BB兩星期大 平均個幾兩個鐘醒一次 埋身食奶 明明食到合埋眼吐lin頭 轉個頭掃風又醒又喊要再啜 之後又會啜到合眼吐lin 一放低好快又喊過 如是者三四次 可以玩足三四個鐘都未瞓到 食奶粉好啲 可以食到4-5安 掃風都唔醒 但係我好想繼續俾人奶佢食 至少食到滿月 但係又唔想重複搞到三四個鐘先訓 見佢其實埋身啜都係好輕力 唔係食奶 只係求啜 俾唔俾奶嘴佢好 我真係好攰 三四個鐘都唔訓 個幾鐘就醒 坐月都完全無得抖 
1個讚
我有俾！佢瞓我又瞓，大家舒服。
如b肯食 俾奶嘴我覺得係可以
講真係戒奶嘴易過戒食手指
我囝到而家3歲都夜晚訓覺都要啜手指
但兩星期大既話 係咪猛長期啊？
兩星期大飲成4至5安 甘太多啦
我囝去到2個半月先飲到4安
定矩由出世到而家都甘樣食奶？
平日既濕片夠嗎？
如果埋埋下身就訓 要搞醒矩
要持續有效既吸啜15分鐘
我冇
我有
因為我寧願佢食奶咀好過食手指
不過我滿左月先俾奶咀佢安撫情緒
我有比，但只係訓覺先比，等佢訓着就扯走奶咀。
2個讚
我個女唔食奶嘴，買咗比佢試，次次都吐番出嚟，所以我女無食過奶嘴。如果BB唔抗拒，你可以比佢食。
我大細都有俾。大果個講野仲好清楚的。
我覺得安全感緊要啲。
你個情況係似佢食奶食得唔夠?我自己都全人奶的。你會唔會叫健康院睇下你埋身姿勢岩唔岩。我大細開頭埋身都唔叻。所以我有補自己泵既奶俾佢。
不過我很佩服不用奶咀既媽媽。超有耐性。
贊成比B食奶咀!你坐月要好好休息呀！你想餵人奶可以泵定出黎，唔好比佢當你係奶咀