我有小朋友喺青衣讀緊k2 ，婆婆住青衣湊佢，嚟緊買樓主要睇青衣，都有諗過𤤿麗，因為睇過樓幾鍾意。
但唯一克服唔到係交通問題同小朋友升小驚唔方便，請問有冇真實用家喺到可以解答吓？
–返工時間，黃巴出青衣/荃灣密唔密？係咪會好似迫沙甸魚咁辛苦？
–我老公金鐘返工，可以搭船，agent 話可以用apps 知班船幾時到，想問實際上係咪真係咁準時？
–島外校巴係咪唔可以入𤤿麗灣？
謝。
環境好，但交通真係好大問題，我有朋友住過，一打風就返唔到去，唔知而家有無改善
1個讚
出青衣班次係ok密，荃灣因為條線係村委既前排星期六日試過荃灣西同荃灣線合拼做一班！平日有譚凱邦議員事事親力親為，十分出力！
小學如果可以可讀返島上小學，據聞為名校。好多荃灣區人都入黎返！
島上居民大都為深黃，守望相助！我返中環我老公返金鐘朝早坐船無問題！就算壞船珀客會用車代船。
唯一係島上食物選擇不多，居民大多習慣外區買入黎⋯
我之前都睇左好耐, D用料同開則真係唔錯, 問題真係交通… 返中環就正
買餸選擇會比較少，不過依家有得網購送貨應該會好d
巴士係咪加左價？
適合養狗嗎？之前睇過d comment 話有d 居民唔鍾意狗，但新地樓應該可以養狗。
我住左一年，我自己都有養狗⋯so far無人係街憎我隻狗⋯大家都好習慣一落樓周街係狗，9成既人都好自律會上繩⋯當然總有害群之馬大狗唔上繩然後咬到細狗！但果一兩隻係出名，大家離遠見到都會抱起自己隻狗！
我舊屋都係可以養狗，耐唔時會出入lift總有啲無知人士會嚇到好驚⋯你住得呢度係知可明目張膽養狗，如果你驚根本唔應該住呢度⋯珀麗灣我帶狗落街無呢個問題
荃灣線係好似加過⋯不過我覺得住呢度你層樓有質素得黎人又有質素⋯你叫我住屯門，元朗，天水圍，沙田果啲新界我唔會住囉！我樓價平左，但係鄰里有質素同埋就算出入要call的士⋯我都覺得係ok!出中環都係半個鐘，如果真係要搭黨鐵都係3幾個字！
但要留意如果係尾站（方舟站）難上車，就算上到都好大機會無位坐！