自從自己用布M巾，發現舒服過即棄M巾咁多之後
見到屋企D姪仔姨甥BB包片，就覺得佢地包足年幾24/7焗住好辛苦（尤其是識行，跑到全身汗嗰時，見到都覺得笠）
之後自己有小朋友的話都會想試下用布片
有無媽媽有經驗分享？
我都係因為自己用布M巾而去買尿布俾仔用! 
我未生果時已經買左唔少唔平既尿布, 但我老公去到仔4,5 個月先肯試下用。。。我老公一開始完全唔肯用, 話邊個有咁多時間洗屎布。。。 但之後佢發覺買尿片其實幾麻煩(我只專心餵奶湊仔, 買尿片係我老公負責), 然後就開始係屋企就用尿布，出街先用尿片, 咁樣先用到多啲尿布, 所以我覺得一定要有屋企人支好緊要。。。
我記得會係仔就快開大時加塊隔尿墊, 咁就易好多去清走啲便便, 同埋靚尿布可以當游水片咁用, 同仔去過好多次游水都用佢 唔使買多樣野!
環保尿布媽報到
由大女用到細女，其實唔麻煩，每條片用完就拎桶水浸住（有大大就沖左先），再每晚用手揸兩下然後掉落洗衣機洗
如果可以因到小朋友大大的時間，其實唔難處理（當然啦，遇著bb肚屙，一日4大，就真係洗片洗到懷疑人生了）
想請教下你係用開邊隻牌子嘅布尿片？
個殼用Charlie banana
個芯我嫌原裝太難乾，去一田買日本製的紗布尿布芯（Aeon都見過有，大約$200/10條）可以一晚就乾
我2個小朋友都係用尿布
都試過好幾隻牌子
強烈唔建議買魔術貼
用耐咗會hill起 刮損小朋友啲肉 & 無曬痴力
用啪鈕好啲
我兩個都係用布呀
不過瞓覺會用返紙