嘅過程。到小朋友大左，就要睇住佢唔好跌親、叫佢坐定定食飯、佢想你講故事時要即刻離開電腦。
小朋友好可愛，好有趣，但隨之而嚟嘅責任，係兩個人一齊承擔的。我唔係斷言你先生一定冇咁好心機，但爸爸好鍾意細路，係一定要同時「承受」埋抹屎抹尿餵奶嘅責任，承受埋另一半產後的脾氣同鑽牛角尖，承受埋為左睇住屋企要放低自己興趣消遣。
而自己有幾承受到、放低到幾多，好多「自以為好鍾意細路」嘅爸爸媽媽，其實事前都會 underestimate 個嚴重程度。
我唔係想嚇你，呢度亦一定有好多比我 handle 得好好多嘅父母。我想帶出嘅係，生小朋友，切忌「高估」自己對小朋友嘅愛。
28個讚
樓主唔想要小朋友原因係經濟問題？驚困身同責任？社會環境影響？
如果老公一早知原因，會唔會係長輩比壓力佢先變成咁，呢樣要同佢講清楚，不過唔好因為咁嘈交，唔值得。
個人意見：難聽D講，生到出黎自然就會船到橋頭自然直，點都會搞得掂個B
1個讚
問多幾個朋友先決定呀！
1個讚
我覺得問題係你老公婚前同意唔生時，係咪其實處心積慮想氹你入局，到時結左婚等你過左三十歲（諗住你驚離婚再嫁唔出），然後再逼你生，咁樣嘅話直情係上左賊船喎
3個讚
現實小小
如果無小朋友會唔會影響婚姻
你唔生佢都搵人生就唔到你考慮
你願唔願意放棄婚姻
科學小小
當有左小朋友就會父愛母愛爆棚
1個讚
絕對讚同，生小朋友得愛係唔夠，仲有好多野要負責任，好多野要幫佢諗。而且兩公婆要有心理準備會為小朋友嘈交、洗費突然多左好多、私人空間同私人時間少左甚至消失…總之有個小朋友係會令你生活唔同晒，有好多野係未試過前諗唔到既。最好有定心理準備先，無論係樓主自己定丈夫。
二人世界好易預計到條路，但如果多個小朋友，好多野都預計唔到，最重要係生左冇得退貨。不過都係果句，好少聽人講會後悔生仔，小朋友帶比父母既野，我自己就覺得遠遠彌補晒一切。
4個讚
我一向都好討厭小朋友，我老公就想要嘅。直到幾年前意外有左，有考慮過唔要，始終經濟各方面都唔係時候，同埋最主要係因為我唔鍾意。但最後醒覺- 唔係你想要就會有，好多人想要都陀唔到，最後我選擇無落左佢。
生左出來之後我竟然性情大變，變左重心去晒佢果度，亦都鍾意同佢一齊嘅時光，當然亦都有勞氣，但係值得嘅⋯⋯ 但係我只係錫晒我小朋友，對於其他小朋友我都係好唔鍾意。
你如果真係想生，你要諗下用青春、時間、身材作為代價，你願唔願意先？仲有喎，隊友好重要。產後頭半年每晚都無得瞓，兩個幾鐘一次奶，換片沖涼等等，隊友一定要幫手，除非你請個信得過嘅工人啦咁就會好啲嘅。
4個讚
有錢,有條件就快生,冇就收皮
2個讚
有錢有條件都要諗下環境同身邊人值唔值得
女人生仔同放棄自己人生無分別
付出好多好多
如果對方唔值得 唔好生
生完 先同對方不合分開就蝕雙倍
2個讚
我十級討厭細路，最後決定唔生。我當年掙扎係我老公鍾意，唔生會唔會對佢唔住。
但我肯定自己會討厭湊仔生活，又會埋怨冇咗自己人生。我相信我老公肯湊，但我會期望佢湊九成半，而且一定家嘈屋閉，跟功課又吃力。所以最後都係決定 No
4個讚
高招
1個讚
個個都咁講, But我會擔心我就係個小部分既其中一個, 咁就好似好不負責任咁 
1個讚
生左係會有母愛
鐘意都係佢聽話同可愛個陣
識大把大大下就唔愛個仔女
而係要控制佢
2個讚
都係一個拖延o既好方法 !
的確係犧牲 
係生之前冇諗過嘅犧牲。。
但到佢識得主動錫啖你，就係生之前無法感受到嘅幸福 
3個讚
畢竟愛同難度，無一個標準。「高估」緊自己o既人，係唔會覺得自已高估左。我覺得佢高估對小朋友o既愛，佢一樣覺得我高估生仔o既責任同困難。唉…最緊要兩夫妻有共識
經濟穩定，應該可以支撐到一家四口。驚困身，絕對係，超怕煩，一俾人問長問短就憫得不得了。社會環境影響，我有拎黎做唔生o既籍口，但自知世界和平時都係唔想生。
承你貴言，橋頭自然直 
我男朋友都係⋯⋯堅持話唔鍾意小朋友，未來唔會生BB 
仲未有共識
1個讚
玩人地果個梗係好玩啦, 依家主力湊果個唔想生, 係咪一齊分擔先, 唔好話99幫手呢D廢話呀, 人命嚟架, dun咗出嚟無得塞番入肚.
你叫你老公唸清唸楚, 分好工計定條數先.
2個讚