就黎搬屋了，想買啲新廚具
想問各位氣炸鍋係咪真係咁好用？
同埋各位覺得有咩廚具係必買，可以推薦一下嗎？
小妹係新手廚娘
各人不同呢，我自己麻麻哋氣炸鍋，覺得好似局限食熱氣嘢
我係懶人，覺得蒸焗爐幾好，比較多元化，我直頭用佢取代微波爐/多士爐咁用嚟返熱啲嘢
氣炸鍋，就算唔係搬屋都應該買!
自己喺惠康換過，喺gmarket買過，依家用緊philips覺得最好
氣炸鍋方便，唔洗落油唔洗睇火，掉落去後就可以煮其他嘢，缺點係裝得少食物同熱氣。
我有built in焗爐同built in 蒸爐，覺得氣炸鍋一定要買
5、6年前買第一部air fryer，覺得超級好用，依家用緊第二部（新型號）
但我只用過飛利浦XXL呢個size
同問。因為有蒸焗爐，仲買唔買氣炸鍋好？
氣炸鍋清潔麻煩嗎？
唔洗，蒸焗爐個熱風對流做到氣炸效果
1個讚
即係蒸焗爐可以炸野？
我有蒸焗爐同airfryer
老實講如果你唔怕洗嘢嘅話可以買 因為佢煎炸嘢方面係幾出色又唔洗點落油 但次次要洗個底係好煩 除非你用錫紙嗰啲 但又會阻左通風 效果無咁好
蒸焗爐蒸嘢方便 但grill嘢我覺得無airfryer咁好火力 而且一有水氣就要小心清理 唔係會好易生銹。。
我自己用緊airflyer係好方便，但如果需要整蛋糕整面包，我覺得要買蒸焗爐先夠用，當然如果屋企有地方最好兩樣都有齊 
不嬲都可以的
依家出邊街市多咗好多氣炸鍋食物
必買：芝士撻、pancake、餃子
你用熟左其實仲可以整曲奇、巴克斯芝士蛋糕（好易整）！
氣炸鍋 係快，整唔多食物 時 就好。
當年菲利浦一出，我就買左個，最大缺點係細，一次烤 3塊薯餅 或者 2隻雞脾 就頂盡，雞翼都係 放得果幾隻，多少少都要分兩輪。。。整親雞都成陣油煙味，清潔部機發熱線內籠又煩，用左半年都無，就送左俾人。
新屋裝修，如果有地方放，我覺得最好分開 蒸爐 同 焗爐。蒸焗爐 兩頭唔到岸，無高温熱解清潔，又無分層蒸氣輸出。
如果錢唔係問題，我覺得焗爐 要買有空氣過濾 同 高解清潔型號，蒸爐一定要有分層蒸氣輸出，同時蒸幾層野，就知重要性。
2個讚
我覺得氣炸鍋係必買的廚房小家電，使用率非常高，新手都以為係廚神
氣炸煱我無興趣…用熱風吹咋嘛…
蒸焗爐，bruno(唔知有無串錯) 鍋好玩啲
參考下
氣炸鍋煮野食係易左，但我用其他工具煮好食好多，可能小弟唔識用