今年冇小一適應週，非常擔心呀仔小一適唔適應到
特別係放小息同埋食飯，而家佢仍然習慣去到好急先去，我驚到時小學老師唔俾嘅話佢瀨尿
1個讚
放心。今年可能開唔到學。
3個讚
但係始終有下學期可能會開到，到時點算呢？
我都聽講仲有唔少學校係上堂唔俾去
要教小朋友勇敢舉手
小朋友會怕老師鬧/覺得阻住老師上堂唔敢舉手
在家介紹下小學會有小息，叮囑小息一定要去廁所，去完要飲啖水，佢哋掛住玩可以全日唔飲水
但如果賴過一次，知醜就會識得小息必須去廁所，學校應該有後備校服俾學生換。
2個讚
我覺得我個仔一定唔會唔記得小息去廁所或者唔想去
點算好呢？大家有冇經驗
放心。其實開返學都只會返半日學。
當中，在學校時間不多。
至於去洗手間，唯有提佢小息第一時間去。
同埋唔好怕舉手。
2個讚
我經驗就係學校打電話來真係賴左，條污糟褲包好放入書包，記得洗。
俾同學笑到面黃，自此就一定記得。
2個讚
我仔今年升小。不過我自己覺得佢賴過佢自己就會識。佢自己都要為佢自己負責。有啲野都冇得擔心咁多。尋日先發現自己都冇教好佢綁皮帶。。
1個讚
慢慢開始心理輔導下，每個小息第一件事去洗手間。同埋如果你真係去到好急忍唔住呢，可能其他同學仔見到咁樣會覺得醜怪啊咁嗰啲囉。初初開學帶定spare 內褲，褲
1個讚
真係好醜怪啊！咁你個仔有冇唔開心
1個讚
訪問返當事人話當時無唔開心
，只係好醜怪，小朋友都口沒遮攔地笑佢，佢又覺得咁大個人都賴出來，但無阻佢識朋友仔，同學仔們都好善忘，過左一排，無人提就唔記得。
1個讚
其實教小一班的老師好多都會俾小朋友上堂時去洗手間嘅，唔好諗到咁壞情況。學校係會俾時間小一生去適應課堂規矩，我女嗰間嘅適應期係上半個學期，到下學期就嚟真章。9月開學的頭幾日，學校校長安排6年級哥哥姐姐在小息時1對1的帶領小一生，哥哥姐姐會提佢哋小息先去洗手間，然後有時間就帶新生到不同的室教他們如何使用及規矩，如圖書館，電腦室等等。其實小朋友去適應一個新環境，在學校，老師，學哥學姐都會照顧這班小一生，令他們盡快適應校園生活及規矩，而作為家長的我們，要做的事便是俾信心小朋友，這樣他們才有信心及能力面對新環境的變化。
慢慢改善，努力。