咁點解荃灣唔住呢？
稍有睇過下政府文件都會知道，屯門年年超過 3000 人升中。屯門勉強計埋馬記都係得 7 間 Band 1。7 間 Band 1 計埋曬公開+聯繫位，都係得 600 個位，計埋自行 900 個位都冇！一屆 band 1 都超過 1000 人，完全唔夠分。即係話有好多 band 1 生入唔到 band 1 中學。反而地區好似九龍城、灣仔咁，Band 1 學校多過 band 1 人數，所以唔少 Band 2 都可以入到 band 1。
中西區男仔都有呢個問題，揀完英皇就唔知有乜揀，有一半 band 1 男仔係入唔到 band 1 而入聖類斯。新界除左沙田之外，荃灣、大埔、北區、元朗、西貢、離島都係 band 1 學額嚴重唔夠分嘅問題，反而港島九龍冇呢啲問題。呢個亦係點解咁多小朋友早出門跨區都要讀某學校，因為有直屬中學、校網好。
我頭先未寫完
我本身以港島為活動中心，由荃灣去金鐘地鐵唔轉車都一定要起碼40分鐘，仲未計轉去銅鑼灣/灣仔。如個係中環轉東涌線就快5-10分鐘車，但我覺得中環站行去東涌線個段距離令人索氣
，再加上疫情下東涌線疏左成10分鐘先一班，同埋我自己唔鐘意荃灣地鐵站一帶既環境。
我自己鐘意海同靜，買樓時其實有諗過住馬灣，但我住馬灣我估要以青衣為活動中心點，我自己唔太鐘意青衣城，所以就無考慮了。至於愉景灣就好多人都明白，食肆選擇太少，同太外國style 迫你買貴食貴，船班次去到非繁忙時段好疏落，唔太啱我呢啲失驚無神想去行街既人。
其實港島有好多靜中帶旺既地方，無大家想像中咁貴，有山有海（當然間屋望到海景就另一回事，一定貴）。同如果你perfer 交通方便，住過港島一定返唔到轉頭。
1個讚
意思係指屯門區band 1學位比band 1 學生少。
多謝你解釋得咁詳細，長知識
原來係咁
如果真係住荃灣去港島，其實可以搭巴士，應該會快好多。
我係新界人，深信樓主唔係呢個意思
唔洗咁易就攻擊人嘅
就變左去返屯門馬𩣑山問題，係沙塵滾滾烈日當空既馬路下，企10-15分鐘等巴士
住九龍囉, 港島太貴啦, 連電費都貴過人~ 其實都幾多盤可以睇, 新有gogo山, campton, 新新地有downtown X8
PY係幾靚仔嘅, 不過惹蚊嘅人就諗都唔好諗, 之前我個friend陪我睇樓, 被D細細粒嘅野咬到一身都係, 最後搞到要睇醫生…
KOKO好似係少有sell綠化嘅市區盤, 當然又會貴D~ 睇BUDGET做人啦, 反正e家新界都唔算好平
咁呢個事實嚟，我都住過中半山
中半山舖頭種類好少，超市， 洗衣店，地產舖為主， 餐廳都少， 要去soho先多啲選擇， 但每日食都好貴，宵夜更加冇
哈哈但好浪漫，可能我睇得壹號皇庭多(後生JM唔識)，仲有王家衛啲電影，覺得嗰頭啲街燈都浪漫有情調過人，如果有機會住啲舊樓都好開心
又係發夢
市區樓要睇邊一區邊啲屋宛，住新界就一定住市中心，返工返學時間耐啲外，生活所需分分鐘方便過住市區。
我揀新界嘅市區樓
我成長係九龍唐二樓，要長期落廉嗰隻，成長時期唔覺有咩問題。結婚後跟夫家搬入新界，買咗海景兩房，先知道屋企個view原來可以好舒服
2個讚
細個住市區 鼻敏感得好犀利 人又多
宜家住新界 覺得好寧靜好舒服 唔洗下下迫