嗰個潔癖就係我啦 
之但係番梘係比梘液環保，用少啲膠可以保護環境，如果唔係一年加加埋埋至少都要掉好幾個膠樽。仲有，如果唔係買貴嘢嘅話，番梘真係比梘液平好多。
其實呢，沐浴露唔會比番梘衛生——甚至，《紐約時報》報導引述學術研究，話就算用咗受細菌污染嘅番梘，都難以傳播細菌！因爲番梘嘅分子結構令到啲水一沖，啲菌都會沖走埋。下面篇文就講得好清楚啦：
7個讚
但係，作爲一個潔癖，真係有啲難接受用完一嚿番梘，搞到佢溼立立，又要等佢瀝乾——莫講話要同屋企人共用 
之前留意到呢款刨番梘器，覺得都幾適合我 （真係潔癖到一個點） 。
之但係，佢好似冇成功商業化，就連個網頁都冇埋。我都懶得 send email 問個 designer 有冇得賣啦！我個friend見到之後仲要話：「我唔覺得呢嚿番梘嘅重力足以令佢刨絲囉！」
1個讚
作爲一個社科學生，做資料搜集點會難到我啊！ （馬後炮） 我都搵咗一大輪嚟，睇下有冇類似嘅產品，一部可以刨番梘絲嘅機。我發現，呢類產品原來真係好少見，就連「萬能」嘅淘寶都冇。可能大家都唔會好似我咁潔癖啦！ 
都搵到好幾件嘅，大多都係凈係喺衆籌平臺出現，仲有一個係太貴。
.
.
.
.
.
.
.
卒之，我搵到啦——一部啱我嘅刨梘器。我都唔記得咗我係點樣搵出嚟，你都唔會估到佢嚟自邊度。
佢係噉用嘅：
1個讚
首先，將粒的推入去。
1個讚
然後，將嚿梘放入去，蓋推返入去。
1個讚
最後，就係隻手噉樣扭下扭下個掣，啲番梘絲就會刨出嚟啦（佢個滾筒就好似芝士刨噉刨番梘）！
1個讚
好啦，講返佢係邊度嚟。佢係白俄羅斯公司出嘅，喺白俄羅斯製造！唔知係咪我要求高，佢個網整得好巖巉。我都有一刻諗梗佢會唔會係 scam。不過我都唔驚嘅，有信用卡退款保障機制，我俾完錢，佢冇俾貨我，我可以向 Visa/MasterCard 要求 chargeback 退款。
等咗個半月，終於收到啦！佢係全球免運費嘅。我諗我係佢第一個香港嘅客戶，見佢個 marketing 都係 sell 白俄羅斯鄰近國家 
宜家疫情嚴重，收到咁老遠嘅包裹我都徹底消毒一次先搞佢。
4個讚
成個箱就凈係三樣嘢：本體、膠紙同螺絲配件。初初開箱試用我凈係貼咗膠紙，冇上螺絲，都用得滿意嘅。時間耐咗，佢跌落嚟嗰陣我再裝螺絲。
3個讚
本體大頭相。
3個讚
呢個刨番梘器刨出嚟嘅番梘絲比我想像中好。宜家用咗幾日嚟沖涼都覺得幾滿意，稍後可能會買啲高級番梘嚟感受一下 （喂唔係話番梘平咩） 宜家就可以等屋企剩餘嘅洗手液存貨慢慢耗盡，然後再買多部用嚟洗手！
件刨梘器叫 SoapPlaner，呢個係佢官網（注意佢係計美金）：
利申：非打手 （你都好難想像一間白俄羅斯公司要喺本身就唔係話大嘅香港市場搵打手賣嘢啦） ，純粹想同人分享搵到自己想要嘅嘢嘅喜悅：呢樣嘢我真係搵咗好耐，就算用英文嚟搵都好難搵到 （可能係我功力唔夠啦） 希望同我一樣有需要嘅人都可以藉著呢個 post 買到自己中意嘅嘢啦！
其實，用少個膠樽真係唔難，好似我噉嘅潔癖都做到
.
.
.
.
.
謹此紀錄我喺度嘅第一個post。
亦都希望呢個post可以俾中文互聯網社區嘅人search到，令佢哋知道有樣噉嘅嘢存在 （潔癖專用） 。
#刨番梘絲 #磨番梘絲 #削肥皂絲 #削香皂絲 #刨皂器 #刨梘器 #肥皂粉碎機 #磨碎肥皂機 #番梘 #肥皂 #香皂 #沐浴露 #肥皂絲 #香皂屑片 #Soap Flakes #SoapPlaner
.
.
.
.
唔好意思，頭先諗住一氣呵成出曬成個 post，點知原來新嚟嘅出 post 有咁多限制（又唔可以多圖又唔可以多link）
請大家多多包涵，多謝 
16個讚
皂係乾淨過架
1個讚
聽講話番梘個樣似污糟，不過細菌痴唔到落去。我未FC. 我屋企一人一舊番梘
6個讚
我係用皂架，平平貴貴都有。不過洗頭都係用洗頭水
用咗好耐皂，平時用番皂網吊住，冇覺得唔衛生過
9個讚
我都係最近呢一年用番梘沖涼，真係覺得平時用咁多膠樽好唔環保～ 再加個起泡袋其實真係好抵用
5個讚
我都係用番梘
3個讚
從沐浴露轉用番梘
脫離拖車仔買沐浴露嘅惡夢
2個讚
我用緊梘,最明顯係梘液一沖水即甩,88
所以連菌都可以快沖走,我信 
1個讚
我淨係接受到同老公兩公婆共用一舊番梘
依家都係用番梘洗手
我都係用番梘， 用梘液好似沖唔乾淨咁