黎緊讀K1
仲係好抗拒戒片
好頭癢點搞好 
有…………
返N班嗰時都好啲～
而家🤦婆婆湊都冇計
唔要求得咁多
叫親佢坐廁所仔都唔肯
搵唔搵到咩原因令佢抗拒？ 
唔知呀，佢好似次次大便都好驚人發現
又會走埋一邊又唔肯認
試過叫佢去廁所自己屙，佢又唔肯
好多都係臨返學或者返咗學就即刻戒到架喇。屋企唔好俾小朋友着片，可能頭頭會有一兩次失手瀨咗，不過之後就會學識架喇
1個讚
小朋友上K1,學校會教（上堂除片，帶去厠所，互動互學），姨甥女未足3歲上K1 ,2星期搞掂日片，3星期後自動戒埋夜片。從未失手。唔好咁擔心，小朋友會感染你的壓力，拖長咗時間學習呀。
慢慢嚟，呢啲迫唔嚟、我小朋友N班時學校要求唔要片返學，到K1佢自己話著片瞓好熱先同佢開始戒夜片
返學之後，有規律就好快戒到架啦放心
慢慢唔急啦
K1都有唔小著片
近排熱咗可以慢慢學
最緊要讚下佢
同定時問佢急唔急
自自然然好快
讀緊 k1都仲未完全戒到片,半戒片狀態咋
我小朋友都係3歲未戒片，唔肯去罐罐又唔想去馬桶，又唔迫得佢所以都係順其自然
大仔3歲半仍未戒夜片
上K1 老師同啲阿姐會幫佢戒，放心
我係幼稚園老師，個人意見，比佢係屋企著底褲，如果佢瀨左唔好鬧佢或表現出唔耐煩，比耐性請佢下次想痾嘅時候要自己去，如果成功一定要讚佢 
小朋友戒片要好有耐性同心機，同埋幼稚園如果讀半日班其實老師未必幫到太多，家長都要自己努力 
5個讚
就黎4歲都未戒到，佢話要自己決定，叫我唔好逼佢(好有自己意見+固執)
我都唔知點幫佢戒
我仔幼稚園前下晝唔用片，當然實會有忍唔住嘅時候，要成日問住佢，一唔問佢佢掛住玩就賴，如果自己識自動去就大大力浮誇地讚，但係夜片真係去到d片無佢碼先格硬戒，初初兩三點左右抱佢去廁所，之後無食臨瞓嗰餐奶後好似就唔駛再半夜去廁所，當然間唔中一兩晚都係會賴一次半次
我細仔就黎4歲都未戒，佢明明知幾時要去同識去，但死都要屙係片
我大仔果時都係差唔多，戒左成年都戒唔到，係放棄唔戒之後突然無啦啦自己戒左
唔好擔心同埋要相信個小朋友
我兩個仔都成三歳半先戎到，我呢就承受好多壓力，身邊嘅人會話，其他人一早戒咗啦
當我有呢個壓力時，會記得有人話過，呢個世界冇人會因為遲戒而成世用尿片架嘛，冇需要擔心
尤其係男仔會遲D，大便去屎片，有安全感D
當佢哋ready 時就會自然發生
2歲8個月 唔成功 戒唔到片 K 1 唔比返學 依家好驚