呀仔兩個月大
同佢埋身左大半個月，初初開始果時會俾佢啜20mins先再換邊，但呢幾日佢每邊啜左十分鐘左右就喊，我手擠幾下之後就無奶出，所以我估佢應該無奶食所以喊⋯
咁我係咪應該俾佢繼續啜還是由佢每邊啜完就算呢？
PS. 我係埋身加奶粉，有泵清
你係每餐佢啜完你再補奶粉? 個胸bb啜完有無“林”曬?
我都係人奶媽媽，其實只要佢肯啜就會有奶，如果你補左奶粉，唔再啜，就唔會再製造多d奶。
因為bb可能需求大左，你都要比佢知道要製造多d奶。
試下食飽d,飲多d湯水，慢慢黎。加油！
個胸啜完有林左架
佢之前肯啜都keep到15-20mins 每邊，但而家啜到咁上下，8-10分鐘左右就開始大喊發脾氣咁，要博鬥先可以再擺返入口，但係擺返入口又再忟憎過，所以我都係佢啜完未夠15mins就換邊，如果唔係就喊爆收唔到聲
唔補粉既話唔得呀⋯⋯
每邊啜完20mins咁計，放低佢唔夠半個鐘倒就喊食，佢根本都訓唔到
原先已經係窮媽媽，諗住埋身有機會可以追下奶，俾多啲奶bb，但而家咁樣真係好想放棄
媽媽，我明白，我都經歷過，加油呀，再慢慢黎，餵下餵下又多一個月架啦。
你休息夠唔夠呀?都會影響奶量。仲有食多d自己鍾意既野，食多d有機會上奶既野。
半夜有無試過power pumping?
你有無join fb 人奶媽媽group?有多d媽媽可以比到意見你。
我就未至於超窮媽
因為未滿月時要追退黃
所以搞到要大半泵奶出黎
因為入樽我先見到佢食到幾多
咁先安心
家上自己唔係ftm
都要諗下點追奶泵夠佢盡量食到6個月大
下個月尾就番工
我都苦惱緊點可以追多少少
今個月我日頭好乖
每3小時就泵一次
通常都泵到80-100ml，朝早我就泵到200左右
但我真心要瞓
做唔到凌晨起身泵
同我覺得自己係唔清醒情況下
泵得唔理想
雖然好多都話凌晨刺激泌奶最好
但我真係鐘意瞓覺多少少
咁家下阿女（就快3個月大，但係細碼b）一餐食4.5-5安
4個鐘左右一餐
都勉強追到佢2-3日先補一餐奶粉
呢幾日我開始試有咩野飲幫我發奶
我會每轉泵奶之間試飲唔同野
暫時好似黑豆水幾好
其實有可能就咁飲水都得
下星期會開始試番工嘅泵奶時間表
有人奶就食啦
冇就食奶粉啦
唔好有壓力
愈多壓力愈冇奶
其實俾左阿女食3個月大半人奶
我都好高興喇
我好多朋友窮到餵一個月都冇
又有好多塞奶/發炎搞到好快唔餵
真心餵人奶好多野要搞
唔夠奶又要諗追奶
太多奶又要泵清唔好塞奶
總之唔好搞到自己唔開心就得架喇
其實我唔明點解而家D人奶媽會3個鐘泵1次，明明係2個鐘一次。3個鐘一次個frequency都小咗幾次啦。
3個鐘呢個concept係應用喺食奶粉度，3個鐘餵B一次，並唔係泵奶。
利申：2012及2015全人奶媽，第1胎係仔都係追奶追得好辛苦。
香港母乳育嬰協會
當年陀緊時喺呢度狂咪書，希望未生B嘅媽媽想餵人奶要裝備自己母乳知識。餵緊嘅都可以繼續咪書。
各位人奶媽加油
1個讚
當年做奶媽時，喺BK母乳Page都係活躍份子，雖然我已經完成歷史任務，但既然嗰邊已成亡國，我都會略盡綿力，盡量幫助各位母乳媽媽。加油。
3個讚
咁我死梗
我係窮媽，無咩奶，密密埋身
我個B大約兩個鐘左右就嗌肚餓
次次每邊食20分鐘，都係我痛所以放佢口
再補奶粉
都未有時間泵清，咁好快又下個輪迴 
第一句就打沉自己
休息夠，飲夠水，密密餵，心情輕鬆
魚湯，通草，黑豆茶，mother milk tea等等…等等
總之所有方法都做過，已經盡咗力就夠啦！唔洗俾壓力自己。
唉⋯3個鐘一次已經覺得係自己極限
如果要2個鐘一次，我諗我好早就放棄左 
而家bb4個月
原先每次泵都係得一安，呢幾個月都努力追奶，咩食/飲都試過，但奶量都唔
無多，近呢幾日試過泵出連一安都無⋯
想放棄既心又出左黎 
1個讚
我BB三個星期，我都同你一樣
追奶追到瘋狂
邊個話咩有用就即刻又試
去到今晚突然覺得自己過分咗
反而鬆咗一口氣
我哋一齊加油
有個JM喺另一個post講過，有一滴俾阿B都係有母乳嘅營養
1個讚
到而家4個月，好想放棄
因為我係泵媽唔係埋身，覺得同bb相處既時間少左
爸爸要返工但係覺得bb見到佢好似仲開心咁⋯
我都有呢個感覺
之前一直只係餵同瞓
老豆反而會同佢玩下
餵緊嘅時候佢又眼瞓，我又眼瞓，都無咩交流
間中遲些少午睡去同佢玩下，個人會開心好多
要餵人奶就加油，唔餵人奶就揀好d既奶粉。唔好比壓力媽媽
最反感d極端份子，係都強逼人餵人奶，唔餵人奶好似罪犯咁。bb係自己既，人地意見只供參考。
(我窮媽，半人奶半奶粉)
想問問，如果一直都bump，keep住2個鐘bump，埋唔到身的話，有冇機會都keep 到奶量水平？
我依家bump 齊左右每次有100ml，但係最近乳頭出血停了。
寧願泵密啲好過一次泵得耐，即係每三個鐘泵15分鐘，對增加奶量黎講，係有效過每六個鐘泵30分鐘
1個讚