我已經係一孩mama。第一胎既時候都算順利，備孕左半年努力兩三個cycle就bingo了。所以都鼓起勇氣說服自己再生多個。
今年四月用棒驗到好淺線，以為又係好順利。但連超聲波都未照5weeks前突然見紅，排左組織出黎。醫生話化學懷孕，自然排斥，未必係mama問題。
當時非常唔開心，連病假開左都無放到，照常番工免得在屋企觸景傷情。最近都開始學識放開，所以同老公繼續努力試下。
七月頭唔知點解開始腰痛，超級易眼訓同攰。月經一向好準，就算四月化學完之後五六月都好準時，今個月應該16號到m到，宜家過左due date 6日都仲未黎m。
15號朝早起身喉嚨小小痛，宜家疫情習慣朝朝量體溫啦，竟然37.4度，當時因爲未到due date，所以只聯想到自己發燒好驚係肺炎。即刻睇醫生，醫生話作感冒開左藥食，我亦都食晒三日藥。
食完藥的確喉嚨已唔痛，但仍然keep住體溫高，37.3/37.2/37.1（平時無事我係36.3既寒底人）因為已過due date，加上早幾日開始想嘔，明明食得唔多野但飽到頂住喉嚨咁反胃，無咩胃口，繼續腰痛同攰。今日都37度，心急既我買左幾支棒驗，但都白雪雪得一條線，好努力咁望就好似有條極極極淺既線（可能係自欺欺人），搞到精神緊張。
唯一一支我唔知有無眼花，我形住係有條好淺既線（唔知有無mama都試過）上一胎未到due date就驗都已經有條明顯既淺色線，但呢支過左due date 5日都好似。。。我唔識講。
有無mama都試過過晒due date用棒都驗唔到但其實成功bingo左？
我問老公，佢話咩都睇唔到。心都沉晒，唔通只係自己幻覺，經歷過化學懷孕，我好想努力去彌補番。雖然當時醫生都話化學懷孕好小事，平常心。又或者其實真係未係時候。我會等多幾日，如果都仲未黎m再驗多次。
擔心你…
