依家上唔上車好？
本身諗住年尾上，但依家個情況令人唔知想點 
移民無得諗，無BNO ＋ 上有高堂(年紀大，需要陪覆診、照顧等等) ＋ 一個女 
每個月萬幾蚊幫人供數又唔扺，前景睇唔透又怕大跌市 
究竟 自住樓驚西 定 傳波仔遊戲就來停？
你唔打算移民就上車
留港要有地方住
5個讚
最重要份工夠穩定嗎？
唔怕被裁員
2個讚
香港係正中美既風眼，個個禮拜有新制裁，呢個時候上車風險好高喎
7個讚
份工都穩定嘅 
唔移民就上車啦
但2021年頭英國移民細節先正式出爐
到時仲多移民盤
11個讚
呢個亦都係我諗緊既問題，老公唔肯移民，
所以都唔會走
計過依家租金仲貴過供樓費用，
大家份工相對穩定（touchwood)，
下年租約到期，
都打算要買， 問題唔覺樓價有大幅度跌。
不過都諗住年尾睇睇美國大選後發展，
最遲下年新年後都要決定
同你一樣煩緊，一路有睇緊樓，但因為林鄭plan，啲中細價樓點都唔肯落價，卡住喺 800萬／1000萬，得啲豪宅跌緊，依家經濟咁差，希望樓市快啲跌啦。
3個讚
樓市跌 跟住放寛按揭 啲人又瘋搶 咁幾時先買到
吾移民，工作穩定，租金都萬幾蚊，咁買好過租
1個讚
e+放寬左工廈，遲下應輪到私樓，樓價可能有機會升返d。
而十重有咁多中資新樓起緊，個政府肯定盡托吾比個市大跌。當然間中有d移民盤平一兩成。
我又覺得暫時唔會再放寬私樓按揭，因為林鄭Plan 係最近嘅事，無理由咁快又放寬。
政府當然會等市弱先放。
中價 under $1000萬個 d 私樓暫時都未大跌
市區300呎 30年屋苑重叫緊 $4/500
1個讚
你已經好有計劃比個限期自己 希望明年你搵到心水居所
1個讚
我自己覺得真係會有一批人離開香港
如果佢地賣屋走既 對樓市都會有一定既下行壓力
而家局勢咁唔明朗，俾我就唔會呢個時間上車
4個讚
我覺得樓價只會越來越貴
所以如果是自住，有需要有能力就買啦
全球都印銀紙，錢只會越來越唔值錢，移民潮會跌小小但唔會多，政府點都托住個市…講真起唔起，你估淨係發展商有say?背後大把檯底嘢…
有冇得叫低少少價?
我自己係搵到間自己真係最喜歡的。
上年好似想跌咁。我就自己諗阿q啲其實我住10年啲租都抵得返。
不過講就敢講。如果我而家自己都唔敢買。。。。
諗緊樓巿可能會好似股市咁，環境越差越升