叫架黃van 車，加少少錢送到上門
你自己計好數有個底，
落手安排獨立生活，
仲要真係正能量爆滿咁生活，
唔好再主動搵佢，
佢搵你你都係遲d覆，
佢咁孝順證明佢都係一個有良心嘅人，
未必咁快見效，
可能你要等個幾月怎至幾個月，
佢自然會行番埋你身邊。
為母則強，只要有生活費，其實你捱得過。
3個讚
咁話唔定過多幾日老爺會叫個仔去搵你呢？
不過就預咗佢會覺得你係麻煩新抱，一定有說話聽囉⋯⋯
唔可能啦，當日係我地三個坐低食飯傾裝修
佢個仔發哂脾氣又扔筷子又鬧我
我又聲淚俱下咁樣
佢係隔離食花生粒聲都無出過
我執嘢走佢都望住我執
完全無理過我
唔好意思都要講聲：您老公真係極品！您都要保重，照顧自己，照顧bb
2個讚
你老公同老爺都真係賤，老婆大住肚鬧到掉筷子？冇大肚係咪要打人？
男人做到咁冇資格有後代囉。
5個讚
多口問句…你老公係唔係都想要BB?
1個讚
筷子掉枱面啫唔係掉我
佢嬲極都唔會打人嘅呢個我肯定
想，我地期待咗好耐，佢知道有嘅時候係好開心
既然佢都想生，佢點都會諗下bb訓邊？d嘢擺邊掛？不如問問老公本身嘅打算
佢完全無•諗•過，
或者話佢無concept小朋友係要用幾多地方
佢好天真以為間細房夠位
我又好天真以為有咗可以裝修調房
（因為以前提過裝修62話等有咗先）
所以到真係有咗時…迫到埋身要面對現實
咪搞到咁囉
1個讚
其實出世後照顧仲多嘢忙，男家靠唔住，只有自己頂硬上，只有娘家先真正有可能幫到手，如果唔夠位一齊住，就你同個b 返娘家住，問下老公你想包啲乜，你再要有心理準備做晒其餘所有嘢，我個case 係男家話生，生完無人理（我無工人，老公夜奶都未餵過一次），有啲人係見朋友有小朋友就想生，但生完先發現原來要照顧就唔想照顧，但個b 總要有人理就推比其他人理，總之唔關自己事，我講過離婚，最後同老公傾掂，係好不平等嘅分工，我對個仔出錢出力，我老公可有可無嘅存在，我老公有少少轉變會理多咗個小朋友，但五年都係變得好少，母親多數都係為頭家犧牲得多啲嗰個，我現在都覺得好搵笨
6個讚
放心小朋友一定會好錫你
佢哋知道㗎
聽你語氣都好維護佢
但唔好意思佢真係好PK 兩個男人夾埋蝦你
同埋小朋友既野係冇得妥協
2個讚
無錯！小朋友嘅嘢無得妥協
所以忍讓咁多年而家要為bb企硬返一次
有時真係估計唔到生完小朋友後個男人會變成點
唯有自己盡力比小朋友最好
你要加油，小朋友會感受到邊個先係愛佢
我老公都係bb出咗世，先肯掉雜物。我哋講唔信架，要逼到埋身先肯郁。
SAD TO HEAR
其實大家要思考下婚姻係乜野。
睇到你留言, 不停都係講BB, 其實裝修呢件事, 會唔會只係由頭到尾都係你諗? 你有冇同老公傾過?
如果佢係好燥, 不願和你溝通的人, 只可以話…SAD…你可能嫁錯郎了。
不願溝通係所有婚姻的死症, 好難挽救。
2個讚
買張bb床叫佢收貨得唔得
等佢地2隻嘢體驗下bb嘢需要位置放
裝修未必要，但執雜物一定要囉