今年己經3十幾歲 仍然受到暗瘡暗粒既困擾 而且岩岩甩拖 更加決心要扮靚靚去迎接自己既新生活 試過無數咁多方法 中醫西醫FACIAL LASER去醫…效果都係唔好 與期咁樣浪費金錢落去(大大話話都浪費左廿年都醫唔好) 不如把心一橫直接食A酸 請問有冇同路人有經驗分享 同醫生可以介紹呀? 塊面一粒粒真係自信心低落 就算識倒心儀男士 都覺得自己爭D爭D咁/.\好想可以解決左佢可以斷尾
有冇試過戒糖?
同問, 有無戒糖? 另外奶類製品最好都戒
我都曾經受暗瘡困擾, 有食過A酸 (當時2x 歲), 有效在收油, 就無咁易出暗瘡. 但收油係全身, 所有皮膚都乾, 我自己覺得好辛苦. 而且會傷肝, 影響bb 等等, 所以要好小心
以我自己經驗, 暗瘡同飲食, 生活習慣好有關, 因為佢嘅位置反映左身體內在問題…
其實我覺得生暗瘡根本係天生整定 我唔好糖唔好奶 早訓 網上講既會影響生暗瘡既事幾乎介晒 都係會生
我好明樓主既心情 如果唔係想生仔 上年已經食左
連登有個post 係講食a酸 入面好多人分享
樓主可以去搵搵 個標題係‘若要暗瘡好 唔好信老母’
可以試下外用A酸先，對身體冇咁大負擔
有試過架.,.,但始終覺得成效唔算十分大…而自己本身又好甜…食完心情會好D,所以都係會照食…不過都盡量小食
我差不多食完
由頭3個月日日食10mg, 3個月隔日，到2個月食一周2粒，我覺得點解冇早d食，而家印都冇埋
我試過外用+煥膚obagi 都叫好過一年幾，但都唔平
當然好想生b 就唔好食，不過食低量又唔太擔心個肝
糖同奶都有試過唔掂…但覺得成效唔大…所以現在有時都會食…聽你地個個都咁講~我試下再唔食呢2樣野…但又想問下食完A酸暗瘡係咪真係可以斷到尾?其實我自己係爸爸成個家族都有嚴重暗瘡,以致我覺得都係遺傳因素比較大~飲食運動等等既幫助會較小,真係覺得絕望先好想試下食A酸
E~多謝你明白…咁你因為想生仔所以到現在都冇食到?不過生完仔都有機會荷爾蒙改變唔再生 祝福你快D同暗瘡BYE BYE~好呀~我上去睇下先~~個TOPIC名好抵死但又好正~
其實以前睇過好多次皮膚科醫生…食抗生素同埋有查外用A酸,但一停藥就冇用…食緊個時好好…咁死得啦~外用A酸感覺又係唔大~
我十年前都受暗瘡困擾, 我都試過食A酸, 食左皮膚係好好好靚架, 連毛孔都冇埋, 但都有副作用, 會影响肝臟, 食緊藥唔可以有BB, 同埋甩左好多好多頭髮
唔食一段時間, 我D暗瘡又黎番, 但冇之前咁多, 我又唔想再食A酸, 所以我決定試下唔食糖, 原來唔食糖的效果好好, 所以我建議你試下戒糖先.
之後我仲發覺自己一食花生就會有一兩粒暗瘡, 所以我而家連花生都唔食了…
點解佢地唔叫你食a酸？
我之前見過一個醫生 一開波就叫我食 我果時仲比埋錢買藥準備食 後尾諗諗吓睇過第二個 佢叫我逐步試下查藥 食抗生素先 無效先再諗食a酸 唔好一下子打大佬 始終副作用大
其實我由細都已經係會生暗瘡 兩年前爆得好勁 係因為果時有甲抗食藥（其實醫生都唔敢講係100%因為甲抗藥）不過我停藥之後就好返7成 所以醫生就話我未去副要食a酸既情度
係唔係真係得?如果食左有副作用咁點?
樓主都睇左好多個，都似要打大佬
副作用係肝同生bb 會有問題，所以必須要由醫生開
可以睇下台灣 輕鬆美膚 page, 講好多暗瘡嘅資料
1個讚
obagi我都聽人講過~係skin care黎既?要成set換哂自己做煥膚?定係係出面美容院做既?想生bb,但岩岩先甩拖…都急唔黎…好似攪好個樣緊要d,
聽落效果好好…可唔可以介紹下係睇邊個醫生同價錢貴唔貴??謝謝^^