今年冇小一適應週，非常擔心呀仔小一適唔適應到
特別係放小息同埋食飯，而家佢仍然習慣去到好急先去，我驚到時小學老師唔俾嘅話佢瀨咗尿
小一仲會瀨vv 其實都大有人在。
幫小朋友放定1 條內褲+短褲入書包，開學前1 星期、自己響屋企同佢實習吓就ok
媽媽平常心
2個讚
我就係好驚佢會小息記得去或者唔想去
你仔小一試過瀨咗尿？
1個讚
我個係女，小一… 唔太記得
1個讚
大家有冇方法或者經驗處理呢個問題？
我女已經升高中、太耐唔太記得、好似冇又好似有 反而我記得自己小一、二有同學瀨VV 甚至
其實冇得驚，瀨咗、會有校EE 幫手、之後有老師教。最重要平常心
2個讚
好的知道謝謝你!大家都可以發表意見集思廣益
一定有仔仔/女女忍唔到。
趁依家有時間，會唔會試下「自製學校時間表」？模仿學校放 break 時間（有真嘅時間表就最好），睇下仔仔忍唔忍到咁耐先去。一星期畀一張「廁所卡」，佢如果冇利用該時段去廁所，佢一星期只可以有一次破例，用左就冇。同「放狗」有少少近似做法，等身體習慣左呢個時間去廁所。普遍小學一堂 30-35 分鐘，一般 2 堂就放 break。可以考慮下咁樣 set。
其實最怕係坐校車先黎急/肚屙。
5個讚
Wow!好主意，試下
BTW, 你仔幾大呀？
其實仲可以開學嗎？
1個讚
我反而覺得低年班未必復到課
上ZOOM多
2個讚
下學期有機會㗎
其實唔使咁擔心順其自然
佢見倒其他小朋友去佢可能會跟住一齊去
1個讚
當上zoom同上堂一樣，中間放break題佢去vv
1個讚
但係我都聽過好多其他家長講，佢哋小朋友係小息唔會去因為想玩
當佢小息真係貪玩無去
上課期間都可以舉手去
小一 老師無咁嚴
你都準備定底底同褲 二手準備
1個讚
有啲老師真係唔畀去，轉堂都唔畀，要等小息。讀 6 年小學，真係 6 年幾乎所有老師唔畀去，理由就係「小息你冇去？」一年級都如此對待。
以前學校有人 Art 堂戒到手流血，怕老師鬧，所以只敢問老師去廁所，老師發脾氣話唔畀去，結果佢忍到真係止唔到先去。亦聽聞幾次係唔舒服，有一次仲係集體肚疼，老師懷疑玩野唔肯上堂，所以堅持繼續上堂，同學就繼續忍疼。呢啲老師仍然任教緊，不過可能係出名紀律嚴，所以先咁麻煩。
最好訓練返身體習慣，紀錄下自己每隔幾耐去廁所/飲水，適量平均飲水，特定時間唔太急都要去左先。咁樣就算到時候想玩，膀胱都會提醒佢先去廁所再玩。人有慣性，習慣呢個時候去廁所就會嗰個時候去廁所，習慣左小息掛住玩第二日亦會如此。
1個讚
我小學真係六年都唔俾佢，所以小一二都有同學賴尿
小學仲帶後備褲會唔會俾人笑
1個讚