我朋友6歲已經俾
只可以向屋企用 主要俾佢打機喎
佢平日同仔女溝通都係用WhatsApp…
坦白講 我會覺得早左少少
最近小朋友7歲生日 佢都提出想要智能手機…
我話我十幾歲先有呀 暫時可以打發佢 
我明白時代唔同
所以想聽下現今家長意見 
謝謝
我覺得10歲，高小都ok
我：小一
初小以下俾智能定位手錶，有事就打電話俾小朋友。
高小先會俾電話，尤其男仔，可能小五，小六就自己放學。
我仔小四先有，因為自己去補習。
其餘時間冇電話。
我覺得起碼十一二歲，或者中一啦
一來為佢視力發展著想，二來太細個接觸智能手機可能會影響佢對探索其他事物嘅慾望&社交能力。
想當年我自己…中二先有手機用
3個讚
7歲俾佢查字同做功課用！基本上唔會攞出黎用，亦唔會扭！
講明我借俾佢用，唔係俾佢玩！
我諗住中學避無可避先俾，個個一有咗自己電話就機不離手，最憎係啲小朋友同家人食飯都塞住對耳仔 
俾電話佢又要成日唔俾佢用，咪即係搵交嗌
2個讚
小一算早喎 係無咩特別原因 例如要gps果啲?
我都用手機/ipad去查字典 俾小朋友做功課架
但都係用我果部 無獨立俾一部佢…
除左之前停課有自己用部老爺laptop上zoom之外
其餘時間用電子野都要大人在身邊先俾用
但係佢地真係好叻
自己click下click下部laptop
搵到個位可以買game 無啦啦打黎問我password係咩
差啲中招 
唔係，首先係用WhatsApp
之後到三年級開始有同學群組
四年級識自己拍片剪片，同同學視象（用hangout, Skype)，用facebook睇嘢，自己搵巴士資料（佢係巴士迷）
另外小四學校要用ipad上堂，停課要上視象堂，用google classroom睇老師發放嘅消息，仲有一堆學習程式例如quizzes, Kahoot等等…真係叻過我
而家買新嘢返嚟佢哋識自己睇自己裝。
當然我都要不斷提醒佢哋網上啲騙案、唔好透露個人資料等等
小六個個都有自己電話號碼入班嘅WhatsApp 群組㗎喇。不過小學生畢咗業就唔再點聯絡，自己衡量同考幾時俾手機啦
可以介紹吓邊款嗎？
我打算中一開始有限度咁俾，例如出街方便聯絡，其餘時間唔會俾
你淘寶揾小尋 手錶
始創同深水埗深之都 有得唔買，
有幾款，定位都一樣準，視乎想要咩功能。用中移動儲值卡。
好的唔該
我見好多中一生都有電話返學，lunch時會坐埋打機。
我有三個仔女，好睇小朋友性恪，夠定力你可以早早俾，但經驗話我知越遲俾越好
我小六差唔多暑假先比，當生日禮物。
不過以我經驗，越遲比越好，一有手機就機不離手，講明夜晚九點會收機，真係要收會發嬲