大家好
已經進行過兩次在家驗孕了，
Clear Blue顯示我懷孕3+ weeks
準備星期一家計會做多次驗孕，攞驗孕證明書。
想問問大家
取得證明書之後，是否就去健康院登記檢查？
第一次超聲波檢查，聽心跳是否就在此發生？
容鳳書健康院要先預約嗎？
2個讚
恭喜哂～～
私家拎完懷孕證明後，可用HA預約通app或親自去醫院&健康院book期，醫院通常會俾week10打後既期你見nurse（我無去健康院所以唔清楚）～你選定心水私家婦產醫生，可以book 定week7（上次m come計起）左右去做第一次超聲波聽心跳
當然有咩異常都要早d去睇！
1個讚
恭喜你 
應該約咗醫院先
然後睇完第一次無咩要擔心嘅嘢呢，佢就會俾張list你，上面有晒你嗰區啲健康院電話
然後返屋企打電話去book
1個讚
多謝你地嘅回覆呀
即係當我拎到證明書之後，
就可以用“預約通”預約第一次產檢，
我頭先試下步驟
即係預約去屯門醫院。
私家醫生都預約好兩個了，都係按邊個醫生有期就檢查下先親身試過先知夾唔夾
我準備好喇
屯門醫院嘅唐氏檢查要親身去醫院排隊申請，健康院可以打電話約期先
1個讚
謝謝提醒
再請教應該幾時去排隊申請唐氏綜合症篩查？
即係人多嗎，難排嗎？我睇天書見呢個檢查應在12-14周才做，怕太早太遲去排隊都唔適合
你可以先去健康院約期，佢會比個產檢期你，再比紙你去屯院約唐氏期，你可以即刻去屯院，佢會比個期你到12-14w去做唐氏，約期大約15分鐘就搞掂，唐氏就預個半鐘啦
1個讚
多謝你
我會好好記住
DL份表，帶埋懷孕證明，辦公時間去登記就得
1個讚
非常的感謝您
恭喜你啊。
其實可以直接去屯醫約期。唔駛去多轉健康院。注意下邊個健康院係做緊肺炎檢測。避得就避啦。
1個讚
早啲去排有靚時間。
我因為有做t21，又試過小x。所以第2胎好遲先去排就得中期唐氏。果時好彩t21話唔高危。反而中期果個我諗住去照下超聲波就去但都高危。所以初期唐氏會準好多。我細仔而家都2歲都好健康。
介紹你去睇下fb POPA channel係個好好既育兒資訊網站。
如買兒童書。最近我發現佐間黃店好平。叫misy 台灣書。
3個讚
多謝你嘅溫馨提示
容鳳書的確有做肺炎檢測，係咪覺得屯門醫院大d，
可以避開危險機率大d? 請教一下路線 因為我唔熟路，所以覺得兩個地方一樣咁危險
咁咪揀個近自己嘅地方做產檢囉
我地未諗做T21定係Nifty pro，仲未知道個分別
不過會聽從大定嘅建議，一有紙就去排隊，快d解決一個項目
收到POPA channel
misy都收藏左佢先謝謝妳
提一提, 政府唐氏個準確率係比較低, 會用一條formula將你度頸皮, 驗血結果同年齡去計一個ratio出黎, 因為高齡 (>35) 後唐氏個風險係exponential increase, 所以好易會出現高危, 建議只當恒常檢查, 我唔算高齡, 但都有朋友話如果會做T21/nifty其實唔做唐氏都得, 我最後都有去, 仲係第一次喺超聲波見到bb郁
t21同nifty分別係t21中大lab做, nifty係大6做, 所以nifty會平啲, 兩個都有人做, 我老公就話信中大所以揀左t21
同埋產檢應該無得自己揀去健康院定屯院架, 我一路都係得健康院期, 除左唐氏係返屯院, 但去到28w左右因為健康院 (主要係見護士, 有需要先見醫生, 唔係專科, 好後生) 覺得我肚細同埋重得少, 驚阿b生得慢, 而健康院無得照超聲波, 所以先refer我去屯院做產檢 (護士長負責照超聲波, 見專科醫生), 不過去完一次屯院又覺得我情況穩定, 叫返我返健康院就得, 所以係政府根據你情況決定去邊度產檢架
去健康院定屯院登記先, 我真係唔清楚, 因為我都係新手媽媽, 當時拎完懷孕證明, 家庭醫生就教我拎住佢封信去健康院, 所以只分享我自己經驗
2個讚
屯門醫院排唐氏果層有隔離病房。您冇得揀去醫院定健康院產檢，一般孕婦就係去健康院，除非您係高危/高齡，屯門醫院先有機會收您做產檢。以我所知係咁。
我都打算做T21，之前疫情好嚴重，我都冇去公立做早期唐氏檢查，打算去私家做。疫情下懷孕同生仔，真係好多擔憂
1個讚
不是。返產檢就冇得揀。係登記要去屯院啫。
做足準備功夫就冇問題。加油。
我自己冇好詳細研究做邊隻。不過高齡就信個貴啲咋。哈哈。
1個讚
多謝大家嘅寶貴經驗分享
每一個訊息都好重要
對新手的我來說可以解決好多疑問
我係高齡媽媽喇希望呢趟旅程繼續有好多貴人幫忙
聽日會去家計會取證明，到時姑娘教點做就點做啦
已經download 左 HA app準備做預約，宜家知多d準備多d就少好多擔心
大家都要加油
好人一世平安！
希望我下次再有疑難都可以得到大家出手相助
我都係高齡先做媽媽。真是1個開心的experience.
1個讚
我都係容鳳書做產檢，問過話唔洗去屯院登記
1個讚