因為曾經聽過如果第一胎私家開刀，第二胎政府醫院亦可以揀開刀，請問係咪可以？thx
我兩胎都政府開，第2次有得揀。
Thanks
相信視乎邊間醫院
我第一胎係私家開刀，第二胎想返政府開刀，佢話唔係我決定，除非特別原因先可以開刀
1個讚
咁好？我第一胎全餐，今胎佢問我想點生，我話都係開刀，跟住佢話都係試左順產先啦。我心諗咁你又問我。。。
衣加政府應該冇得揀喎，兩胎隔左超過超過一年定唔知幾耐就話唔怕傷口爆咁，所以冇話可以選擇。
我第一胎全餐，第二胎醫生俾我揀，我直接揀開刀算（威院）
但聽講唔同醫院有唔同政策，第一次見姑娘時問清楚比較好
我就係隔一年4個月，佢話唔驚，無咁影爆喎。
我都想返政府開刀，不過護士都係話睇醫生，依家聽講無咁容易比你開刀啦 
我第一胎都係全餐, 第二胎嗰陣佢都有叫我試下順產
不過我堅持要開刀, 最後佢都俾我開刀(兩次都係東區)
我廣華呀。等我下星期產檢試下講先。 
我頭1,2次去聯合覆診，2次都同我講可以比我揀順定開刀，上胎同今胎隔左4年
我第一胎全餐 第二胎有得揀 仲一早俾埋開刀日期我 （威院）
我第一胎開刀，第二胎喺聯合都有得俾我揀，我揀返開刀
我第一胎十幾年前全餐，第二胎醫生比我揀，佢話隔咁耐照計個傷口就唔會爆既不過都講左啲風險比我聽，聽完之後我都係揀開刀，第三胎隔一年半醫生問都冇問直接幫我約期開刀
會唔會係如果第一胎喺政府問刀/全餐生，第二胎就可以揀。咁知唔知如果第一胎喺私家開刀生呢？第二胎可唔可以喺政府揀開刀？
我諗都要睇相距幾耐。我相差年幾 佢比揀。到開刀個日其實佢話可以試順，但我都揀開刀。 我諗超過兩年應該冇得揀。 兩次都威院。
我係聯合生，生第二胎個時大仔都將會4歲勒，醫院都有話我可以揀順定開刀
你敢係公立開刀？ 傷口會大好多㗎
你第一胎係私家開刀，睇吓自己接唔接受到第二胎會有大疤痕
same case
我兩胎仲要相隔左接近5年…估唔到威院會offer俾我揀
第一胎食全餐, 經歷過2種痛…真係唔想嚟多次, 所以就揀開刀