今日去咗家計做產檢抽埋血做nifty
第一次睇到bb係肚度郁下郁下，睇到閃閃好快
一切都好似ok，但醫生話我頸腫
抽血順便驗埋甲狀腺有冇問題
依家有d擔心影響bb，有冇媽媽都有甲狀腺問題呀？
我兩胎都係甲狀腺素有d低，但係我就無頸腫。
如果低dd，醫生話係荷爾蒙影響到，無問題。
但係我唔清楚你而家係咩問題。
我頸腫已經好耐架啦，不過一直都無理會…希望問題不大啦
我之前產檢醫生都話我頸腫叫我驗下,血都無事但照超聲波有纖維瘤,但醫生話應該無咩影響,生完先再處理
希望我都無事啦，唔想要食藥個d
1個讚
要睇你係甲亢定甲減先幫到件事
因為差唔多係相反既方法
等候期間 平常心 唔好諗咁多 放鬆 對你有幫助
我係甲減媽媽
懷孕前係正常，第5周抽血發現甲減
（routine check發現，我冇任何徵狀）
產科轉介我睇內分泌科，懷孕9個月keep住抽血同食藥
阿仔健康足月出世，同埋佢甲狀腺功能正常
知道了
我依家都做唔到d咩
咁食左藥你自己會唔會都完全好返？
等報告d時間好慢長啊
我嘅甲減較輕微
醫生話如果我唔係大肚嘅話，係唔需要食藥
於是我啲藥淨係食到臨生嗰日
之後就唔使再覆診，都唔使再食藥
醫生有提我，如果想生第二胎，就要返去再抽血，
睇下嗰甲狀腺功能點，
不過我已經決定封肚 
放心交比醫生啦！
我生之前毛啦啦都驗到自己天生有甲狀腺抗體，令我會比較易有甲亢，一開頭會check得好密個個月抽血，之後正常就冇點理了。
孕期仲有大把嘢其他要擔心，總之醫生要你抽血就抽血，食藥就食藥，自己唔管得咁多～保持心情放鬆～
每日都要食藥啊？
如果我身體有事真係要考慮清楚先生第二個，唔想bb.出世就有問題
依家都係等報告咋，不過個人會緊張少少，始終第一次咩都唔識
多謝你既開解
1個讚
唔一定要食藥，醫生會睇報告決定。我上胎懷孕前無事，9週驗到甲亢，17週後變左甲減，之後一直甲減直到生。全程無食過藥，只係每個月去QE抽一次血，見一次QE專科(但其實我喺私家生)。阿B足月順產出世，好健康。生完1個月再去QE驗血甲狀腺已經正常返，冇晒事。樓主唔洗咁擔心，醫生話第一胎甲狀腺素唔穩定係好常見。
咁我要唔要定期去check好？因為我唔打算私家生，唔知政府個d係點樣安排
不過睇你咁講個人無咁驚啦，
如果私家check到有事，應該都會寫紙轉介你去政府。政府對有特別狀況的孕婦跟得好足，可以放心。
原來係咁樣既
咁我等左報告再睇下點樣啦，thank you so much
1個讚
我check到有啲低。不過覆佐診2次乜藥都唔駛食都得。仔仔出世時體溫有啲低。入過箱仔瞓。打佐7日抗生素。不過佢而家都係個好有安全感，健康既小孩。
2個讚