我仔仔6m，加咗固一個月，而因為加固後食少咗奶，但我返工又日日照泵足 (朝早 夜晚同weekend都全埋身)，而家雪櫃愈積愈多奶 根本食唔哂…但我又驚我泵少d嘅話 就會開始收奶，咁朝早夜晚埋身佢會唔夠食…其實會唔會架？有冇人奶媽媽可以分享吓 bb開始愈食愈少奶時候 應該點??
聽過用奶整番梘
你可以泵少啲個量。或者越泵越疏。
我自己係會跟返星期六。日個schedule咁泵再泵多少少。因為始終埋身會食多啲。
我會照泵咁多。之前送俾其他濕疹bb沖涼用。
都贊成整soap bar自己用
我諗可以睇吓你長遠想餵幾耐, 同想唔想多返啲私人時間
我以前習慣早晚埋身, 其餘時間泵. 6個月前每日5-6次, 每次隔4-5個鐘. 6個月加固後變4次, 每6個鐘一次, 一直維持到想收. 由4次變3奶量明顯減少. 所以每日如果4次或以上相信影響唔大
減泵同時最好食lecithin 或飲通草之類防止自己塞
以上係我同midwife 朋友詳談嘅分享
我自己餵到13個月完全停
另外整番梘只係需要好少, 幾百ml 有1kg. 我自己唔捨得咁辛苦得黎嘅就咁用黎沖涼 (唔係富媽)
減泵後 係咪好快就會愈嚟愈少奶架?
呀b而家一日5餐，有3餐淨食奶，2餐先固後補奶，我就係驚減泵後 嗰3餐全奶 埋身時會唔夠佢食
不過當然我都有d想減泵 因為懶
泵咁多佢又食唔哂…
整soap bar都係好提議
等我上網研究吓先
1個讚
多謝哂你嘅意見
其實我都冇定話想餵到幾時架…之前set 6個月做目標 都總算達成咗…而家都係諗住有就繼續餵咁咋 不過見佢開始食唔哂 就好自然想偷懶 減吓泵…咁你嗰陣泵少咗次數之後 早晚埋身有冇覺得呀b唔夠食架呢？
頭3-4個月之後, 我仔都係埋5-10分鐘, 一定唔夠, 所以我都係當親子, 因為中意個好親密嘅感覺… 佢主要都係食奶樽. 而我就習慣埋身之後再即刻泵, 所以5/6 變4係有少啲, 但都應付到.
其實製造幾多人奶都係因應bb食量架嘛, 你可以試下儲起啲然後試下減一次泵睇下會點? 每6個鐘一次真係無咁困身
1個讚
認同嗰種親密感覺真係好正
好啦 可能我都試吓減一泵先…其實我不嬲都唔係泵得多架喇，只係朝早埋完身會泵清，同埋返工時間泵兩次，其餘都係埋身 而唔會再泵清…可能試吓返工泵少次先~
加油! 唔好太介意量, 人奶係quality > quantity, 有飲都有抗體架啦
我其實從出世醫院開始就有補奶粉 (~1餐), 可能因為咁, 反而無壓力追奶, 比到幾多就幾多, 放鬆心情. 我個人覺得人奶雖然係好, 但如果因為人奶而唔開心, bb 其實都可以感受到… 大家關係開心最最緊要
共勉~
1個讚
其實我都冇比好大壓力自己架喇~ 餵咗半年 我已經好收貨架喇
而家除咗依然enjoy埋身感覺，仲有好大原因係覺得好方便 諗起一要餵佢又要走去開奶粉又要洗奶樽就覺得好麻煩…加上佢有時食樽會食到好扭計…埋身就好乖…餵咗半年人奶 而家其實唔覺得好辛苦…係困身少少
同埋唔鍾意泵…
我都超級唔中意泵
對住個機器, 又少左可以親子時間, 所以我當時目標係12-13個月, 等佢打埋1歲針就收工
如果俾我。我一係1餐泵到夠2餐就可減一泵。如果唔係。就係keep住泵2餐。但泵比佢要食既多啲啲就算。
bb埋身啜大力好多。放心吧
無錯呀 真係好唔鍾意泵…不過要返工都冇辦法…你餵到一年已經好叻
我都希望可以堅持到一年~ 之後比鮮奶佢飲算數
其實我從來泵一次都唔夠佢一餐 未加固前 我係朝早泵清1次+返工泵兩次 先夠佢食兩餐…係加固後先有多d剩咋 咁係咪唔應該減泵住
睇多幾咋。如果其實只係少少。又真係唔太值得搏。
但如果多成餐即6。7安。咁你搏下都好啊。其實1歲都可以2餐固。都唔係捱好耐
我其實好想用奶整人奶錬（淘寶有）。不過我最後壞雪櫃啲冰奶都冇埋。而家仔只埋身。所以都係冇得整來留念。睇下自己下唔下決定再泵一次。。。。。
都唔係多好多架咋…可能儲3,4日會多咗一餐 放入冰格咁囉…而冰格d奶好似永遠都唔會食到咁…
雪櫃壞咗咁慘 雖然食唔哂 但都係心血嚟 如果真係好想整梘 都值得特登泵返一兩次丫! 上網search過吓 要自己整都幾煩 可能都係比錢搵人整算…
冰格啲奶我都冇乜食。但如果你3。4日先多一餐。咁都唔係富戶。直得keep住泵啊。
絕對唔係富户架! 從來都係緊緊夠佢食 所以係加咗固先有多咋…
冰格d奶真係好阻訂 而家唔出得街 屋企要屯積好多凍肉架嘛 搞到都唔夠位擺