我朋友99之前響淘寶度訂左部紫外線殺菌機返黎，話用黎殺肺炎病毒。佢99日日響屋企開成粒鐘話殺菌，又話無色無味，但次次開完我朋友都頭痛，仲要好大陣唔知乜味 
我朋友驚中毒叫佢99唔好再開，但佢99同姑仔堅持有效，話開完身心舒暢病痛都少D
有冇人用過類似咁既嘢？有冇後遺症？其實有冇研究話呢D咁既「紫外線殺菌機」係有效？或用咗真係會中毒？
就我朋友個case黎睇，部機似洗腦多過殺菌…
Ozone 味
K Kwong 講過ozone 有害
ozone臭氧又好似真係有人用黎消毒用…我諗係濃度唔同？
有冇jm用緊呢類機呀？有冇人用完都頭痛？真係唔好再用淘寶嘢喇。
呢的機開緊時要搬走寵物，人都要行去隔離房，熄機後要開門開 windows 通風一段時間。。。
唔可能日日開仲日日吸吧？會生 cancer…
首先唔知係邊類紫外線，唔搽防曬下皮膚曝露係紫外線下成個鐘。
咁樣照落去，未殺晒d菌之前，你哋患癌機會增加。
其實紫外線消毒聽親都係講細細部果D機，我朋友部消毒機有幾大我真係唔知。
不過佢講得出有味又頭痛應該都好嚴重下。
我唔會因為咁增加患癌機會架，因為我好耐冇上過去佢屋企 
無意得罪淘寶人士，但我真係想講人藍腦殘係真，竟然會淘埋D咁既所謂消毒用品…
呢啲係咪應該無人喺室內先至用㗎？
我自己都有用緊枝JDS紫外光消毒棒，係好方便，不過淘寶野就真係唔敢試
大陸panasonic松下有出
紫外線殺菌消毒不能直接照射皮膚，輕則曬傷，重則增加患癌風險。
也不能直接照射家居物品，許多家居電話產品若表面用布、塑膠、皮革之類、或噴油，會容易老化、表面碎裂剝落。
若有產生臭氧Ozone來消毒，人體吸入臭氧是對身體很大傷害的。
3個讚
正解
而且uv會令膠製品甩膠微粒，可以細到睇唔到
例如樽裝水都有膠微粒，但因為睇唔到，所以冇人理
1個讚
臭氧對人體的影響編輯
臭氧具有強烈的刺激性，吸入過量對人體健康有一定危害。它主要是刺激和損害深部呼吸道，並可損害中樞神經系統，對眼睛有輕度的刺激作用。
臭氧吸入體內後，能迅速轉化為活性很強的自由基-超氧基(O2-)，主要使不飽和脂肪酸氧化，從而造成細胞損傷。[4]
當大氣中臭氧濃度為0.1mg/m3時，可引起鼻和喉頭粘膜的刺激；臭氧濃度在0.1－0.2mg/m3時，引起哮喘發作，導致上呼吸道疾病惡化，同時刺激眼睛，使視覺敏感度和視力降低[來源請求]。臭氧濃度在2mg/m3以上可引起頭痛、胸痛、思維能力下降，嚴重時可導致肺氣腫和肺水腫。
此外，臭氧還會阻礙血液輸氧功能，造成組織缺氧；使甲狀腺功能受損、骨骼鈣化，還可引起潛在性的全身影響，如誘發淋巴細胞染色體畸變，損害某些酶的活性和產生溶血反應。臭氧超過一定濃度，除對人體有一定毒害外，對某些植物生長也有一定危害。臭氧還可以使橡膠製品變脆和產生裂紋。臭氧對人體也有致畸性，母親孕期接觸臭氧可導致新生兒瞼裂狹小發生率增多。[5]
1個讚
uv燈開既時侯唔可以有人或動物在場，會灼傷，會盲
1個讚
UVC 燈可以殺菌消毒係真，不過醫院用果啲係要關門、無人喺度時先著，同要調位。
1個讚
一開就頭痛一定有問題
我今日收工經過見到CSL有得用分補小小錢換紫外線消毒棒，好似幾好用
我一直有用紫外光殺菌，只在睡房用，照被同床。 部機30分鐘就會熄，之後會有臭氧味，開窗開風扇通下風就會好快無味。 你呢種我覺得好危險，無遮無檔，我個部只有一面開機會自動打開，後面是照唔到，同有人行過，會感應自動關燈。 記得一定唔可以照到人同動物架，你朋友可以係99開機/開機後開風扇吹下，開埋抽氣扇通風，睇下會唔會無咁頭痛。
我有fd用緊都話ok
昨天收工經過CXL 真係用少少分加錢可以三百幾蚊就換到,都幾好用