BB已快9個月
5,6個月前我係抱到佢訓先放BB床,
後期有一小段日子佢可以自己訓(但要我陪,至少唔駛抱)
但至從佢出牙好扭計+識扶企, 成日半夜訓訓下企起身要抱, 我自己又好眼訓就抱左上大人床一齊訓
而家每晚佢lur到1點幾2點先訓… 其實佢10,11點已經打晒喊露捽眼, 放佢落BB床陪佢,佢就企係身狂搖張床(醒晒咁), 我行開佢又爆喊
咁抱佢上大人床哄佢訓,佢又四圍爬 周圍拎野 唔願訓…
佢尋晚2am訓, 今朝7點幾起身…
爸媽們有無咩方法可以訓練佢自已入睡
係咪訓太多晏教？
自己入睡我諗難啲！唔洗抱已經好好！
有冇試吓講故事、唱歌仔？
試吓你氹下公仔訓（做樣佢睇）睇下佢咩反應
我記得我B有段時間都唔識自己瞓，咁啱個時有個音樂BEARBEAR，就放音樂佢聽。
如果無音樂公仔可以係YOUTUBE都搵。
同埋有時ＢＢ唔瞓，會唔會係餓？
如果你要佢自己瞓，要好有決心，預左佢開頭會喊一段時間，我從來唔會氹我啲小朋友瞓，從小就定時定候同佢擦左牙就放佢入房，熄燈，閂埋房門由佢自己瞓，開頭你預左佢一定會扭計，有時好長氣，會喊個幾兩個鐘，你唔放心可以間中入房望下佢，同佢講要自己瞓覺喇，然後就出返房等佢自己瞓，扭扭下佢知你唔會再氹佢，慢慢每日就會扭嘅時間越來越短，然後就慢慢唔會再扭計，你到時到候放佢入房就會自己瞓，不過，唔係個個父母都做得到，因為真係要狠心要忍得到佢每晚上床都喊，仲會持續個幾兩個星期甚至再耐少少，但之後你就會輕鬆好多
1個讚
同埋唔好抱佢去大人床瞓，要佢習慣自己喺BB床瞓，如果唔係佢黐慣左更加難自己瞓
1） 平時會播訓覺音樂，同佢大人床一齊訓底，傾陣計同佢唱訓覺歌，期間bb唔準起身，（如果起身就即刻放落床熄燈走人
），10-15分鐘左右，見佢差唔多訓著，跟住就放佢落返bb床
2） 另外，如放落床後，有時間中我會係訓床側邊陪佢，等佢訓著先出返黎。 如佢未訓，想爬出黎，我會警告「唔準出，訓覺」，如佢唔聽，我就用「飯殼」打佢隻腳仔（
適當力度，痛得來唔好太大力）。d bb 好醒，見你認真，真係會罰， 試過2-3次就唔敢再爬
等佢係床入面自行收聲訓著。
3）我阿仔會食奶咀，攞公仔陪訓。 你都可以搵d佢鍾意既野陪訓。
有無包住佢訓？？
佢一日訓2~3個晏教
, 通常食完野2hrs後就訓一陣, 多數訓30mins~1.5hrs,
有時唔比佢訓 ,佢就會好扭計係到喊,
典到要食下餐時 佢就頂唔順訓著
我有時過播歌(電話), 佢一見我電話有聲，佢就成個企起身想拎咁
我都有諗過佢係咪餓,
因為佢成日係 比如9pm食最後奶 (我心預佢11~12點訓)
點知佢就典到1點幾 (隔左4hrs), 但佢當時又開始想恰下恰下咁, 搞到我都唔知好唔好隊多枝奶比佢
嗚啊
我就係做衰左開頭…而家想搣甩去
我都試過由佢喊唔理佢 但佢真係好長氣…喊到扯晒蝦咁 (心軟
)
1: 我都有試過比佢係大人床典到訓, 但佢都係要典到1~2am
我一放大人床,佢就好似發現新大陸咁周圍搞,
佢一搞我放返bb床又喊…
2: 咁你罰佢個陣有無喊？我有時打佢手板 佢係到笑…以為我同佢玩咁, 我個樣惡d 大聲少少,佢又爆喊要蝦抱…
3: 我都有比奶咀, 我就佢"訓低"先比, 佢唔訓,要企係身我就搣走, 但佢就走去食床欄
公仔我都有比, 佢會捉住係咁fing
佢訓教反而成日捉實個床欄, 我比公仔佢攬佢fing開
佢2~3個月個陣已經唔比我包
而家連蓋張毛巾仔係身,佢都即刻抆開(但明明訓左)
好似而家咁
佢想訓, 我抱佢佢都半開眼反下白眼咁
我一放左落BB床(即ma大眼)
塞奶咀, 拍下佢咁 (維持左10-15mins左右)
佢突然成個大字形轉身, 醒晒咁望住你
跟住就自己坐係到企係身
1）我唔會比佢係大人床咁耐，比盡30分鐘，正常唔準佢起身（起身就罰），唱10-15分鐘訓覺歌，然後自己扮訓唔理佢，佢見冇野玩就會訓。
如果唔訓，都照放落床，落床佢唔訓，佢係度玩都唔理佢，總知唔准出床。放落床，喊都唔出奇，你同佢講：「訓覺啦，唔準出來啦！安靜訓覺」，跟住唔好理佢，由他喊或自己在床玩。
2）罰佢給打屁/大脾會喊架，如佢唔喊，即你唔夠大力啦
3） 我通常佢訓着我先扯走奶咀
佢鍾意捉實床欄訓，便由他吧，安全便可。 各b喜惡不同。
正常，所以我話我嘅做法未必好多父母會忍心
但train好左之後你就會舒服好多。同埋Bb其實識睇大人眉頭眼額架，知你會心軟，佢就會食住你，所以有時都要拿捏一下，佢喊由佢喊一陣俾佢知要自己瞓，喊得太耐都要安撫下佢，佢停左喊就同佢講要自己瞓然後再放返落床仔，佢地其實明架，同埋越早train越容易甩身
講得好！其實個標題應該改：有咩方法令D父母唔好再搞住個B，等佢地可以自己訓覺.