有冇人盆骨細順利生到b唔洗開刀？
我諗你所指嘅大細係同BB做嘅對比，視乎你個B幾大隻，我阿媽第一胎生我開刀，第二胎生妹順產。醫生話我個頭太大唔夠位生我，但又夠位生妹妹，咁我阿媽叫盆骨大定細？ 
其實無話細定大，定係醫生直接話你係盤骨細？
我係瘦底，但都生得好順利，而bb都7磅幾，唔算細粒
所以其實都係睇醫生決定，如果佢話你唔適合順產就唔好順喇
無話呀 不過我本身細粒得15x 骨架細 瘦底
我都好細粒，只有150高，大仔都順產，但偏輕5磅幾，頭圍細少少，今胎頭圍比正常週數大一至兩週，我仲問醫生會唔會好難生架，我好驚，佢話唔會，唔知佢氹我定點，可能我而家得22週咁早未能作準掛
生過一胎，宮頸開得快好多，就算真係順產唔到，都可以吸到出黎。
咁我諗今胎一定痛過第一胎了
生第一胎時都痛到癲
但過程快好多，由作動到生，幾個鐘就搞掂。
而且順產復原快好多，如非必要都唔會揀開工啦。
1個讚
其實生唔生到睇幾樣野，盆骨size只係其中一樣，仲要睇盆骨形狀，bb size，胎位，仲有心理因素都影響生唔生到。
1個讚
我都係瘦底，陀B前155cm 40kg，上一胎8個月醫生話阿B已經7磅幾，叫我忍口，唔係要開刀。最後忍口兩個月，順利順產，BB足月出世3.5kg 
2個讚