我BB 兩個月+ 11日大，尾奶23:30（140ml) , 00:00瞓覺，早上0700左右要奶(120ml)，0730 瞓返，1230 仲瞓緊，如果咁樣情況，大家會叫醒佢起身食奶嗎？我好掙扎，因為會影響尾奶時間…（日間3小時餵一次，唔喊都餵，驚唔夠奶量，BB 10.6磅，計返要720ml 一日）
我會等佢肚餓自然醒，BB反應好直接架，佢哋有咩依郁一定喊，同埋佢哋都會攰架嘛，所以如果上一餐鍡好咗佢換晒片，而佢又冇任何嘔奶或者危險跡象，由得佢安眠吓啦！你同佢都可以有個goodsleep…
1個讚
好羨慕咁好瞓嘅bb. 我嗰隻到而家都未可以瞓天光，一晚起碼醒兩次。
我唔會叫醒佢，佢餓會自然醒嚟扭奶飲，Bb瞓到就由得佢瞓，按需求去餵就得。基本上佢瞓到就代表唔肚餓，bb睡眠好重要，叫醒佢反而可能打斷佢規律
5個鐘頭唔飲奶，兩個月人仔，我覺得隔得太耐。
夜晚可以由佢瞓，朝早定時餵比較好。
唔會，健康院姑娘教落，唔駛定時餵奶，BB餓自然會醒會喊，呢個時間係瞓覺多
1個讚
睇吓你想行feed on demand 定feed on schedule？！
好羨慕12點訓 7點起身咁準時既bb呀
我平日朝早會有得佢訓，佢肚餓自然會起身搵嘢食，所以唔使擔心嘅
日頭我會準時餵！夜晚由佢訓！
同上，日頭按時搵（隔3小時），夜晚由佢訓。
我上堂時個姑娘教日頭最好每2,3個鐘要叫醒bb飲奶，日頭飲唔夠，夜晚會醒得密d要追返啲奶
唔知係咪呢
我都係
我係信奉要細細個就同bb建立規律嘅媽媽
BB朝早飲奶時間，沖涼時間日日都一樣
維持咗1.5個月，BB不單止戒咗夜奶，連每日小睡嘅時間都一樣，湊佢變得輕鬆好多
2個讚
初生得十令日…係味都應該等佢自己喊醒先餵？有時埋身佢食左十令分鐘就訓左……叫唔醒再食咁
如果冇黃膽問題可以唔洗叫啦，BB肚餓就會醒。俾自己訓耐啲啦
不過如果黃膽仲係高，BB會好眼訓，食少左奶黃膽又會勁啲，惡性循環。如果BB冇事嘅可以feed on demand啦
2個讚
岩岩上星期尾第三次番健康院，檢查完話黃膽開始跌了，唔洗再番去睇。咁係咪可以feed on demand 了？
因為佢主要人奶（之前有補奶粉，而家冇）我驚佢一陣黃膽反升番…
10零日就唔好住啦，我諗通常BB要1,2個月先可以訓過夜。如果黃膽係開始跌，就唔好skip住，keep住半夜餵好啲。
食到訓著就等下餐再餵，反正都叫唔醒
1個讚
係呀 真係點攪都唔醒咁。每次叫佢醒食奶攪成半個鐘