我個b已經3個月了，我係要用包被包住先訓得好，驚跳仍然好明顯，但問題係佢又唔鍾意俾人包住雙手，成日訓訓下都整散，或者包果陣炆憎，有時見張包被會俾佢整到掩住口鼻，所以安全起見呢幾日就轉左用睡袋，但日頭訓幾個字就醒，雙手成日嚇到彈起，夜晚又成日醒，想請教大家有咩方法戒包被？
佢喺你肚入面住咗咁耐, 頭幾個月係會唔慣架, 需要安全感, 所以包會好啲. 但好似我仔嗰時都唔中意包實, 我就用睡袋. 或者你可以試吓用成人絲襪, 有啲包住感覺但又唔係箍緊. 另外可以試吓用隻襪袋住少少米責下. 少少好啦, 攞個感覺, 但唔好令佢抖唔到氣
我仔係敏感型bb 好易有驚跳反射
唔包唔瞓，依家3個月仲包緊
日頭用包巾，因鬆咗就有人睇到，唔怕佢窒息。
夜晚用有魔術貼包實嘅睡袋，可以包埋雙手
我用緊Halo，中碼可以用到6個月
So far阿仔對手未試過飛出嚟
夜晚我好安心瞓，唔怕會鬆。
之前用過love to dream嘅投降式睡袋
都係瞓得唔冧
冇諗住特別同佢戒，佢係要包到實一實先瞓
我覺得冇必要咁快逼佢戒
大大下自然就會冇咗驚跳反射
1個讚
我以前有試過兩邊放攬枕等佢多啲安全感
半夜見佢扎醒我會用手輕拍佢心口
我覺得唔需要戒。
我兩個最少包到6個月。我覺得halo好方便。
或者在護協買張大紗巾，專門做包被，我大小小就咁圍住佢地心口，唔包手，佢地都有安全感。
當你發覺佢地大隻左，瞓醒起床，個樣越來越fei, 好自由奔放，件包被fei開變成被，瞓覺無ei聲，就自己脫離包被啦！
加油
，媽媽！
1個讚