好緊張，第一胎無經驗，有d咩係走佬袋必備？
Aeon會有走佬袋賣，通常m巾會唔夠再買
帶奶pump，唔識埋身餵可試pump出黎餵。
產婦衛生巾，我記得我預唔夠最後要老公去買。
帶個鎖仔，可以鎖起貴重野。
X田或hkxmall有現成走佬袋買，我會自己額外再買包M巾，驚唔夠用
如果去公立生，要帶多啲bb濕紙巾
我覺得m巾係必須
想方便既可以買預備好既方便袋
如果唔係 就suggest ＊必備
＊洗傷口樽
＊床墊
＊網褲＋孕婦M巾
或者可以用安心褲 我自己響醫院就用孕婦M巾番到屋企貪方便就用安心褲 到少流量就換即棄內褲＋夜用M巾 貪佢一次過掉 唔駛煩
＊暖壼 最好準備埋炒米茶 上奶
＊BB濕紙巾
＊消毒濕紙巾 自己用
＊盒紙 方便用
＊拖鞋
＊充電器 醫院插頭只可以偷用
＊Newborn BB尿片
＊Locker鎖
另外 出院衣物同BB出院衫可以分第二個袋叫屋企人生完先拎黎
＊自己出院衫 最好長褲或長裙遮膝頭
＊BB出院衫
＊薄包被
帽仔，手腳套呢個天氣就唔係必需 有包被都足夠
乾糧 如果用好長時間生 仲要係夜晚派哂飯真係會好餓 同埋醫院餐飯……如果無屋企人送飯真係唔掂
乳墊/ 餵哺胸圍 個人覺得唔係必需 你響醫院都未必會戴bra…因為長期留響自己床 而且仲未上奶到會漏 除非你真係好勁或者留院耐 穩陣帶10個8個墊都夠
Dry Shampoo 我自己有用 因為生完成頭汗又唔洗得頭唔想佢痕同臭
4個讚
而家記得袋埋口罩 消毒品
散銀，身份證，尿片，餵奶胸圍
床墊唔係間間醫院都要自備，可以睇返醫院張備忘
日用m巾 =>我唯一帶漏的東西(催生塞藥姑娘要我用)，其他上網搵list跟住執就ok。
獨立包裝蛋糕/乾糧=>最慶幸自己有帶的東西，生咗十幾個鍾無食過野無飲過水，2am返產後房即刻食咗1件。
你個list好詳盡。我第2胎用安睡褲超好用。
今胎我個小朋友低溫入佐兒科病房。所以我準備定佐泵係醫院入面用（不過都係佢出佐世之後）
帶食物都緊要。真係要用力生。所以有野落肚都重要。
其實入院或者去旅行我比較鍾意用無帶嘅白飯魚代替拖鞋
因為佢冇咁滑 又唔怕凍
而且唔小心踢到腳趾都唔怕
如果媽媽要著襪嘅 白飯魚仲會比著拖鞋靚
如果出院唔記得帶鞋或者帶錯鞋都唔會太唔舒服或奇怪