踏入左婚姻關係, 面對最實際既野, 就係錢!
離婚大部份原因係因為錢!
請問大家同另一半係點樣分配?
本人未婚, 不過想參考下大家係點分配?
因為答案已經有好多, 暫時唔放比較少數既男士不工作, 女士養全家或兩老供養 
0 投票者
原來其他都有一大部份, 請問情況係點?
我同老公一人攞一份家用出黎(佢人工高D所以攞多少少)，供樓同其他大開支(唔計小朋友)都響果度扣，相對地租金收入都會入帳落去，然後每個月月底會review家庭收支。
基本上攞完家用之後，各自私人開支我地都唔會干預對方。
我無做野就全部佢cover。我有做野就佢會留起一部份錢做投資同cash saving，其他錢去晒家庭開支（基本上已經cover晒所有野）,真係唔夠（通常係出街食野或買D唔等洗既野）就用我果D。
原來有一半人係FTM
發覺原來我發雞盲, 有個choice重覆左 不過唔緊要啦照加埋
都有近半人係雙職未有B
其他: 我有份支付住屋開支，水電煤食飯多數c6, 家品各自都有買。大家各自返工
想問下生完B做主婦, 到入BB幼稚園出返黎做野,人工會唔會低左??
如果因為幫手湊B, 出黎做野人工低左, 但生活開支變返各半, 會唔會有唔公平感覺?
我先生銀行户口結餘有幾萬，佢嘅收入都係入晒我單名嘅銀行户口。所有支出都由我嘅户口扣除。佢怕煩，好少理(可以話不理)
哇~ 咁佢一定本身係好少買野
佢用信用咭買嘢，食飯，由我戶口找卡數
咁咪好危險 
係呀！食咩，買咩我全部知。但我唔會check, 唔會問
其實呢個無一定答案，每個人都唔同，生活環境又唔同，唔同時期唔同情況，都可能有影響，最緊要大家覺得ok就得
好似各個答案都唔岩，無揀到。
婚後返工，無刻意去各俾一半、大家有咪俾囉，唔會計得咁清楚。生左bb一段時間做ftm，老公俾+自己part time，都無刻意計。
有時兩公婆既野計唔到太清楚，最緊要一開始大家去搵一個大家都覺得okay既方法，唔好事後先講、嘈。
你地唔洗交租供樓?
純統計 
不如咁講：
一個交租/供樓，另一個就買日用品+買餸各項支出，咁仲算唔算一半？
其他：結婚後一年懶冇番工，但生完一兩年就岩岩好讀埋個牌會一直番番工（我見冇得揀由唔番工變番工），番工後開支應該都係老公為主，我應該自己搵錢自己儲。