bb仔24日大 每次沖奶已經100ml 2-3個鐘餵一次 永遠瞓醒都大吵大鬧急住食奶 會喊到面紅耳赤 食完氹佢瞓覺好難 要食到好飽先可以抱睡 抱到佢瞓著放返落床 就算只係半個鐘之前食完奶 佢喊醒都係會四圍搵奶 最後都一定要比linlin佢啜到訓著 奶咀係呃佢唔到 好多時食完奶一個鐘左右氹唔到佢瞓 就開始喊要比lin 除咗我行唔開做自己嘢 都好驚佢得太多奶會腸絞痛 有冇解決辦法？
1個讚
可能BB無安全感
好難教．問專業醫護．
呀b會吾會吾夠飽。試下開多小小比佢。如果開多半安都飲哂。就可以開多小小。睇下佢會吾會安静d.
如果再加奶都係喊,可能唔關肚餓事,係無安全感,可以試下比安撫巾,細細條紗巾都得,要有你D味,BB聞到會安心D~
有無試過佢大喊時用其它方法去settle佢？我個B大喊時我同佢玩下佢對腳好似踩單車咁再玩下手仔陪佢玩下 佢就會停 又或者順時針搓下肚仔 再唔停就打直抱通常都OK. 唔好比佢習慣一喊就比佢食 會好辛苦呢
我BB宜家兩個月多少少 早一個星期都成日無啦啦大喊 問過健康院會唔會腸絞痛 護士長話如果腸絞痛係你點抱點氹用咩方法都唔會停到佢喊 所以唔駛擔心一定分得出
奶瞓問題
同抱瞓問題一樣
阿B慣咗要啜媽媽奶頭先有安全感
解決佢就要將安全感轉移落另一樣度
- 安撫奶咀
- 包巾
- 安撫音樂
等等
我B係抱瞓問題，
1.5個月大時用咗1個月時，
幫佢將安全感轉移咗落包巾度
依家包住佢就自動波瞓覺，唔使再抱瞓
但你B未足月，可能會難d
始終好細個，好需要媽媽
可唔可以分享下點樣將抱訓轉移落包巾到？我個條依家3個半月都仲要抱訓
1個讚
我之前喺另一個post share過自己經驗
我bb係非常冇安全感嘅類型，好易紮醒，要抱瞓
由我仔1.5month開始試「睡眠訓練」
依家佢3.5month
我Google咗好多，睇咗好多媽咪分享先試
-
Cry it out / 即係由佢喊
總括嚟講對我bb唔work，佢係可以連續喊1個鐘唔收聲
呢個方法已經試咗2個星期，佢依然晚晚大喊多過30mins。
唔單止唔work，仲搞到佢日頭情緒更差，更冇安全感，更扭計 -
Ferber Method
我覺得呢個方法對我仔比較work
我同我仔試Ferber, time interval係5分鐘，then 10分鐘，then 15分鐘
一開始佢依舊係喊足1個鐘，但堅持咗兩個星期，通常喊20分鐘，(即係5分鐘喊完，我去安撫佢一陣，跟住離開，repeat 2次cycle左右）佢就會瞓著。
訓練咗一個月，放佢落床仔，
10次有8次自己扭幾下，啜吓奶咀就會瞓著，唔會喊。
呢個方法我只會夜晚用，緊記佢無論點喊，
你都唔可以抱起佢，要狠心d，只可以坐喺床邊安撫佢
我會輕輕拍佢心口，等佢知道媽咪唔係唔要佢，有安全感。
-
睡眠儀式
夜晚瞓長覺前最後一餐奶前會有固定嘅睡眠儀式
唱兒歌（固定個幾首歌），換片，著睡袋，熄燈，聽歌（同一首柔和純音樂，不停repeat），食奶，掃風，瞓覺。
睡眠儀式好重要，感覺似催眠bb一樣
令佢潛意識知道係時間瞓長覺了。 -
安撫物件
奶咀，包巾，睡袋，white noise，柔和音樂
呢4樣嘢都係我仔瞓覺必備。
朝早就唔用睡袋，用包巾包實，夜晚用睡袋，呢個純屬係安全問題，驚夜晚包巾鬆咗，我地又瞓著咗睇唔到
想瞓時就開white noise
食同玩嘅時候記得唔好開。
朝早柔和音樂同夜晚又唔一樣，費事佢會混淆咗。
我仔初生時好抗拒包巾，非常掙扎
我一開始冇同佢用包巾（依家回想覺得自己蠢咗）
用love to dream睡袋，可惜佢依然喺床郁手郁腳唔肯瞓
到佢兩個月大時我狠心用包巾包實佢，出奇地3分鐘自己瞓咗
自此佢日頭小睡我都包實佢，佢會喊
我都繼續用包巾，同佢鬥耐力
久而久之佢知道一包就係要瞓嘅時間
不過我都知佢唔包得幾耐
好快佢就識轉身，到時我會同佢轉睡袋
3個讚
我仔仔都係3.5月，佢自從未滿月果時俾婆婆抱住瞓左成日之後就唔再識得自己係床仔瞓，一定要人抱，如果唔係就會係咁喊兼谷到自己口鼻一齊噴奶，我驚佢濁親，抱下抱下就抱到依家啦
照顧bb真係一門好深嘅學問，多謝你嘅分享
我BB未滿月前都係用盡方法佢都唔肯瞓 包被包到實轉頭比佢踢甩 播任何音樂都無用 狂扭計 要喊一兩個鐘喊到攰先瞓 之後其實我唔係好記得我老公點樣無啦啦tune到宜家放上床一陣就瞓 因為老公負責夜晚氹佢瞓
但其中一樣我覺得有幫助既係買咗張六層紗防踢被比佢 你可以上網睇下 三百幾蚊背心款 比到安全感佢又點踢都唔甩
可以上網睇影片，試下BB按摩。
我個女到咗三四歲仍然冇辦法就咁放喺床到瞓. 一齊咩住瞓, 一係就啜着人奶瞓覺. 如果半夜醒咗佢會自己搵返個奶奶啜，瞓着咗之後就會自動甩口。如是者過咗三年幾直至佢自己話要戒奶。
有一段時間我個女瞓得唔好，我老婆上網睇到人哋做BB按摩，發現對我個女好有用。
咩牌子 我都要買 
多謝你分享 我都有試過唔抱喊緊既佢 唔識停 抱完收聲一放低又喊 仲要次次都比佢威脅到我 大喊到成個頭超紅兼失聲幾秒 好驚佢太激動窒息 所以拍睡同由得佢喊都係唔成功嘅
1個讚
我女依家滿月無耐
又係要抱訓同奶訓
唔肯訓自己床，包佢又喊
佢可以喊兩個鐘唔變聲
個個bb都唔同，但分享下試下