個仔5月出世，
我同老公都係在職人士，冇長老幫手
本來打算8月復工就遞信辭職，做ftm，所以冇提前請定工人。
但唔好彩地，我有產後抑鬱，
唔可以獨自長期湊b，驚情緒一差起上嚟，我會傷害bb
於是6月請咗個本地Y姨姨做保姆
月薪1萬3，返星期一至五，朝9晚5，
淨係要佢湊bb，唔使做家務，唔使煮飯。
初初覺得Y姨姨都幾好，又幾錫BB
雖然一開始唔熟架步都有做漏做錯，
不過我見佢錫bb就算啦
7月同佢簽咗3個月合約，寫明做到9月底
其實我請佢之前一早講咗係請長工
佢仲話好歡迎我請佢做長工
點知7月中疫情開始失控
佢就成日出口術話擔心自己惹到菌畀bb
言談之間講咗兩次唔想做，
我同先生都分別同佢獨自傾過，
佢又扮晒嘢話，佢想返工㗎，但擔心bb受感染之類嘅說話
咁我就叫佢安心繼續返工，
我呢個做阿媽都未驚，你係保姆，仲擔心過我？
（我一直覺得係佢想WFH，不過唔好意思講出口）
好啦，於是Y姨姨7月20號就開始請病假
呢樣唔舒服，嗰樣唔舒服
有日應承咗我返工，轉頭又打嚟話佢個女生日
又突然返唔到，總之就好多藉口。
Y姨姨7月24號返過工，我直接問佢係咪唔想做
佢冇答我，淨係拍晒心口話會做埋7月，仲會做到我搵到第2個姨姨先會唔做
聽到佢咁講，我都立即開行TURBO搵定其他姨姨
就算請都冇咁快請到新姨姨，最快都要8月
呢個女人琴日就Whatsapp我
又話自己唔舒服，由7月20一直到7月26都肚痾喎
7月尾都返唔到，咁樣仲唔係玩嘢咩
雖然我真係冇evidence話佢扮病
但我好難唔懷疑佢
一d誠信都冇呀佢，合約精神呢
又話做到我搵到第2個姨姨
我產假8月就完啦，依家仲未請到新姨姨，
真係好困擾我，我抑鬱又嚴重咗
原本唔想菲菲同印印都係怕佢地唔聽話
點知本地嘅都係會玩嘢，定只係我唔好彩 
