Happy Share 
本身我今個星期一放完產假要番工 (好彩老闆好 比我WFH到9月） 一路都諗緊點可以令佢戒咗3點/5點餐夜奶 我係全埋身餵 而佢喊到癲都唔肯食奶樽所以點都要我起身餵 早兩星期開始突然改咗習慣 唔瞓晏覺 朝早六點幾醒咗可以玩到夜晚六/七點先瞓 一瞓就瞓到11點左右我先拍醒佢餵一次奶 由於都係埋身餵唔知佢食幾多 總之佢食完就算 然後清潔埋個口就比佢再瞓
奇怪既事星期日突然發生！星期日晚如常11點幾佢食咗10分鐘奶左右瞓番 當我再聽到佢嗌打開眼時 竟然已經天光！呢兩個月黎第一次唔駛半夜起身 瞓到六個鐘！好感動……但都係心大心細懷疑佢只係咁啱 到星期一晚佢食咗幾分鐘奶就瞓咗 結果5點幾就要食奶 我諗住戒到3點餐奶已經好好 但由星期二開始 呢4晚佢都無再醒過 一覺瞓到6/7點 我諗佢應可以叫做戒咗夜奶喇！好感動呀！佢好似知媽媽要番工咁自己乖乖戒咗 完全無用過任何方法無改過習慣 呢個真係一份好好既禮物