本人35歲, 年尾生bb, 由於高齡, 仲諗緊順產定開刀
有無過來人分享下, 選擇邊樣分娩好?
我有幾位朋友都年過40先至生第一胎, 怕痛既就揀開刀, 想體驗何為10級痛楚既就揀順產, 佢地生完都話係好痛但忍到, 有個仲勁到自己幫BB剪臍帶. 如果你怕痛就考慮開刀啦
我比你更高齡 打算開刀
我第1胎同你一樣大。不過2胎都係順產。果時都諗佐好耐。其實我聽朋友講。順同開刀都其實唔大分別啊。
我係高齡生B，嗰時又係諗左好耐，醫生話我決定唔到就順產啦
35歲生B,順產,靠笑氣都頂到陣痛,冇剪但爆左,復原得好快~落得床果陣已經唔係點痛~出院時已經健步如飛~(平時0運動 
)
3個讚
我順產⋯順產對bb 好d
我算好彩 陣痛唔係好耐就生得⋯疫情下我冇得聞笑氣 ⋯
生完好快可以落床
原本預產期係36歲
但阿女趕係我生日前出世
勉強35歲生左
原本諗住順產
復原會快些
但32週阿女未轉頭
所以公立已經約我38週番去開刀
點知到36週5公院產檢見到話長慢左
再提早37週開刀
我覺得可以順產就順產
其實有時唔係媽媽話到事
阿b自己都決定左要順產定開刀
我順產但用吸盤，陣痛時0止痛，落到產房用左陣笑氣，止唔到痛架但心理上感覺好啲。生完8個定9個鐘落床。傷口大，痛左一個月，要側瞓喺床食飯同餵奶。
1個讚
爆咗邊個位啊？
35唔算高齡啦
我37歲開刀 (之前有婦科病有需要), 但開刀前遇到個自然療法醫生, 開左3種supplements 比我, 復原得非常快, 好幸運
35歲順產，第一胎，過期居留兩日，要催生，無止痛，無笑氣(因為我係台灣生，根本無)陣痛加生，感恩bb錫住媽媽，4個鐘內完成。平時我有做開運動，同孕後期有飲幫助軟化子宮頸既花茶，唔肯定邊樣有關，但我自己係開到3.5cm前都無認真feel到宮縮痛，係落左催生先開始痛。不過孕期要keep住運動，身體健康d一定係最好既幫助。
媽媽想知先pm我，不過每個人體質唔一樣，唔肯定飲唔飲得。
2樣都試過，順產係生時痛，生完康復快過開刀。開刀頭2星期都唔敢大力郁
會陰
35歲想順產但最尾開得6度，緊急開刀。我覺得自己最醒就係搵到個肯接順產，開刀手勢又好嘅醫生 
我34第一胎36第二胎，兩胎都係順產！我覺可以順產就順產，因為生完一日已經可以落地！
我39順產, 其實真係幾痛, 仲要睇你有幾好彩痛幾耐… 我陣痛時不停諗點解我唔去開刀 
可唔可以而家開刀… 但而家諗返都係一個幾得意既經歷
利申 我唔算怕痛 , 如果好驚既都係開刀冇甘多野諗
開刀， 之前都1516， 點知個b勁大隻， 最後政府醫生都 suggest 開刀，但驚得制， 自己搵私家醫好生開刀生。
32歲第一胎, 35歲第二胎, 2次都係順產, 只用笑氣, 第一次爆左, 第二次完全無剪無爆, 所以第二胎康復得更快更好, 生完24小時內可以自己四圍走動
唔知樓主生左未呢? 願順順利利, 大細平安
我 快42、6 月edd，已經有個大女，所以都會係順產，除非最尾有特別安排要開刀