我諗我冇post錯區
因為唔係一個淨係關於寵物嘅問題
我同男朋友係新手貓奴
最近領養左隻貓
貓貓入屋已經有好多嘢要適應又休息得好少
終於搵到機會可以同男朋友愛愛
但貓貓係門出面叫會令男朋友分心
放貓入房一齊瞓係佢面前做又覺得好怪
到底養貓嘅couple係點做架？
仲要養好多好多隻比貓貓一齊瞓
到底係啲couple為左照顧貓而選擇唔做？
定真係enjoy係寵物前做？
定唔放佢入黎，做完先放佢入黎？
因為最近一兩日先比貓貓入左房
諗緊係咪唔應該再比佢入黎一齊瞓
但已經開左個頭
又唔比佢夜晚入房我驚貓貓會抑鬱
我知道養貓係對佢一生承諾
但如果因為養貓而放棄性生活
我覺得好痴線
係咪你地做緊個時你隻貓要開飯或要剷屎？
個時我養貓無呢個問題喎，房門照打開，隻貓都懶理我地…
不過就算貓貓唔入黎喵，其實你地做緊過程一定有聲貓貓都會知…
真係唔會，唔好咁傻
咩都係講習慣，習慣左佢有佢訓，你唔習慣的話就趕佢出房一陣，之後開返門俾佢入黎，唔洗咁大壓力
適應一定就無問題, 解決方法隨心 
貓貓也隨心
我地無呢個問題咼，我個2隻會系我房訓
佢地一系岀廳，一系當我地無到照訓
Sorry 我睇到個topic本身笑左
入到黎就明白你既難處
講真隻貓唔係7/24要入你地房既
就算我都有試過佢響房都唔理
佢又唔係小朋友又唔洗同佢解釋番既
站在動物既立場 其實係天性 即係好似要食野飲水一樣
所以你講果句「但如果因為養貓而放棄性生活」，唔單止你，我都覺得好痴線
我養左貓咁多年都無呢個問題喎!! 畀佢哋習慣下個模式就OK 啦, 又會唔會貓貓岩岩入屋, 想要安全感先想入房?? 下次想做之前, 就抱啲貓貓出去, 佢叫多幾聲就唔叫嫁啦… 你男友聽到貓叫會分心咪播下歌囉…做完再開返門畀貓貓入房一齊瞓, 自自然然就會習慣~
其實你唔好覺得隻貓好似人咁就得
你以為佢想成日痴你，其實唔係，佢都好需要私人空間
sex 亦唔需要擔心，佢唔係人，佢唔會明你哋做乜，通常會走開，因為你哋可能嘈住佢
閂門都得，佢抓幾下習慣咗冇得入就唔會咁堅持要入，因為貓冇乜耐性
放心!
PS: 貓奴年齡十幾年，專業湊貓員，冇咩貓未見過。一去旅行冇貓陪瞓會唔舒服
養狗couple表示面對同樣問題
可以考慮xx時唔俾佢地入房住
No problem just do it
餵包隻貓先愛愛
其實寵物知唔知主人做緊乜？
剛養貓真係超攰。。。
我D貓係鍾意開頭企喺隔離睇，個樣好好奇，好似喺小朋友面前搞咁
一上床就會喺我地中間瞓，真係唔會有做嘅mood
唯有日頭或佢地喺其他位置瞓緊時搞
做之前開罐罐比佢地食先？
阿貓唔會第一個上床瞓，通常都係我地瞓著先捐入來
由得佢係出面叫
入面播啲催情音樂囉
(我地都冇比貓入房)
我都係房門照打開，
而我隻貓可能見慣不慣(養左14年)
當佢知道我地預備玩床戰，
佢就好醒目自己行出房。
然後我老公就關房門，
完事後，我地一打開房門，
就見到佢好型咁
(成個智者咁)
坐喺梳化邊望住我地，
好似等緊我地完事咁
然後佢就自己行番入房再瞓過
而初初養嗰陣時，佢會照瞓覺，
唔多理我地