我囝學校講到明唔洗心急老師同姨姨都會幫手。
咁我其實係咪完全唔教,等K1老師教?.. 我好鬼懶 
咁要睇下學校點，有啲學校係要求戒左先好返學
我當初都係等學校攪，到咁上下老師話可以試下唔著片，但佢堅持放左學返屋企要著返片
，不過都好快就戒左日片，夜片仲未戒。
我個4歲半仔.夜晚未戒到片瞓
係啦,如果學校肯教.我唔使煩…最怕學校要求我地儘快幫佢戒片,好大壓力,我又唔識教…
宜家已經擔心緊佢K1返全日點算…要係學校瞓覺
可以同學校傾下，我interview嘅時候問定，因為知道有啲學校要戒左片先比返。
要戒左片先比返,咁驚…一日戒唔到咪無得返 
識去廁所，但都會瀨尿，解決唔到
又唔係真係唔比入學校嘅，係我錯，誇張左。不果時簡介會已經講到明希望家長開學前戒左片先。
我個仔都係咁啊, 好難攪…
遲D返N班都唔知點算 
女仔嘅話可以同佢一齊去揀底褲仔同potty開始。
揀佢鐘意嘅公仔undies, 佢會好想著，同佢講著咗就冇得著片喇，佢就會有動力戒片好多。
Potty又係，當時同我囡一齊揀咗佢鐘意嘅粉紅色，放喺當眼佢又易去（唔駛大人幫就去到嘅位）得閒又問下佢有冇vv，叫佢坐下，一痾到就狂讚，慢慢佢會自己坐上去。
重點係一定一定唔可以喺佢忍唔住痾咗時就話佢，要若無其事咁。我二女嗰時試過忍唔住話佢掛住玩唔記得去，結果佢連最愛嘅elsa undie都唔肯再著。好彩亡羊補車tum得切 
走埋一邊係冇問題，可能係覺得醜，好多人都會不經意喺小朋友大小便放屁嘅時話：咦，好嗅，好醜怪。小朋友就會覺得係醜事唔想比人見到。
佢痾完之後狂讚佢，幾次之後，加一句如果下次喺廁所痾就仲叻！
唔去廁所，痰罐仔得唔得？？
平時我同我女沖涼,佢想柯VV就會用手按住下面表情好怪…我問佢係咪想柯VV佢又唔答,或者答無…我會留意住,見到佢柯即刻讚佢好叻叻
但有次我發現爸爸同佢沖涼,又係一樣…我女柯左VV…爸爸問佢係咪柯VV…我女答左無…爸爸即刻話…你柯左又講大話無…唔得咁架…之類…
女沖完涼…爸爸出黎我即刻話佢…咁樣個女以為柯VV係唔岩…下次又淨雞雞先柯架啦 
我地比書佢睇，教佢「大個小朋友會唔著片架，都可以架」
除之前同佢打哂底，比佢放心先除，無夾硬嚟
結果佢又無乜嘢
x2, 最近先戒左夜奶, 而家一個星期都會痾濕條片2次 
其實要吾要訓訓下叫醒佢痾尿? 但我自己又訓到死豬甘,
多謝大家意見，互勉之
唔駛急，順期自然就OK，到BB準備好就自然介到片，未介到就係未準備好
我仔都係三歲半先介到片，係佢自己話唔駛再用片，於是就介左
1個讚